“Rutas por los bosques más bellos”, Aragoiko libururik onena

ARAGON_bosques

Aragoiko Los Amigos del Libro elkarteak Eduardo Viñualesi eman dio Premio Búho 2018 liburu onenaren saria Sua Edizioak-ek argitaratutako “Rutas por los bosques más bellos” liburuagatik.

2017an argitaratu zen liburu hori eta berau da Aragón bildumako lehenengo alea. Orotara 40 ibilbide eder dakartza, oihan eta basoetan barrena. Hasi Ebro ibarreko leku lehorrenetako pinudi eta ipuru basoekin eta buka Huescako gailur garaienetako mendi-pinu bitxiekin. Tartean dira pagadi zabalak, harizti menderagaitzak eta ibai ondoko ibar-baso joriak. Hala testuak nola argazkiak Eduardo Viñualesenak dira.

Sari banaketa datorren apirilaren 26an izango da, 19:00etan Zaragozako Caixaforum aretoan. Zorionak, Eduardo!

 

 

 

Inkesta bete dutenen arteko zozketaren emaitzak

Lehengo ostiralean, urtarrilak 27, amaitu zen Euskal Herria Liburuak hilabetez zabalik eduki duen inkesta betetzeko epea. Lehenengo eta bat, eskerrik asko parte hartu duzuen guztiei. Zuen erantzunak osoa lagungarriak izango zaizkigu Euskal Herria Liburuak bilduma hobetzen.

Inkesta bete dutenen artean zozketa egin ondoren, ondoko hauek dira irabazleak:

Trango motxila bana:

-Javier Narkue (Nafarroa)
-Jorge Sanz
-Koldo Badillo (Nafarroa)
-Pilar Lorenzo (Gipuzkoa)
-Jose Ramon Sola Labari (Nafarroa)

Mapas Pirenaicos bildumako 5 ale:

-Iñigo Vidaurrazaga (Bizkaia)

Datozen egunetan irabazleekin jarriko gara harremanetan saria helarazteko. Zorionak sarituei!

 

 

Harpidedun eta saridun!

Azaroan iragarri genuen bezala, Euskal Herria Liburuak bildumako harpidedunen artean hiru sari zozkatu ditugu. Proiektu honi eusteko ezinbesteko zutabea zarete harpidedunak eta, hortaz, zuen fideltasuna saritu nahi izan dugu. Zehazki, irabazleei autokarabana bana egokitu zaie asteburu baterako, Furgokaravaning konpainiaren eskutik. Ondoko hauek dira saridunak:

Gorka Uriarte Unzalu (Gasteiz, Araba)

Rafael Guillem Artacoz (Puiu, Nafarroa)

Felix Uriarte Mandaluniz (Hondarribia, Gipuzkoa).

Zorionak hirurei eta ondo-ondo pasa.