“Rutas por los bosques más bellos”, Aragoiko libururik onena

ARAGON_bosques

Aragoiko Los Amigos del Libro elkarteak Eduardo Viñualesi eman dio Premio Búho 2018 liburu onenaren saria Sua Edizioak-ek argitaratutako “Rutas por los bosques más bellos” liburuagatik.

2017an argitaratu zen liburu hori eta berau da Aragón bildumako lehenengo alea. Orotara 40 ibilbide eder dakartza, oihan eta basoetan barrena. Hasi Ebro ibarreko leku lehorrenetako pinudi eta ipuru basoekin eta buka Huescako gailur garaienetako mendi-pinu bitxiekin. Tartean dira pagadi zabalak, harizti menderagaitzak eta ibai ondoko ibar-baso joriak. Hala testuak nola argazkiak Eduardo Viñualesenak dira.

Sari banaketa datorren apirilaren 26an izango da, 19:00etan Zaragozako Caixaforum aretoan. Zorionak, Eduardo!

 

 

 

Catalunya bilduma kaleratu du Suak

CT BOSCOSinternet

Liburu bilduma berria kaleratu berri du Suak: Catalunya. Izenak berak ezagutzera ematen duenez, Kataluniako mendia, aisialdia, natura eta kultura jorratuko ditu. Aurton, 2016an alegia, hiru liburu plazaratuko dira bilduma horren baitan.

Lehenengo biak liburudendetan daude dagoeneko. Alde batetik, Guía de vies verdes i camins naturals, bide berdeen eta natur bideen gidaliburua, Sergi Ramisek idatzi du. Gidaliburu horretan Kataluniako 39 bide berde jaso eta azaldu ditu.

Bigarrenak, ostera, oihanak jorratu ditu: Rutes pels boscos més bells. Egileak, César Barbak alegia, Kataluniako 45 baso eder aukeratu ditu. Ibilbide zoragarriak marraztu ditu gaztainadi, artadi, pagadi, izeidi, pinudi eta haltzadi abartsuen abaroan.

Bildumak segida edukiko du datozen hilabeteetan. Izan ere, urtea amaitu orduko “Pobles amb encant i excursions pels voltants” argitaratuko da. Sergi Ramisen eskutik Kataluniako herririk ederrenak ezagutuko ditu irakurleak.

CT BOSCOS LIBRO ABIERTOok

Gorriz jantzitako egunak

20141121_103010Haritz zaharren basoa. Munain-Okariz (Araba).

Bazterrak gorriz jantzi dira egunotan. Edo okrez, horiz, laranjaz. Urtarorik ederrena bere onenak ematen ari da orriak orbel bihurtzen diren bitartean. Etxeko epela utzi eta mendira jotzeko grina hauspotu egin digu. Kolore festa txundigarria dago gure zain.

Hamaika leku egoki daude egun hauetako edertasunaz gozatzeko. Argazkikoa, esate baterako, Entziako mendien abaroan mendez mende hazi den Munain eta Okarizko basoa, haritz zaharren (500 urtetik gorakoak, asko) zuhaiztia. Hori eta beste asko Rutas por los bosques más bellos liburuan ageri dira. Beste aukera klasikoak Aizkorri-Aratz, Aralar, Baztan, Urbasa eta Iratiko oihana izan litezke. Horietara joez gero ere, lagungarriak izango dira Suaren mapa berrituak.

Eta, jakina, zuhaitz zaleak bagara, komeni da zuhaitzen gidaliburua aldean eramatea, aurrean daukagun edertasunaren ardura norena den jakin dezagun.