Alberto Murok eta Sua argitaletxeak 38 txango aukeratu dituzte “Rincones que te sorprenderán” liburua osatzeko. Euskal Herrian barrena eramango gaituzte leku berezien bila. Toki horietan naturak, historiak, ondareak, paisaiak edo jendearen jardunak zur eta lur utziko gaituzte. Gure herria hobeto ezagutzeko eta gure herriaz gehiago gozatzeko. Leku horiek zeintzuk diren jakin nahi? Hona hemen zerrenda:
Liburu berezia dakar oraingo honetan Euskal Herria bildumak, oraindik ere ezagutzen ez dugun herria dakarrelako, hain zuzen. Gidaliburuetan agertzen ez dena, hedabide nagusietako leku nabarmenetatik at geratu ohi dena, gure begien aurrean egonik ere oharkabean igaro daitekeena. Euskal Herri hori da “Rincones que te sorprenderán” liburu honetako protagonista, hura ere paregabea izan daitekeelako, gu guztiok aho bete hortz uzteko gauza. Eta liburua esku artean hartzean kargutuko gara benetan izena eta izana bat datozela: harri eta zur utziko gaituen Euskal Herria bildu du.
Liburuko orrialdeetan barrena Arkamuko mendi ederretako sekretuak ikasiko ditugu, Txulato mendia zaintzen dituzten gazteluetara helduko gara, Maruelezako herri harresitura joko dugu, Sarastarrin lur azpiko lakuan izango gara, Aralarko jentilen etxoletara sartuko gara eta Zuberoako mendi eder baten gainean duela bi mila urte gurtu zuten jainkosaren bila abiatuko gara.
Horiek denak lagin txikia baino ez dira, liburuak dakartzan 38 txangoetatik sorta txikerra baino ez. Egilea, Alberto Muro, argazkilaria eta gida izateaz gain, Euskal Herria goitik behera korrituta dago. Haren testu iradokitzaileen eta argazki zoragarrien bidez erraz heldukok gara leku harrigarri horietara. Gainera, Euskal Herria bilduman ohi dugun legez, ibilbide bakoitzari mapa eta fitxa teknikoa erantsi diogu. Horrela, are samurrago iritsiko gara harri eta zur lagako gaituzten Euskal Herriko txoko horietara.
Sua Edizioak argitaletxeak Burgos, las montañas más bellas gidaliburua plazaratu berri du. Bertan bereziki eder eta liluragarri diren 26 mendi batu ditu, denak Burgosen. Hasi Losa haranean eta Arlanza ibaiko ibarreraino, Ebro Garaia, Lora bailara edo Obarenes mendietan barrena eramango gaitu.
Horrela, zerrenda aukeratu horrek herrialdeko mendiguneetako tontorrik garaienetaraino igoko gaitu. Horrez gain, bidean ur-jauzi ikusgarriak, herrixkak, haitzarteak, leizeak, gazteluak eta baseliza erromanikoak azalduko zaizkigu ezker-eskuin. Izan ere, gidaliburu horretan, txangoen deskribapen zehatzez gain, ohiko mapa eta argazkiez aparte, esku-eskura edukiko dugun ondare naturala eta kulturalaren gaineko jakingarriak aurkituko ditugu.
Egileak, Txomin Uriarte mendizale adituak alegia, segida eman dio gidaliburu honekin 2001ean argitaratu eta egun agortuta zegoen “Montes de Burgos, todas las cumbres” liburuari. Ahalegin itzela egin du gidaliburua bikaina izan dadin. Irakurleak, seguru gaude, igarri egingo du.
