Harrera beroa “Euskal Herriko mugak oinez” liburuari

Posted on 13/07/2026 by Euskal Herria bilduma

Hilabetea da Euskal Herriko mugak oinez liburua plazaratu zela. Goierriko Mendizale Beteranoek proposamen ausarta luzatu diote euskal mendizalegoari, gure herria goitik behera eta ezker-eskuin ibiltzeko, ezagutzeko, maitatzeko. Orotara, 66 etapa, zazpi herrialdeetako perimetrotik. Eta erantzuna bikaina izan da, oihartzun handia lortu baitu hedabideetan. Interesa badago.

Hauek dira orain arte argitaratu diren elkarrizketa eta idazkietako batzuk:

Berria: https://www.berria.eus/bizigiro/mendi-ibilbideei-esker-bizimodua-hobetu-zait_2160143_102.html

Diario Vasco: https://www.diariovasco.com/tolosa-goierri/ordizia/vuelta-euskal-herria-etapas-20260604200302-nt.html

Noticias de Gipuzkoa: https://www.noticiasdegipuzkoa.eus/sociedad/2026/06/03/euskal-herriko-txokoak-eta-mugak-11150900.html

https://www.noticiasdegipuzkoa.eus/sociedad/2026/06/03/principio-teniamos-intencion-dar-vuelta-11150325.html

Euskadi Irratia (Faktoria): https://guau.eus/m/faktoria-2-euskal-herriko-mugak-oinez-liburua-gordeleku-argazki-erakusketa

Naiz Irratia (Bigarren Kafea): https://irratia.naiz.eus/en/info_irratia/20260619/euskal-herriko-bazterrak-oinez-ezagutzeko-gonbita

ETB (Biba Zuek): https://etbon.eus/m/biba-zuek-185-17434686 (24. minututik aurrera)

Goierri Telebista: https://gitb.eus/ordizia/1780569734349-goierriko-mendizale-betenaroen-elkarteak-euskal-herriko-mugen-zehar-egindako-ibilaldiak-liburuan-jaso-ditu

Eta Elkar aldizkaria (84. zenbakia):

ELKARaldizkaria84 Download

Euskal Herriko perretxikoen gida

Posted on 31/10/2025 by Euskal Herria bilduma

Erantzun

2025eko udazken lehor honek ez dio poz askorik ekarri perretxikozaleari, baina hori amaitu da. Ez, ez gatoz datozen asteetako eguraldia iragartzera, albiste eder baten berri ematera baizik: liburu-dendetan da Euskal Herriko perretxikoen gida. Cristóbal Burgos adituak aukeratu ditu espezieak eta prestatu ditu dagozkien deskribapenak eta argazkiak.

Euskal Herriko perretxikoen gida berri honek hirurehunen bat espezieren berri ematen du. Ohikoenak eta zaletuek gehien ezagutzen dituztenak dira. Beraz, tresna eragingarria jarri nahi du zaletu guztion esku, perretxikotan mendira goazenean zertan gabiltzan jakin dezagun. Hain zuzen, informazio zehatza erantsi dio egileak zer espezie den aise jakiteko, ezaugarriak jaso, antzekotasunak eta desberdintasunak zehaztu eta jangarriak diren ala ez ebatzi ahal izateko.

Gida berri honetan kuku bat egin nahi baduzue, beheko estekan lagin txiki bat utzi dugu. Ondo ibili perretxikotan!

Perretxikoak-EUSK_sareak Deskargatu

Aiako Harria parke naturala eta Jaizkibel, guztion eskura

Posted on 28/02/2023 by Euskal Herria bilduma

Erantzun

Zer esana ematen ari da Aiako Harria parke naturala eta Jaizkibel liburu berriak. Batetik, lehenengoz Euskal Herria bilduman euskaraz ere kaleratu delako. Are gehiago, jatorrizkoa euskarazko bertsioa da. Bestetik, gidaliburu bikain eta erakargarria delako, ezinbesteko laguna parke naturaleko eta Jaizkibelgo zokondorik ederrenak bertatik bertara ikusteko.

Orotara, Mikel Arrizabalagak ondu duen liburuan 26 ibilbide aurkituko ditugu, 15 Aiako Harria parke naturalaren baitan edo inguruetan, eta gainerakoak Jaizkibel aldekoak. Gutxi batzuk zeharkaldiak edo igoera maldatsuak dira. Gehienak, berriz, goizpasa polita egiteko moduko plan ederrak. Denak, seguru, asebeteko gaituzten mendi-irteera zoragarriak.

Tontorrak, oihanak, ur-jauziak, ibar esekiak, labarrak, zelaiak, errekak, urtegiak, isilpeko bidezidorrak, meatzeak eta milaka kontu zahar eta berria izango ditugu bidaide. Nahi baduzu gehiago jakin, sakatu lerro hauen azpiko lotura. Bertan daude liburuko lehenengo orrialdeak, aurkibidea barne. Ondo ibili!

eh55_aiakoharria_eusk Deskargatu