“Rutas con leyenda”, Asturias gure zain dago

Asturiasek liluratu egiten gaitu bertara heldu eta batera. Izan ere, leku gutxitan ikusten dira hain egoki nahastuta hiru osagai funtsezko: mendi garaiak, ibar berde-berdeak eta izugarri ongi gorde duten kostaldea. Rutas con leyenda liburuak Asturiaseko paisaia ederretan barrena eramango gaitu laugarren osagai garrantzitsu bat gidari hartuta: bertako kultura. Ahozko tradizioak zazpi kontakizun eta irelu gorde ditu eta haiek sorgindu egingo gaituzte, zaindu dituzten parajeek sorginduko gaituzten bezalaxe.

Sonia Romo eta Manuel Blancoren liburu honek Asturieseko leku ederrenetako batzuetara eramango gaitu, behialako sineskeren lorratzen atzetik. Hogeita bat ibilbide eskaintzen dizkigu, inguru sorginduetara sartzeko gonbit gisa, eta, bide batez, antzinako kondaira eta sineskera haiek sortu zuen unibertso kulturala ezagutzeko atea zabaldu digu.

Liburu honek, Rutas con leyenda alegia, Asturias ederra erakutsiko digu ahozko kulturaren altxor oparotik abiatuta. Atal bakoitzak gai bat aurkeztuko digu, baita hari lotutako bailara ere. Kondairaren arrastotik joango den ibilbidea ere proposatuko digu. Eta dena, argazki ederrez egoki hornituta. Han daude, gu noiz agertuko, Santa Compaña, Cuelebre, Xanak eta, batez ere, Asturiaseko paisaia zoragarriak.

Esan dugunaren erakusgarri, lerroon azpian liburuko aurkibidea, sarrera eta atal bat utzi ditugu.

“Ascensiones desde refugios” liburuari harrera gozoa egin diote hedabideek eta mendizaleek

Uztailaren bigarren erdialdean heldu zen liburu-dendetara Ascensiones desde refugios y albergues liburua. Txusma Perez Azaceta mendizale adituak prestatu zuen eta Euskal Herria bildumaren baitan agertu da. Harrez gero, mendiaz gozatzeko plan sorta bikain horrek harrera gozoa eskuratu du hala mendizaleen aldetik nola hedabideetan.

Esaten dugunaren erakusgarri, hona hemen azken asteetan liburuaren berri eman duten hedabideetako batzuk: Txintxarri, Goierriko Hitza, Diario Vasco, Naiz, Noticias de Gipuzkoa eta Onda Vasca.

Liburu-dendetan ere eta, oro har, mendizaleen artean, harrera beroa egin diote liburuari, mendiaz gozatzeko aukera kitzikagarriak eskaintzen dituelako. Mendi giroaren tenpluak dira aterpetxeak eta bertatik abiatzen dira liburuko igoera guztiak. Esaten dugunaren erakusgarri, lerroon azpian atxikita utzi ditugu “Ascensiones desde refugios” liburuko lehenengo orrialdeak.

“Ascensiones desde refugios”, mendi egun bikainen bila

Euskal Herriko mendi-ostatu eta aterpetxeak aukera bikaina dira igoera politak egiteko eta, aldi berean, mendi-giroaz gozatzeko naturaren erdian. Euskal Herria bildumako liburu honen asmoa horixe da hain zuzen, gure herriko tontor ezaugarrietara igotzeko planak eskaini eta, bide batez, naturarekiko lotura estuagoa sortu.

Txusma Perez Azaceta mendizale adituak idatzi du Ascensiones desde refugios. Liburuak hogeita zazpi mendi-igoera batu ditu aterpetxean edo ostatuan lo egin ondoren egiteko. Batzuk mila metrotik gora daude, hala nola Gorbeiako eta Belaguako aterpetxeak edo Urbiako fonda ospetsua. Beste batzuk, berriz, mendiaren oinetan daude, gailur bila noiz abiatuko begira. Liburuko ibilbideotan gailur ospetsuak aurkituko ditugu, Ganekogorta, Joar, Erlo edo Auñamendi kasu, baita naturak bere onena ematen duen ikuskizun horietako batzuk ere, Bonete de San Tirso, Otsogorrigaña, Jorrios edo Aitzulo, adibidez.

Txusma Perez Azaceta liburu sorta mardula argitaratuta dago Sua Edizioaken, eta publikoaren erantzuna bikaina izan da beti. Berrienen artean daude Rutas circulares fáciles (2020), Euskal Herria bildumaren baitan hura ere, eta Guía de montes de Gipuzkoa liburuaren seigarren edizioa, Iñaki Alcalderekin elkarlanean.