“Mundu bat motxilan”, norberaren Everestaren bila

Posted on 13/07/2020 by Euskal Herria bilduma

MUNDUMOTXILAN_insta

Everesterako bidean doa Alex Txikon bere motxila lepoan hartuta. Urratsak eman ahala motxila horrekin izango ditu solasaldi luzeak, mendiaz, bizitzaz, kirolaz eta jendetasunaz gogoeta eginez. Txikoni bezala, guri ere lagungarriak izango zaizkigu berbaldi horiek, nork bere Everestaren bila egiten duen bidaia kitzikagarrian makulu eta iparorratz.

Unai Ormaetxearen “Mundu bat motxilan. Alex Txikonen menditazioak” liburu zoragarriak publiko guztiei, baina bereziki gazteei, begira idatzita dago. Beheko estekan, Rafa Ugaldek jarritako hitzaurrea aurkituko duzue, besteak beste. Erdu bada gurekin tontor bila!

MUNDUMOTXILAN_hitzaurrea

“Guía de flores”, Euskal Herriko loreen mundurako atea

Posted on 10/07/2020 by Euskal Herria bilduma

Erantzun

portada1,2 (corregido).indd

Loreak gure bizitzaren funtsezko partea dira. Ederrak, bitxiak, harrigarriak izaten dira berez. Paisaia zoragarrietako osagai garrantzitsua ere badira, edo haien lekuko mutuak, edo agian kolore eta alaitasun zipriztinak eransten dituen pintzelkada bizia. Gainera, sinbolismoz jantzi ditugu. Eta, zer esanik ez, naturak eta bizitzak aurrera egiteko ezinbesteko gakoak dira.

Euskal Herriko ehun lore espezie dakartza “Guía de flores de Euskal Herria” gidaliburuak (Sua Edizioak, 2016). Joana Garcíak egin zuen denak biltzeko eta gure esku lagatzeko lana, identifikazioa errazteko eta ondo ezagutzeko jakingarri guztiekin. Beheko estekan gidako aurkibide osoa eta bertako ale batzuekin egindako lore sorta txikia utzi dizuegu, opari.

FLORESpags

FLORES_indice

“Una semana en Otsagabia Irati”, udarako plan bikaina

Posted on 29/06/2020 by Euskal Herria bilduma

Erantzun

PORTADA.indd

Ondoren esango dugunak uda guztietarako balio du, baina aurton inoiz baino egiagoa da. Iratiko oihana, Otsagabia eta Zaraitzu ibarra opor zoragarrien bermea dira. “Una semana en Otsagabia Irati” liburuak (Sua Edizioak, 2011) inguru hartan egiteko moduko plan eta informazio piloa eskaintzen du, argazkiz eta mapaz ongi hornituta. Irati, Otsagabia eta Zaraitzu banaka eta xehe-xehe deskribatzeaz gain, autoz egiteko hiru bide eta oinez egiteko hamar txango proposatzen ditu. Horrela, ibilbide erraz eta atseginak (Itsuosin ur-jauzia edo Iratisorokoa, adibidez), txango handiagoekin tartekaturik agertzen dira (Orhirako igoera, kasu). Pago eta izeien itzalpean ibiliko gara, edo Abodiko mendi bizkar belartsuaren gainean, edo harrizko herri zoragarrietan barrena tipi-tapa.

Lerroon azpiko estekan, erakusgarri txiki bat utzi dugu, tentazio moduan. Eta Zaraitzu aldera hurbiltzen denak, Irati aldeko natura joriaz gozatzeaz gain, erantzun dezala galdera honi: Otsagabia ote da Euskal Herriko herririk ederrena?

OTSAGA-IRATI_sareak