Hernioko gailur lerdenaren itzalpean natura eremu bikaina zabaltzen da, itsasaldetik barrualdeko ibarretaraino. Alderdi bat, Pagoeta, natura parkea da eta Hernio-Gazumeko mendigunea, bere aldetik, Kontserbazio Bereziko Eremu gisa babestuta dago. Horrela, Aizarnazabaldik Albizturreraino, gizakiak eta naturak auzolanean, edertasun handiko ingurua gorde dute. Barruti horretan barrena eramango gaitu liburu honek. 29 ibilbide zoragarri proposatu dizkigu, tontor, baso, erreka, itsas gaineko talaia eta bailara bakartien bila joateko, ermita, garai bateko burdinola eta galtzada zaharretako arrastoei segika.
Egilea, Mikel Arrizabalaga mendizale adituak, hamazazpi txango eta igoera aukeratu ditu Hernio aldean, eta hamar gehiago Pagoetako parke naturaletik. Horiez gain, zeharkaldi bi ere badakartza liburuak, Altxonbidea (GR35) eta Gailurrez gailur izenekoak.
Ohi bezala, ibilbideak jakingarri praktikoz, mapaz, trackaz eta argazkiz hornituta datoz. Eta proposatutako eremuko ondarea hobeto ezagutzeko, egileak artikulu labur kitzikagarriak ere erantsi dizkio.
Liburuan kuxkuxeatu nahi izanez gero, lerroon azpian lagina utzi dugu. Ondo ibili!
Euskal Herria liburuak 