Gipuzkoako mendien gida zaharberrituta dator

Posted on 29/05/2020 by Euskal Herria bilduma

GM_GIPUZKOA_SUA

Liburu-dendetara iritsi da “Guía de montes de Gipuzkoa” liburuaren seigarren edizioa. Azken hogei urteotan Gipuzkoako mendizaleen artean itzal handia lortu duen klasiko bihurtu da. Iñaki Alcalde Olivaresek eta Txusma Perez Azacetak idatzita, 2000. urtean agertu zen lehenengoz. Oraingoan, Txusma Perez Azacetak igoera guztiak berriro egin ditu, ibilbideak ikuskatzeko eta eguneratzeko. Edizio berriak 95 igoera eta 155 gailur bildu ditu. Tartean dira Euskal Herriko Mendi Katalogoko Gipuzkoako tontor guztiak.

Mendiak bailaraka sailkatuta dakartza liburuak, planak uztartu nahi izanez gero errazago izan dadin. Gainera, mendi bakoitza bere ibilbidearen mapaz eta argazki batez hornituta ageri da.

Lerron azpian dagoen estekan, igoera horietako gutxi batzuk eta liburuaren aurkibide osoa (igoera guztien zerrenda) utzi dugu. Liburu ezinbestekoa da, dudarik gabe, Gipuzkoako mendiak ezagutu nahi dituenarentzat.

GM_GIPUZKOA_sareak

Alex Txikon, ausarten erabakia

Posted on 02/03/2020 by Euskal Herria bilduma

Erantzun

txikontxio

Everestera neguan oxigeno barik igotzeko hirugarren saioa egin berri du Alex Txikonek. Zorigaitzez, oztopoak gehiegizkoak izan dira eta azkenean ahalegina bertan behera uztea erabaki du lemoar mendizaleak. “Mundu bat motxilan. Alex Txikonen menditazioak” liburuan irakur daitekeen bezala, “galtzailea baino, irabazlea da saiatua, balientea, ez baita ezerezaren kronista izan, ekintzailea bera baizik; bizi izandakoa idatzi baino, idaztekoa bizitzera ausarten den hori”.

mundubatmotxilan_SUA

Eragozpenak gailendu dira. Zazpi arazo eta oztopo gainditu ostean, Txikonek hirugarren kanpamendura heltzeko ahaleginetan ziharduen. Lhotse mendiko horman pilatutako elur geruza lodi eta ezegonkorra izan da atzera egiteko arrazoia. Honela kontatu du lemoar mendizaleak berak txio baten: “Amaitu da dena. Denok gaude ondo… mirariz! Eskalatzen jarraitu izan bagenu, ez ginen bizirik jaitsiko. Ia metro bat elur kanpamentu nagusian… Eta 50 zm 3. kanpamentura iristeko … Lhotseko mendebaldeko hegal osoa gainera erortzen zitzaigun.”

Mendira joaten ikasi behar den bezala, menditik etortzen ere jakin behar da. “Mundu bat motxilan” liburuak, hain zuzen, horixe kontatzen digu. Everestera goaz Alex Txikonekin, neguan eta oxigeno barik. Igoera osoa egingo dugu berarekin, baina bidean urratsak egin ahala, paisaia eta jende askorekin topatzeaz gain, bere pentsamenduek, bere “menditazioek”, erakutsiko digute mendia ez dela lehia, ez dela inorekiko erronka. Eta, batez ere, “zoriontasuna aldean eramaten den altxorra dela, ez inora heltzerakoan betiko ematen dizuten garaikurra”.

txikon5

“Mundu bat motxilan”, Alex Txikonen menditazioak

Posted on 03/12/2019 by Euskal Herria bilduma

Erantzun

mundubatmotxilan_SUA

Liburu berezia, harribitxia, kaleratu berri du Sua Edizioak-ek. Aurrekaririk gabeko liburua da gurean, berritzailea, kitzikagarria eta hunkigarria. “Mundu bat motxilan. Alex Txikonen menditazioak” Everesterako bidaia bat da Lemoako mendizalearen eskutik, baina askoz gehiago ere bada, bizitzan, mendian eta mendizaletasunean murgiltzeko, baloreez hausnartzeko eta naturaz gozatzeko gonbita dakar eta. Unai Ormaetxeak osatu ditu Txikonen ibilera eta urratsak eman ahala sortu diren gogoetak, pasadizoak, istorioak eta historia handiak. Ez da biografia bat, bizitzari buruzko bere ikuspegia emateko ahalegina baizik.

Menditazioak berba asmatu du Ormaetxeak, Alex Txikonen barne bidaia honen berri emateko. Menditazioak direlako, beste ezer baino gehiago, Everestera negu betean eta oxigeno barik igo nahi duen mendizalearen gogoetak. Horrela, bidean aurkituko dituen paisaia, kultura eta pertsonen gainean hausnartzearekin batera, mendiarekin lotutako zazpi kontu eta istorio azalduko zaizkigu. Txikonek horiek baliatuko ditu bizitzaren gaineko balore nagusietako batzuk mahai gainean ipintzeko. Kontua ez baita gailurrera iristea, zelan jokatzen dugun baino.

20191202_124418

Alex Txikon eta Unai Ormaetxea.

Bidaia kitzikagarri honetan César Llagunoren ilustrazio ederrak izango ditugu bidelagun. Haien bitartez azalduko zaizkigu mendi tontor haietako parajeak eta Txikonek kontatzen dizkigun istorioak. Horrez gain, Rafa Ugaldek sarrera idatzi du eta Juanra Madariagak hitzostea.

Unai Ormaetxea (Zornotza, 1974) eta Alex Txikon (Lemoa, 1981) aspaldiko lagunak dira. Proiektu hau elkarlanean gauzatu dute. Liburua beren-beregi ondu dute gazte-jendeari begira. Hala ere, gazte nahi heldu, edonork irakurtzeko eta gozatzeko modukoa da.

This slideshow requires JavaScript.