Artxiboa laburpen hitzeka: euskal herria liburuak

Oparitu Euskal Herria

Posted on by
Erantzun

Euskal Herria maite dugu, bertoko mendiak, oihanak, herriak, ibaiak, itsasoak, ordekak, labarrak, landareak, animaliak eta hiriak. Historia eta artea ere maite ditugu, jakina, hala artelanik ospetsuenak nola bide bazter bakartian agertzen zaizkigun ale apalak. Eta maite dugu hara eta hona gabiltzanean aurkituko dugun jendea. Zer egokiagorik maite dugun guzti hori ezagutzeko bidea oparitzea baino? Zer politagoa Euskal Herria opari ematea baino?

Bada, bai. Horixe proposatu nahi dizugu. Oparitu ezazu 2021 urteko Euskal Herria Liburuaken harpidetza eta maite duzun hori maite dituzun pertsonekin partekatuko duzu. Zure partez, datorren urteko sei liburuak bidaliko dizkiegu, Euskal Herriarekin goza dezaten. Eta, gainera, Sua Edizioak-en liburuetan %25eko deskontua edukiko dute.

2021ean Euskal Herriaz gozatzeko aukera emango diguten sei liburu gehiago argitaratuko ditu bildumak: mendi bizikletarako ibilbiderik onenak, Urbasa-Andia parke naturalaren gida, aterpetxetik abiatuta egiteko mendi txangoak, gazteluetarako igoerak, Euskal Herriko produktuak eta ibai ondoko bideak.

Euskal Herria oparitu nahi baduzu, jarri gurekin harremanetan. Urteko harpidetzak 59,90 euro balio du. Esaguzu nori bidali nahi diozun eta guk helaraziko diogu.

Hemen aurkituko gaituzu:

Tel. 944 169 430 Whatsapp: 635 729 639 Email: bezero@sua.eus

Sei handi 2018rako

Posted on by
Erantzun

EH18_700x1000mm.indd

Inolako zalantzarik gabe, zure gustukoak izango dira Euskal Herria Liburuak bildumak 2018an plazaratuko dituen nobedadeak. Gu seguru gaude, kalitatetik eta dibertsitatetik abiatuta, proposamen itzelak dakartzatelako, Euskal Herria maite duen edonor, herri hau ezagutu eta ibili nahi duen edozein, sorgintzeko modukoak. Plan ezberdin, erakagargarri eta kitzikagarriak. Euskal Herria, bere ederrean.

Laster da hemen “Excursiones por lagos, embalses y humedales”, Josean Gil-Garcia arabar mendizalearen eskutik 36 hezegune zoragarritara eramango gaituena. Martxoan, ostera, “Parque natural de Gorbeia. Guía completa y excursiones” gidaliburuaren txanda etorriko da.  Alberto Muroren testu eta argazkiez ehunduta, Gorbeiako natura-eremu liluragarriak bisitatu nahi dituzten guztientzat ezinbestekoa bilakatu da.

Maiatzak harribitxia ekarriko digu, “Rutas para descubrir árboles monumentales”, Jonathan Rubines eta Marta Villotak atondutakoa. Bere orrialdeetan barrena hamaika txango zoragarri aurkituko ditugu, beti ere aparteko zuhaitz edo zuhaiztien sariaz egoki horniturik.

Mendizaleenek uztaileko liburuari erreparatuko diote, Joana Garciak eta Txemi de los Doloresek prestatu duten “Excursiones por crestas y cordarles” alegia. Nork esango dio ezetz gure mendi bizkar gomutagarrienen gainean zamalkatzeko gonbite kitzikagarriari?

Irailean Juan Carlos Muñoz argazkilariaren eta Mar Ramirez natur adituaren “Rutas a foces, gargantas y desfiladeros” liburua plazaratuko da. Ezin egokiagoa gure haitzarterik ikusgarrienak bertatik bertara ezagutzeko eta arroila horietan gorde diren natura-altxorrez, historiaz eta legendez gozatzeko.

Urteko azkena ere ez da makala izango. Alberto Muroren “Excursiones a valles escondidos” liburuak gure esku jarriko ditu gaur egun turismo ildo eta ibilbide nagusietatik aparte gelditu diren ibar zoragarriak.  Bake, natura eta edertasun eremu horiek, ziur gaude, liluratu egingo gaituzte.

 

Sei tentazio 2017rako

Posted on by
Erantzun

eh-liburuak-2017-guztiak

Antigoaleko galtzadak, tontor bakartiak, megalitorik ikusgarrienak, ibilbide botanikoak, antzinako gerra iruin edo gazteluzaharrak eta santutegi zein monasteriorik itzaltsuenak dira Euskal Herria Liburuak bildumak 2017rako proposatuko dizkigun planak. Sei liburu zoragarriok, zelan ez, adituen eskutik etorriko zaizkigu.

Horra hor, esaterako, Santi Yaniz, bildumarako liburu biren prestaketan diharduena. Lehenengoa, “Caminos históricos” (maiatza) galtzada zaharren bila abiatuko da, gaur arte iraun duten lauza gastatuen ilaren xerka. Hamaika urratsen zoru, zazpi pasarte historikoren lekuko, bide zahar horiek paraje zoragarrietan barrena murgiltzen dira. Eta haiekin, gu. Bigarren liburuak, “Excursiones a castros, fortificaciones y recintos de guerra” (iraila), paisaia zedarritzen duten gerra eraikin harrigarriak jarriko ditu agerian.

Alberto Murok ere liburu bi argitaratuko ditu aurton Euskal Herria bilduman. Lehenengoa datozen egunotan helduko da harpidedunen etxeetara eta liburudendetara eta aldean ekarriko ditu megalitorik ederrenak: “Dólmenes, cromlechs y menhires”. Bigarrenak, ostera, bestelako arloetara eramango gaitu, santutegi eta monasterioetara alegia (azaroa), txangoak eta altxor gastronomikoak egoki nahasturik.

Bestelako gutiziak ekarriko dizkigu Jon Benitok, Sua Edizioak-eko aspaldiko kolaboratzaileak. Argazkilaria eta biologoa, “Rutas botánicas” (uztaila) liburuaren prestaketan dabil, gure landare ondareaz, batez ere loreez, gozatzeko txangoak diseinatzen.

Azkenik, Txusma Perez Azaceta mendizalea, Sua Edizioakeko lankidea, “Las otras cumbres de las montaña vasca” (martxoa), liburuaren atonketan dihardu. Mendi txango gehienek bazter uzten dituzten tontorren artean ederrenak aukeratu ditu, igoera politak ez ezik bazter miragarriak gordetzen dituztelako.