Liburu saridunak

Posted on 20/07/2020 by Euskal Herria bilduma

On egin bildumak titulu bi plazaratu ditu dagoeneko. “Rutas y restaurantes con encanto de Navarra” (Sua Edizioak, 2018) lehenengoa izan zen. Hurrengo urtean “Rutas y restaurantes con encanto de Gipuzkoa” (Sua Edizioak, 2019) etorri zen. Liburu biok hirukote honi zor zaizkio: Josema Azpeitia eta Ritxar Tolosa (arlo gastronomikoa) eta Txusma Perez Azaceta (ibilbideak). Bada, liburu biek eskuratu dituzte publikoaren harrera beroa eta adituen sariak: Nafarroakoak Gourmand Awards 2019eko edizioan mundu mailako hirugarren saria lortu zuen “Culinary Travel /Food Tourism” atalean. Aurretik, estatu espainarreko gastronomia argitalpen onena eskuratu zuen sail horretan bertan.

Orain dela gutxi, “Rutas y restaurantes con encanto de Gipuzkoa” izan da saritua. Euskadi saria eman dio Eusko Jaurlaritzak eta Euskal Gastronomia Akademiak arlo horretako 2019ko argitalpen onenari. Hortaz, ez da dudarik, mendia, jatetxeak eta gastronomia elkartzen dituzten liburu bi hauek saridunak dira. On egin!!

This slideshow requires JavaScript.

Hemen da “Rutas para conocer los Pirineos. Los mejores itinerarios en camper”, udako abentura

Posted on 17/07/2020 by Euskal Herria bilduma

Erantzun

CAMPER_PIRI_enruta_CUBIERTA_DEF.indd

Bidaia furgonetaz egiten badugu, balio berezia erantsiko diogu gure esperientziari: askatasuna izango dugu bidaide. Pirinioetan barrena abiatzen bagara, askatasunak Europako eremu natural eder eta basatienetako batean lagunduko gaitu. “Rutas para conocer los Pirineos. Las mejores rutas en camper” gidaliburu berria mendilerroko isurialde bietatik ausartu da eta proposatzen dituen planak bereziki pentsatuta daude furgonetaz doazenentzat: bisitak, txangoak eta igoerak (trackak deskargatzeko QR kodeak dakartza), lo egiteko lekuak (gps koordenadekin)…

Egileek, Loli Flores eta Mario Cruzek alegia, euren ibilbidearen berri eman dute nork berea planifika eta osa dezan gero. Camperrez bidaiatzeak horixe ematen digu eta, plana eta errepidea noiznahi alda ditzakegula alegia.

Zertaz hitz egiten ari garen argiago ikusteko, lerroon azpiko estekan liburuko sarrera, ibilbidea eta bisitatutako leku batzuk utzi ditugu, zuen esku. Hartu furgoneta eta ekin bideari!

CAMPER_PIRI_enruta_SAREAK

“Rutas y restaurantes con encanto de Navarra”, plan bikainen liburua

Posted on 15/06/2020 by Euskal Herria bilduma

Erantzun

cubiertaRUTASyRESTAUR.indd

Uda ate joka dator eta harekin batera “normaltasun berria” esaten dioten hori. Hasi gara, atzera ere, naturan ibiltzeko planak egiten, senide eta lagunekin elkartzen, ostatuetara itzultzen. Kontu handiz beti, arriskuak saihestuz. Baina bagabiltza berriro ere aisialdiaz gozatzen. Kinka honetan liburu eder batek are balio handiagoa hartu du. Izan ere, “Rutas y restaurantes con encanto de Navarra” (Sua Edizioak 2018) liburuak hamaika proposamen eta plan eder eskaintzen dizkigu.

Liburuak Nafarroako 38 jatetxe aukeratu ditu, denak kalitate berme handienekoak. Gainera, guztiak dira ezaugarri bereziren baten jabe: bertako espezialitateak direla, edo betiko sukaldeari eusten diotelako, edo berritzaileak direlako, giro bikainagatik…. Bakoitzarekin batera liburuak mendi txangoa proposatzen du inguruetatik, egun osoko plan bikaina egin ahal izateko.

Josema Azpeitia gastronomoak eta Ritxar Tolosa argazkilariak hartu dute jatetxeen ardura. Mendi ibilbideak, berriz, Txusma Perez Azaceta mendizale adituari zor zaizkio. Lerron azpiko estekan, liburuaren pintxo bat utzi dugu, dastaketa txiki bat egin ahal izateko. On egin eta ondo ibili!

RUTASyRESTAURANTESpintxoa