“Guía de flores”, Euskal Herriko loreen mundurako atea

portada1,2 (corregido).indd

Loreak gure bizitzaren funtsezko partea dira. Ederrak, bitxiak, harrigarriak izaten dira berez. Paisaia zoragarrietako osagai garrantzitsua ere badira, edo haien lekuko mutuak, edo agian kolore eta alaitasun zipriztinak eransten dituen pintzelkada bizia. Gainera, sinbolismoz jantzi ditugu. Eta, zer esanik ez, naturak eta bizitzak aurrera egiteko ezinbesteko gakoak dira.

Euskal Herriko ehun lore espezie dakartza “Guía de flores de Euskal Herria” gidaliburuak (Sua Edizioak, 2016). Joana Garcíak egin zuen denak biltzeko eta gure esku lagatzeko lana, identifikazioa errazteko eta ondo ezagutzeko jakingarri guztiekin. Beheko estekan gidako aurkibide osoa eta bertako ale batzuekin egindako lore sorta txikia utzi dizuegu, opari.

FLORESpags

FLORES_indice

“Una semana en Otsagabia Irati”, udarako plan bikaina

PORTADA.indd

Ondoren esango dugunak uda guztietarako balio du, baina aurton inoiz baino egiagoa da. Iratiko oihana, Otsagabia eta Zaraitzu ibarra opor zoragarrien bermea dira. “Una semana en Otsagabia Irati” liburuak (Sua Edizioak, 2011) inguru hartan egiteko moduko plan eta informazio piloa eskaintzen du, argazkiz eta mapaz ongi hornituta. Irati, Otsagabia eta Zaraitzu banaka eta xehe-xehe deskribatzeaz gain, autoz egiteko hiru bide eta oinez egiteko hamar txango proposatzen ditu. Horrela, ibilbide erraz eta atseginak (Itsuosin ur-jauzia edo Iratisorokoa, adibidez), txango handiagoekin tartekaturik agertzen dira (Orhirako igoera, kasu). Pago eta izeien itzalpean ibiliko gara, edo Abodiko mendi bizkar belartsuaren gainean, edo harrizko herri zoragarrietan barrena tipi-tapa.

Lerroon azpiko estekan, erakusgarri txiki bat utzi dugu, tentazio moduan. Eta Zaraitzu aldera hurbiltzen denak, Irati aldeko natura joriaz gozatzeaz gain, erantzun dezala galdera honi: Otsagabia ote da Euskal Herriko herririk ederrena?

OTSAGA-IRATI_sareak

 

Donostiaren xarma, denon esku

 

Itsasoaren eta lehorraren arteko besarkadak emaitza ikusgarria eragin zuen Donostian. Jendartearen jardunak, zorionez, hondatu beharrean, hobetu ere egin du, arlo batzuetan behinik behin. Horren ondorioz, Donostiaren xarmak sorginduta uzten ditu bisitariak. “Donostia / San Sebastián” gidaliburuak informaziorik osatuena eskaintzen dio hirira datorrenari. Baina, batez ere, Gipuzkoako hiriburua oinez ezagutzeko hamar ibilbide zoragarri proposatzen ditu. Donostiaz gozatzeko lanabes eragingarriena da. Hiru hizkuntzetan agertu da: gaztelaniaz (2013), frantsesez eta ingelesez (2016).

Ander Izagirreren testuak eta Alberto Muroren argazkiek eskutik eramango gaituzte hara eta hona, Donostian barrena. Esaten dugunaren erakusgarri, lerroon azpiko estekan aukeraketa txiki bat utzi dugu, Donostiaz gehiago jakin nahi dutenentzat. Ondo ibili!

ikusmiraDONOSTIA_sareak