“Valles secretos de Gipuzkoa” liburuko ibar sekretuak

Zer esana ematen ari da Valles secretos de Gipuzkoa liburu berria. Izan ere, zeintzuk dira Joana Garciak eta Txemi de los Doloresek aukeratu dituzten ibar horiek? Hain isilpekoak, ezezagunak ote dira? Bada, haran zerrenda osoa lerroon azpiko pdfan daukazue, liburuaren lehenengo orrialdeekin batera. Egonda gaude? Ezagutzen ditugu?

Orotara, 23 bailara proposatu dizkigute liburu honetan. Hor dago tentazioa. Eta ez pentsatu ibarrak izanik paseo errazak bakarrik aurkituko dituzuela liburuan. Hau mendizaleentzako proposamena da, Gipuzkoa beste era batera ezagutzeko eta sarritan bazterrean gelditzen diren parajeetan barrena tontor eta eskualde ederrak tipi-tapa ibiltzeko.

Egonda zaude? Ezagutzen dituzu Gipuzkoako ibar ezkutuak?

“Valles secretos de Gipuzkoa”, mendizaleentzako liburu harrigarria

Euskal Herria Liburuak bildumak 2022ko azken liburua kaleratu du, Valles secretos de Gipuzkoa alegia, mendiz mendi gutxien ezagutzen ditugun Gipuzkoako bailaretan barrena eramango gaituena. Egileak Joana Garcia eta Txemi de los Dolores dira, biak ala biak eskarmentu handiko mendizaleak eta herria goitik behera ibilitakoak.

Komunikabide handietatik eta ohiko ibilbide turistikoetatik kanpo, liburu honetan bildutako ibarrak natura-gune apartak dira. Jende gutxi ibili ohi da bertatik, eder-ederrak diren arren. Haran horietan harri eta zur utziko gaituzte oihan sarriek, gailur menderakaitzek eta kontu handiz gorde duten ondare kulturalak.

Mendizaleentzako liburua da hau. Tontorrez tontor, bailara ederrak ezagutuko ditugu, Basabe, Urbia, Olatz edo Degurixa bezalako malkarretan ibiliz. Gure botak gailurretara iritsiko dira, baita oihanaren bihotzeraino ere Atxulondoko burdinola galduaren bila, Lizardierrekako ibar mitologikoan barrena abiatuko dira, Kilimon erreka sorginduaren ertzetik ibiliko dira eta Etxolaberriko haran “erromatarra”ren itzulia osatuko dute. Azken batean, gutxien ezagutzen ditugun Gipuzkoako mendietara joateko gonbita dakar liburu honek.

Joana García eta Txemi de los Dolores mendizale zailduak dira eta dagoeneko hamaika argitalpen kaleratu dituzte alpinismoarekin eta naturarekin lotuta. Bilduma honetan bertan aurretik liburu bi plazaratu dituzte: Excursiones por crestas y cordales (2018) y Pueblos de Gipuzkoa con encanto (2020).

“Rutas montañeras desde las capitales”, liburu asko liburu bakar batean

Liburu desberdina da Rutas montañeras desde las capitales. Desberdina da edukiz, batez ere txango gehienen abiapuntuak hiritzarrak direlako, Hego Euskal Herriko hiriburuak alegia. Botak jantzi eta tipi-tapa ibiltzen hasiko garenean kalean egongo gara, espaloi gainean ziurrenez, zain dugun mendia etxe-orratzen atzean ostendurik dagoela. Urratsez urrats, hiritik atera eta naturan murgilduko gara, plazer handiz.

Baina horrez gain, liburu honetan badira kontu gehiago. Hasteko eta bat, Antxon Iturriza Aizpel mendizale ezagunak eta mendizaletasunaren historian adituak testu kitzikagarria idatzi du euskal hiriburuak eta mendizaletasunaren sorrera lotzen, De las calles a las cumbres izenburupean. Bestetik liburuko aitzinsolasa eskarmentu handiko beste mendizale bati zor zaio, Jesús Mari Alquézarri, hain zuzen.

Eta liburuaren erdialdean, gehigarri moduan, hiriburu horietako berdeguneen gaineko erreportaje aipagarria dakar, argazki ederrez hornituta. Gure bidaia hiri barruko paseo batekin osatu nahi badugu.

Esaten dugunaren erakusgarri, beheko estekan liburuaren orrialde batzuk jarri ditugu ikusgai. Besteak beste, aurkibidea, Alquézarren aitzinsolasa eta mendi txango bat paratu ditugu. Ondo ibili!