“Rutas circulares fáciles”, Euskal Herriko mendiak ezagutzeko gonbita

EH40_Rutas_circulares_fáciles

Udari etekina atera nahi dionak Euskal Herria Liburuak bildumako ale berrian aurkituko du nondik nora jo. Txusma Perez Azaceta mendizale adituaren eskutik “Rutas circulares fáciles” liburua dator, zeinak 45 ibilbide zirkular bildu dituen, denak zailtasun teknikorik edo bestelako eragozpenik gabekoak eta, jakina, denak Euskal Herrian barrena.

Izan ere, txango eta igoera hauek Euskal Herriko mendien, ibarren, oihanen eta haitzarteen bila abiatzen dira. Basoetan ibili nahi duenak Soila, Itxina, Artikutza edo Bertizko ibilbideak aukera ditzake. Itsasoaren kresal usainaz biziberritu gura duenak, berriz, kostaldeko talaia ederrak dauzka esku-eskura: Ogoño, Ermua (Gorliz), Pagoeta edo Mitxitxola (Jaizkibel). Zelai eta muinoak kateatu nahi izan ezkero, Harana ibarra, Lokizko ordekak, Puron ibaiko arroila, Saldropoko hezegunea edo are Oriol, Txulato edo Montenegro mendiak bisita genitzake. Eta uda tontor garaienetara igotzeko baliatu nahi badugu, egunak luzeagoak eta argia indartsuagoa dela probestuz, liburuak zerrenda ederra dakar aldean, hala klasikoak (Toloño, Orhi, Artzanburu, Lakhura) nola bakartiagoak (Imeleku, Unamendi, Bachicabo, Elimendi).

Egilea, Txusma Perez Azaceta, Euskal Herria osoa goitik behera eta hegotik iparrera ibilita dago. Euskal mendiei buruzko liburu andana argitaratu du eta horietako batzuk, honez gero, klasiko hutsak dira.

Lerroon azpiko estekan, liburuaren aurkibidea, sarrera eta ibilbide bat utzi dizuegu, dastaketa egin nahi baduzue. Ondo ibili!

EH40_sareak

“Parque natural y sierra de Aralar”, mendira joateko deia

ARALAR_insta

Gipuzkoa eta Nafarroaren artean, Aralar mendilerroa Euskal Herriko gune natural pribilegiatuetako bat da. Antzinatik populatutako eremu malkartsu honek mendi ikonikoak, artzain-larreak, oihan zabalak, ur-jauzi eta iturburu magikoak, harkaitz harroak, ibar isilak eta itzal handiko santutegiak batzen ditu. Juanjo Garbizu mendizale adituaren “Parque natural y Sierra de Aralar” (Sua Edizioak, 2019) liburuak mendilerro osoa ezagutzeko eta gozatzeko igoerak, zeharkaldiak, txangoak eta ibilaldiak proposatzen ditu, bai Gipuzkoan (parke natural kategoriarekin babestuta dago), bai Nafarroan.

Lerro hauen azpiko estekan aurkibidea eta liburuak dituen hogeita hiru proposamenetako bi utziko ditugu: Pardarri Guardetxetik eta Larraone Amezketatik. Euskal Herrian mendiaz gozatzeko plan itzelak. Ondo ibili!

EH33_ARALAR-1

“Rutas y restaurantes con encanto de Navarra”, plan bikainen liburua

cubiertaRUTASyRESTAUR.indd

Uda ate joka dator eta harekin batera “normaltasun berria” esaten dioten hori. Hasi gara, atzera ere, naturan ibiltzeko planak egiten, senide eta lagunekin elkartzen, ostatuetara itzultzen. Kontu handiz beti, arriskuak saihestuz. Baina bagabiltza berriro ere aisialdiaz gozatzen. Kinka honetan liburu eder batek are balio handiagoa hartu du. Izan ere, “Rutas y restaurantes con encanto de Navarra” (Sua Edizioak 2018) liburuak hamaika proposamen eta plan eder eskaintzen dizkigu.

Liburuak Nafarroako 38 jatetxe aukeratu ditu, denak kalitate berme handienekoak. Gainera, guztiak dira ezaugarri bereziren baten jabe: bertako espezialitateak direla, edo betiko sukaldeari eusten diotelako, edo berritzaileak direlako, giro bikainagatik…. Bakoitzarekin batera liburuak mendi txangoa proposatzen du inguruetatik, egun osoko plan bikaina egin ahal izateko.

Josema Azpeitia gastronomoak eta Ritxar Tolosa argazkilariak hartu dute jatetxeen ardura. Mendi ibilbideak, berriz, Txusma Perez Azaceta mendizale adituari zor zaizkio. Lerron azpiko estekan, liburuaren pintxo bat utzi dugu, dastaketa txiki bat egin ahal izateko. On egin eta ondo ibili!

RUTASyRESTAURANTESpintxoa