Sei tentazio 2017rako

eh-liburuak-2017-guztiak

Antigoaleko galtzadak, tontor bakartiak, megalitorik ikusgarrienak, ibilbide botanikoak, antzinako gerra iruin edo gazteluzaharrak eta santutegi zein monasteriorik itzaltsuenak dira Euskal Herria Liburuak bildumak 2017rako proposatuko dizkigun planak. Sei liburu zoragarriok, zelan ez, adituen eskutik etorriko zaizkigu.

Horra hor, esaterako, Santi Yaniz, bildumarako liburu biren prestaketan diharduena. Lehenengoa, “Caminos históricos” (maiatza) galtzada zaharren bila abiatuko da, gaur arte iraun duten lauza gastatuen ilaren xerka. Hamaika urratsen zoru, zazpi pasarte historikoren lekuko, bide zahar horiek paraje zoragarrietan barrena murgiltzen dira. Eta haiekin, gu. Bigarren liburuak, “Excursiones a castros, fortificaciones y recintos de guerra” (iraila), paisaia zedarritzen duten gerra eraikin harrigarriak jarriko ditu agerian.

Alberto Murok ere liburu bi argitaratuko ditu aurton Euskal Herria bilduman. Lehenengoa datozen egunotan helduko da harpidedunen etxeetara eta liburudendetara eta aldean ekarriko ditu megalitorik ederrenak: “Dólmenes, cromlechs y menhires”. Bigarrenak, ostera, bestelako arloetara eramango gaitu, santutegi eta monasterioetara alegia (azaroa), txangoak eta altxor gastronomikoak egoki nahasturik.

Bestelako gutiziak ekarriko dizkigu Jon Benitok, Sua Edizioak-eko aspaldiko kolaboratzaileak. Argazkilaria eta biologoa, “Rutas botánicas” (uztaila) liburuaren prestaketan dabil, gure landare ondareaz, batez ere loreez, gozatzeko txangoak diseinatzen.

Azkenik, Txusma Perez Azaceta mendizalea, Sua Edizioakeko lankidea, “Las otras cumbres de las montaña vasca” (martxoa), liburuaren atonketan dihardu. Mendi txango gehienek bazter uzten dituzten tontorren artean ederrenak aukeratu ditu, igoera politak ez ezik bazter miragarriak gordetzen dituztelako.

Kalean dago ‘Ama Lurra’ren bigarren edizioa

AMA LURRA 170-171AMA LURRA 68-69Euskal Herria Liburuak bildumako lehenengo tituluak, ‘Ama Lurra’k, ongi etorri beroa jaso du harpidedun eta irakurleen aldetik. Esaten dugunaren erakusgarri bikaina dugu lehenengo edizioa oso arin agortu izana. Egin kontu, otsailean jarri zen salgai. Sua Edizioak-ek bigarren edizioa argitaratu du apirilean.

Hamar urtez Euskal Herria aldizkarian agertu ziren fauna, landaredi, zuhaitz eta naturaren gaineko erreportajeen bilduma da ‘Ama Lurra’. Begietarako opari hutsa, benetako espezialistek egindako argazki bikainei esker, eta irakurmenerako plazera, euskal fauna eta landaredia zehatz-mehatz ezagutzen duten adituen testuen erruaz. Egin kontu, egileak Juan Carlos Muñoz, Joseba del Villar, Iñaki Mezquita, Jon Benito, Joseba Arrizabalaga, Mar Ramirez eta Amador Prieto dira.

‘Ama Lurra’k 216 orrialde dauzka, denak koloretan, eta bertan zain dauzkagu euskal naturaren protagonista ezagun eta bitxiak, besteak beste, oreinak, izokinak, bisoiak, haritz kandudunak eta haginak, sendabelarrak eta belar sorginduak, ugatz handiak eta marisorginak. Altxor hutsa.

‘Ama Lurra’, ya está en la calle la segunda edición

AMA LURRA 68-69AMA LURRA 170-171

‘Ama Lurra’, el primer libro de la colección Euskal Herria Liburuak ha obtenido una acogida inmejorable. Buena prueba de lo que decimos la ofrece el hecho de que se ha agotado la primera edición, puesta a la venta el pasado mes de febrero. La editorial Sua ha publicado una segunda edición que ya está a la venta.

Se trata de un libro recopilatorio de los reportajes sobre fauna, flores, árboles y naturaleza publicados en la revista Euskal Herria a lo largo de diez años. Un regalo para la vista gracias a fotografías de auténticos especialistas y un placer para la lectura merced a textos elaborados por grandes conocedores y difusores de la fauna y flora vasca. Hablamos de Juan Carlos Muñoz, Joseba del Villar, Iñaki Mezquita, Jon Benito, Joseba Arrizabalaga, Mar Ramirez y Amador Prieto.

En las 216 páginas a todo color de ‘Ama Lurra’ nos esperan grandes protagonistas de nuestro medio natural, como el halcón peregrino, el ciervo, la mantis religiosa, plantas mágicas y medicinales, el roble albar y el tejo, el visón europeo y el salmón atlántico, entre otros muchos. Una pequeña joya.