Artxiboa gaika: > Suaren nobedadeak

Everest, herria gailurrera eraman zuen balentriaren komikia

Posted on by
1

_everest_komikaCUBIERTA2.indd

Mendizaletasuna kirola baino zerbait gehiago da euskaldunontzat. Gure izaerari sakon atxikita doan jarduera da. Euskalduna izateko modu bat, kasik. Eta mendian egindako balentriak, gure historiaren kinka larri batzuetan, herri garaipentzat jo izan ditugu. Beharbada, une gogoangarrienak Everesterako lehenengo espedizio biak izan ziren, 1974koa (Tximist espedizioa) eta 1980koa. Haien historia kitzikagarria komiki bihurtu dute Ramon Olasagastik eta César Llagunok.

2 orri_cmyk

“Everest. Herri oso bat gailurrean” liburuak espedizio haiek gainditu zituzten oztopoak kontatzen ditu: finantzazioa, eragozpen politikoak, erorikoak, etsipenak, porrotak, zalantzak… eta baita erakutsitako adorea, grina, ilusioa eta jakintza. 1980ko maiatzaren 14an Martin Zabaletak ikurriña munduko tontorrean haizatu zuenean, herri oso bat zuen alboan, hain izan baitzen igoera hura talde-lan zabalaren emaitza.

Historia hori Ramon Olasagastik josi du eta César Llagunok jarri du irudietan. Horrela sortu da komiki hau, bera ere talde-lanaren emaitza, Sua Edizioak eta Mendifilm Festival jaialdia elkarlanean aritu dira eta argitaratzeko.

This slideshow requires JavaScript.

Roncesvalles – Orreaga, goi mendiko santutegia

Posted on by
Erantzun

This slideshow requires JavaScript.

Pirinioen erdian, historia, fedea, natura, artea eta legenda biltzen dituen bidegurutzea dago. Haietako bakoitzak bere onena eman du eta batuketa horretatik Orreaga sortu da, Euskal Herriko Pirinioetara hurbiltzen den ororentzat egin beharreko bisita. Bertan aurkituko ditugun altxor guzti-guztiak “Roncesvalles – Orreaga. Historia, arte y excursiones” liburuan jaso ditu Alberto Murok.

Argazkilari eta gidari ezaguna historian eta legendan murgildu da, buru belarri, bertan gertatu baitzen Erdi Aroko Europan gehien kantatu zen bataila eta bertan baitago erromes bide nagusiko geltoki garrantzitsua. Orreagako guda ospetsua, Errolanen kantuak, Done Jakue bidearen sorrera, kolegiatak gordetzen duen ondare artistikoa… horiek guztiak orrialdez orrialde isurtzen dira liburuan, bestelako gaiekin egoki horniturik: Iturissa hiri zaharra, Orreaga inguruko mendialde ederrak… Santutegitik abiatuta lau txango zoragarri proposatzen ditu.

Gaur egungo argazki liluragarriek eta antzinako irudi bitxiek gure arreta iltzatuko diote liburuari eskuetan hartu eta lasterrera. Testu arin eta zainduek jauzika eramango gaituzte gai batetik bestera, aitaren baten bi mila urteko historia jorratu arte.

“Roncesvalles – Orreaga” liburua Gandiaga bildumako bigarren alea da. Lehenengoa Arantzazuko santutegiari eskainitako liburua izan zen.

“Rutas y restaurantes con encanto”, Nafarroa dastatzeko eta ibiltzeko leku apartak

Posted on by
Erantzun

cubiertaRUTASyRESTAUR.indd

Suak liburu berezia argitaratu du, mendizaletasuna eta gastronomia uztartzen dituelako. Rutas y restaurantes con encanto de Navarra liburuak plan itzelak proposatzen dizkigu, zeinetan txoko ederretan barrena ibiltzeko txangoak egingo ditugun eta bazkari zoragarriak dastatuko ditugun. Adituen lanaren emaitza da liburua: Ritxar Tolosa argazkilaria eta Josema Azpeitia gastronomian aditutako kazetaria jatetxeez arduratu dira; Txusma Perez Azaceta mendizaleak, ostera, ibilbideak aukeratu ditu.

Orotara 38 dira jatetxeak. Mota guztietako sukaldeak, gustu guztiak asetzeko lain, hala bide ondoko bentak nola nazioartean ospea irabazi duten jatetxeak. Denek merezi dute bisita bat, gastronomia gurtzen duten lekuak direlako eta, seguru gaude, asko gozatuko garelako haien lanaren kalitateaz eta bezeroei egiten dieten harreraz. Hauek dira aukeratutakoak (handi ikusteko egin klik irudien gainean):

Atal bakoitza jatetxearen eta bertako lan-taldearen aurkezpenaz zabaltzen da. Osten, lokalaren jakingarriak biltzen dituen fitxa dakar, baita etxe horretako espezialitatea den errezeta ere. Eta, plana osatzeko, inguruetan egiteko moduko mendi buelta, txango edo paseoa. Bardeetatik Belaguara, Lesakatik Cascantera.

 

This slideshow requires JavaScript.