Hemen dira euskal itsasertzeko ibilbiderik ederrenak!

Posted on 14/04/2016 by Euskal Herria bilduma

Lerroon gainean aurkituko duzu Los mejores paseos de la costa vasca liburuari dagokion aurkibidea (klikatu gainean handiago ikusteko). Santi Yanizek atondu du liburua eta, testu eta argazkien bidez, euskal kostaldeko bazterrik zoragarrienak ezagutzera, ibiltzera eta gozatzera gonbidatu gaitu. Erdu!

Bidean azalduko zaizkigu, besteak beste, kala ezkutuak (Jaizkibel aldekoak, kasu, hareharrizko eskulturez apaindurik), meatzaritzako bide zaharrak (Muskiz), uharteak (Garraitz, Amuitz…), zingirak (Plaiaundi, Urdaibai…), talaiak (Otoio, Ulia…), historiaz lepo zamatuta egon arren tente altxatzen diren itsaslabarrak, itsasargi bakartiak, portuak, gotorleku eta bunkerrak, itsaslapurren habiak, galtzadak, hondartza itzelak eta elezaharrek aukeratu zituzten badiak.

Hau guztiau, Santi Yanizen argazki bikainez lagundurik. Eta, bidaide, mapak, ibilbidearen deskribapenak eta ibiliko garen lekuen gaineko hamaika kontu bitxi eta harrigarri, historia, natura eta kultura hobeto ezagutzeko.

This slideshow requires JavaScript.

Kostaldearen xarma, 50 txango ederretan bildua

Posted on 15/03/2016 by Euskal Herria bilduma

Erantzun

14 COSTAweb

Udaberria ate joka datorkigu eta ez esku hutsik. Aldean dakar “Los mejores paseos por la costa vasca”, Euskal Herria Liburuak bildumako ale berria alegia. Egilea Santi Yaniz da, argazkilaria, kazetaria eta, batez ere, gure herria ondoen ezagutzen duenetakoa bat. Haren eskutik joango gara itsasertzeko lekurik zoragarrienen bila.

Edonork egiteko moduko paseoak dira. Eta itsasbazter guztian barrena. Baionatik Muskizera, Aturritik Barbadunera. Itsaslabarretatik zein hondartzetatik, kala, talaia, galtzada, portu eta bokaleak nahastean. Kresalaz zipristindurik ibiliko gara, itsasoa ortzemuga, bideko hurrengo bihurgunean agertuko zaigun paisaia xarmagarria ikusteko irrikan. Lapurdiko kostaldeko zoko-moko sorginduak, Jaizkibelgo harearrizko eskulturak, Zumaia eta Mutriku arteko geoparkea, Bizkaiko ekialdeko lapatzak, Urdaibaiko altxorrak, Serantes eta Luzero puntako begiralekuak… eta, jakina, Gaztelugatxe, euskal kostaldeko ikur nagusia.

Txango bakoitzarekin, dagokion mapa eta jakingarriez gain, aurkituko duguna deskribatzen digun testu zabala dakar liburua. Eta, gainera, Santi Yanizen argazki sorta paregabea.

Santi Yanizek urte asko egin ditu Euskal Herria goitik behera korritzen eta ezagutzera ematen. Argazkilaria eta kazetaria, sarritan egin du lan Sua argitaletxearekin. Euskal Herria Liburuak bilduman hiru liburu eder gehiago argitaratu ditu: Los bosques más bellos, Excursiones a nacederos eta Ventanas naturales hain zuzen.

This slideshow requires JavaScript.

Gure 28 herri harresidunak

Posted on 03/03/2016 by Euskal Herria bilduma

Erantzun

This slideshow requires JavaScript.

Itzela da Guía de los pueblos amurallados gidaliburuak piztu duen jakin-mina. Euskal Herria Liburuak bildumako ale horrek gure herrietan gorde diren harresien multzoaren gaineko interesa hauspotu du. Esaten dugunaren erakusgarri dira irakurleek egin dioten harrera beroa eta hedabideek eman dioten lekua.

Liburuak 28 herri harresidun batu ditu. Horietan zerka zaharren atal garrantzitsuak gorde dituzte. Lekuan lekuko harresien bilakaera historikoa eta gaur egungo egoera islatu ditu gidaliburuak. Horrez gain, bisitarako ibilbide bat proposatu eta antzinako zein gaur egungo defentsa horma horien kokapena zehazten dituen planoa erantsi zaio.

Liburuko 28 herri harresidunak ondoko hauek dira:

EH_PUEBLOS AMURALLADOS-1zuzen.indd Zerrenda horretakoez gain, 30en bat herri gehiago jaso ditu, laburrago, harresi zati apalagoak dituztelako.

Bestalde, herri harresidunen gidaliburua hizpide izan dute hedabide askok, hala prentsa idatzian (Berria), nola irratian (Bilboko Herri Irratia, Onda Vasca, Radio Vitoria, Radio Euskadi) eta tebistan (ETB1eko Azpimarra saioa).