“Parque natural de Urbasa y Andia”, ezinbesteko gidaliburua

Egunotan heldu da liburu-dendetara Parque natural de Urbasa y Andia, aurtengo bigarren liburua Euskal Herria bilduman. Kike Zinkunegik egin ditu hala testuak nola argazkiak. Liburua, zalantzarik gabe, gonbit tentagarria da Urbasako pagadiak, Andiako larreak eta Satrustegiko mendilerroko gailurrak bertatik bertara ezagutzeko. Nork esango dio ezetz halako edertasunari?

Isurialde atlantikoaren eta mediterraneoaren artean kokaturik, Urbasa eta Andiako parke naturala Euskal Herriko eremu babestu garrantzitsuenetakoa da. Goi ordoki zabala, larreak, oihanak eta haitzarteak, goi-ibarrak, ibaisorburuak eta ur-jauziak, gailur panoramikoak, legendaz zipriztinduriko lekuak… parkeko 21.500 hektarea horiek altxor asko gorde dituzte. Haietako batzuk sona handiko lekuak dira, Urederrako sorburua, Beriain mendi txundigarria edo Artazuleko ur-jauzia, kasu. Beste asko, ostera, ez dira kasik ezagunak. Edonola ere, batera zein bestera joanez gero, ez zaigu damutuko.

Liburu honetan Kike Zinkunegi mendi-gidari adituak igoera eta txango sorta aparta proposatu digu, nahi badugu, natura-eremu jori honetako leku ederren bila joan gaitezen. Orotara, hogeita hiru txango eta igoera dira, izan Urbasako pagadietatik, izan bertako gailur lerdenetatik, Andiako larreetatik, Irantzuko arroilatik, galtzada zaharretatik, leize, leiho natural edo bestelako fenomeno karstikoetatik… Baina ez dira ibilbide hutsak. Haien bitartez jendeak mendez mende moldatu duen eremu zabala ezagutuko dugu. Ezagutuko ditugu bere kultura, legendak, historia eta gaur egungo errealitatea. Natura-eremu handi bat, liburu handi batean bildua.

“Guía de los montes de Navarra”, Nafarroako mendi guztiak liburu batean

Nafarroako mendien biblia esaten diote, eta badute horretarako arrazoi sendorik. “Guía de los montes de Navarra” (Sua Edizioak, 2019) liburu mamitsuaren laugarren edizioak 231 igoera eta 522 gailur bildu ditu bere orrialdeetan. Kopuru ikaragarria, egileak, Juan Mari Feliu mendizale adituak alegia, bere gain hartu duen lanaren neurria ematen diguna. Aurreko edizioa ikuskatu, zuzendu eta handitu zuen eta horretarako liburuan ageri diren tontor guztietara igo zen.

Nafarroak, bere zabalean, mota guztietako mendiak eskaintzen ditu, hasi Hiru Erregeen Mahai sabai subalpetarretik eta buka Bardeetako muino bakartietan, Higa edo Beriain gisako mendi lerdenak, Orhi bezalako mitoak eta isurialde atlantikoa zimurtzen duten mendilerro apalak ahantzi gabe. Igoera batzuk goizpasa atseginean geldituko dira; beste batzuk, berriz, egun osoa eta ahalegin handia eskatuko digute.

Guzti-guztiak, tartean direla Euskal Herriko Mendien Katalogoko Nafarroako 215 gailurrak, liburu honetan ageri dira, nola igo egoki azalduta. Aldean mapa txiki bat eta, sarritan, argazkia edukiko dute. Lerroon azpiko estekan mendi guztien zerrenda eta Baztan aldeko igoera sorta bat utzi dizuegu. Ondo ibili!

“Parque natural y sierra de Aralar”, la llamada de la montaña

ARALAR_insta

A caballo entre Gipuzkoa y Navarra, la sierra de Aralar constituye uno de los espacios naturales privilegiados de Euskal Herria, un área montañosa poblada desde antiguo que aúna montañas icónicas, rasos pastoriles, bosques inabarcables, cascadas y nacederos mágicos, altivos peñascales, valles remotos y santuarios referenciales. El libro “Parque natural y sierra de Aralar” (Sua Edizioak, 2019), del experto montañero Juanjo Garbizu, propone ascensiones, travesías, excursiones y paseos para conocer y disfrutar de toda la sierra, tanto en su ámbito guipuzcoano (donde está protegida con la categoría de parque natural) como en el navarro.

Bajo estas líneas dejamos un enlace con el índice y dos de las veintitrés propuestas que contiene el libro: Pardarri desde Guardetxe y Larraone desde Amezketa. Grandes planes para disfrutar de la montaña en Euskal Herria. Ondo ibili!

EH33_ARALAR-1