Etxetik irten gabe: Everestera Alex Txikonekin

Posted on 30/04/2020 by Euskal Herria bilduma

mundubatmotxilanMTDO

Etxetik irten gabeko irakurketekin segitzen dugu txoko honetan. Oraingoan abentura kitzikagarrira batzeko proposamenarekin gatozkizue. Alex Txikon Everestera abiatu da, neguan eta oxigeno barik igotzeko asmoz. Mendi igoera da, bai, urruneko parajetarako espedizioa, bai, baina baita barne bidaia ere, bere motxilarekin (Motx) solasean, bizitza, kirola eta mendia uztartuz, gure izatearen muinetara. Unai Ormaetxeak modu zoragarrian kontatu du “Mundu bat motxilan. Alex Txikonen meNditazioak” liburuan, César Llagunoren ilustrazioak lagun. Beheko estekan daukazue ataletako bat, pdfan, gustu baduzue. Ondo ibili!

Mundubatmotxilan_K1

01B_Mundubatmotxilan

Etxetik irten gabe: hegaztiak Organbidexkatik gora

Posted on 27/04/2020 by Euskal Herria bilduma

Erantzun

EHL_36 ANIMALESmtdo

Egunotako konfinamenduak naturarekiko harreman estuagoaren oroimina piztu du gutako askorengan. Oihanean ibili, itsasora irten, tontor edo harrateetatik paisaiak ikusi, haitzarteetan barneratu… Beti ere inguruneari, landarediari eta faunari zor diogun begirunerik handienaz. Horregatik, gaur zuen esku utziko dugu “Rutas para observar animales” (Sua Edizioak, 2019) liburu bikainak dakartzan hogeita hamar proposamenetatik bat. Klikatu beheko irudien gainean eta goazen Mar Ramírez eta Juan Carlos Muñoz adituekin batera Zuberoako Organbidexkara, Iratiko oihanaren gaineko mendilepora alegia, gure buruen gainetik milaka hegazti nola igarotzen diren ikustera.

“Rutas para observar animales” liburuan egileek hogeita hamar proposamen batu dituzte, hasi Bizkaiko Golkoko uretan eta Pirinioetako gailur garaietan amaitu, basoak, Bardeetako basamortua, itsaslabarrak eta zingirak bisitatu ostean. Txango horietan zetazeoak, tximeletak, oreinak eta milaka hegazti ikusiko ditugu, besteak beste. Kontatu, trebeziaz kontatu digu Mar Ramirezek, eta irudietan islatu Juan Carlos Muñozek egin du, bere ohiko maisutasunaz.

This slideshow requires JavaScript.

Liburu egun zoriontsua!

Posted on 23/04/2020 by Euskal Herria bilduma

Erantzun

liburuak

Nork, ez bada liburuak, jarriko du gure irudimena hegan, gainezka egin arte, mundu amaigabeetan barrena abiadura sideralean bidaia eginez… erregairik batere kontsumitu gabe.

Nork, ez bada liburuak, argiztatu ditzake sakoneko ilunpeak, gure gogoa animoz bete eta gure aurpegietan irribarrea marraztu… esaldi, istorio, argazki edo ilustrazio soil baten bidez.

Nork, ez bada liburuak, bete ditzake gure orduak asperdura mendean aise hartu eta gero, gure isiltasunak solasez osatu, gure oinak tipi-tapa ibilian jarri mendian gora, oihanean zehar edo arroilan barrena… batere nekatu barik eta izerditan jarri gabe.

Nork, ez bada liburuak, lagun gaitzake eta eskaini unibertso osoa, bizitza paraleloa, ihesbidea… ondoriorik, murrizketarik eta ezkutuko asmorik gabe.

Liburuak beti izan dira, eta badira, liluratzen gaituzten munduetarako leiho paregabeak; sorgindu egiten gaituzte eta tarte baterako ihesera garamatzate. Mundu horietan osorik eta desberdin sentitzen gara, orrialdeen murmurioa lagun. Abiatu zaitez zu ere, irakurle hori, gustatzen zaizkizun liburuetan dabilen zure bikiaren bila. Sua Edizioak egiten dugunon partetik, Liburu Egun zoriontsua!