Gorriz jantzitako egunak

Posted on 03/12/2014 by Euskal Herria bilduma

Haritz zaharren basoa. Munain-Okariz (Araba).

Bazterrak gorriz jantzi dira egunotan. Edo okrez, horiz, laranjaz. Urtarorik ederrena bere onenak ematen ari da orriak orbel bihurtzen diren bitartean. Etxeko epela utzi eta mendira jotzeko grina hauspotu egin digu. Kolore festa txundigarria dago gure zain.

Hamaika leku egoki daude egun hauetako edertasunaz gozatzeko. Argazkikoa, esate baterako, Entziako mendien abaroan mendez mende hazi den Munain eta Okarizko basoa, haritz zaharren (500 urtetik gorakoak, asko) zuhaiztia. Hori eta beste asko Rutas por los bosques más bellos liburuan ageri dira. Beste aukera klasikoak Aizkorri-Aratz, Aralar, Baztan, Urbasa eta Iratiko oihana izan litezke. Horietara joez gero ere, lagungarriak izango dira Suaren mapa berrituak.

Eta, jakina, zuhaitz zaleak bagara, komeni da zuhaitzen gidaliburua aldean eramatea, aurrean daukagun edertasunaren ardura norena den jakin dezagun.

Nuevo mapa de la sierra de Aizkorri y Aratz

Posted on 28/07/2014 by Euskal Herria bilduma

Una de las zonas más visitadas por los y las montañeras es la comprendida en el Parque Natural de Aizkorri-Aratz. Ese espacio ha sido cartografiado con las últimas técnicas por Miguel Angulo en un exhaustivo trabajo. El resultado es el nuevo Mapa Pirenaico de Aizkorri-Aratz, editado por Sua Edizioak a escala 1:25.000.

Además de incluir las actualizaciones que los cambios de los últimos años han hecho necesarias, la nueva cartografía incluye todos los recorridos balizados (GR, PR, senderos locales y Camino de Santiago) que cruzan por este vasto territorio. Como complemento, en el librillo anexo el especialista Gorka Lopez ha desarrollado diecinueve propuestas de excursiones y ascensiones a puntos referenciales. Los tracks de esos recorridos estarán disponibles en breve en la web de Sua Edizioak.

De esta manera, el excursionista cuenta con una magnífica referencia para alcanzar los parajes más bellos y sugerentes situados entre las sierras de Urkilla, Elgea, Aloña, Aizkorri y Altzania. Desde las majadas de Degurixa hasta la cima de Aitxuria (1.551 m) y desde los hayedos de Altzania hasta los barrancos de Ozeta, sin olvidar lugares clásicos como Arantzazu, las campas de Urbia, Araotz, Aizkorri, La Leze, Aratz y tantos otros.

Aizkorri-Aratz mendiguneko mapa berria

Posted on 28/07/2014 by Euskal Herria bilduma

Erantzun

Euskal Herriko mendizaleek sarritan jotzen dute Aizkorri-Aratzeko natur parkeko eremura, bertan baitaude izen eta izan handiko natur paraje zoragarriak. Eremu hori 1:25.000 eskalan kartografiatu berri du Miguel Angulok eta Sua Edizioak-ek argitaratu: Mapa Pirenaico atalean kaleratu da, ‘Sierra de Aizkorri-Aratz’ izenarekin.

Mapa berriak azken urteotan inguru horretan egin diren aldaketa guztiak erantsi ditu, baita eremu zabal horretako ibilbide seinaleztatu guztiak islatu ere (GR, PR, lekuan lekuko bideak eta Donejakue bidea). Osagarri gisa, mapari atxikitako liburuxkan Gorka Lopez mendizale adituak hemeretzi txango eta igoera proposatu ditu, Aizkorri eta Aratz aldeko lekurik ezaugarrienak ezagutzeko. Ibilbide horietako trackak laster izango dira Sua Edizioak argitaletxeko web gunean eskuragarri.

Horrela, mendizaleak esku-eskura edukiko ditu Urkilla, Elgea, Aloña, Aizkorri eta Altzania aldeko mendietako lekurik ederrenak. Degurixako sarobeetatik Aitxuriako tontorreraino (1.551 m) eta Altzaniako pagadi sarrietatik Ozetako troka meharretara. Jakina, toki klasiko guztiak ahaztu gabe: Arantzazu, Urbiako landa, Araotz, Aizkorri, Lezea, Aratz eta beste asko.