“Grandes puertos de los Pirineos”, Pirinioetako mendate mitikoak txirrindulariak noiz agertuko zain daude

Posted on 22/06/2020 by Euskal Herria bilduma

PUERTOS

Aurton ez da Tour egunik izango uztailean. Baina mendate mitikoak han daude, txirrindulariak noiz agertuko. “Grandes puertos de los Pirineos” (Sua Edizioak, 2017) liburu bikainak mendilerroko 33 harrate jaso ditu, zaletu guztien esku uzteko asmoz. Egileak, Antonio Toralek alegia, igoera guztiak egin zituen, behin baino gehiagotan, zehaztasun handiz deskribatzeko gero. Gainera, ahalegina eta potentzia neurtzeko sistema bat sortu zuen.

Harrate bakoitzak atal bi dauzka. Lehenengoan ziklismoarekin lotutako historia jorratu du, kontakizun kitzikagarriz ongi hornituta. Bigarren atalean, berriz, mendaterako igoera deskribatu du, zailtasuna, zati bakoitzeko nondik norakoak eta beste jakingarri asko jasoz.

Esaten dugunaren erakusgarri, lerroon azpiko estekan, atal bat utzi dugu denon esku. Col de la Pierre de Saint Martin-Soudet mendateari dagokiona. Eta beherago, liburuaren aurkibidea. Ekin gogor, neska-mutilok!

PUERTOS_30-39

pags1

“Rutas por el Pirineo Vasco”, gure mendi handiak ezagutzeko liburua

Posted on 25/04/2019 by Euskal Herria bilduma

Erantzun

EH32_PIRI VASCO

Euskal Herriaren baitan Pirinieotako zati txiki bat besterik ez badago ere, hura da gure mendilerro nagusia, gure mendiak goi mailara iristen diren lekua. Jaizkibelen hasi eta Hiru Erregeen Mahaiaraino, zazpi paisaia eta kultur ondare joria aurkituko dugu etenik gabe. Geografia horretan barrena ibiltzera gonbidatzen gaitu Gorka Lopez mendizale adituaren “Rutas por el Pirineo Vasco” liburuak. Orotara 29 ibilbide osatu ditu bazterrok ezagutu, gozatu eta maita ditzagun.

Liburuak hiru atal nagusi dakartza, Pirinioetako euskal lurralde bakoitzarentzat bana. Lehenengo, itsas aldeko ibarrak, Baztan eta Baigorri alderaino zabaltzen direnak. Ondoren, erdialdeko haranak, Kintoa eta Iratiko oihan ospetsuen artean kokatuta daudenak alegia. Azkenik, ekialdeko ibarrak, Orhin hasi eta Hiru Erregeen Mahaiaraino iristen direnak, goi mailako mendiak. Horiez gain, liburuko hiru proposamen Pirinioz hegoalderago dauden hiru menditara igotzen dira.

Gure liburuetan ohi den bezala, ibilbide bakoitzak deskripaben zehatza, mapa indikatiboa, jakingarri praktikoak eta argazkiak dakartza. Horiez gain, igoerari lotutako gai bat jorratzen da, labur. Xoldoko Gainatik Auñamendira, anitz dira liburuko aurkibidean ageri diren mendi handiak: Bianditz, Alkaxuri, Iparla, Adartza, Orhi, Keleta, Kartxela, Lakhura… Zeharkaldiak ere badira, Izaba eta Linzaren artekoa esate baterako, edo Orreagatik Orbaizetako Olara doana.

Egilea, Gorka Lopez, mendizalea, idazlea eta argazkilaria da. Baina, horrez gain, goitik behera ezagutzen ditu Pirinioak. Zazpi artikulu, liburu, bidaia gidaliburu eta mapa argitaratu ditu gure mendilerro nagusiaren gainean.

This slideshow requires JavaScript.

“Grandes puertos de los Pirineos”, txirrindularitza zaleentzako harribitxia

Posted on 17/05/2017 by Euskal Herria bilduma

Erantzun

PUERTOSonline

Txirrindularitza maite duten guztien poza izango den “Grandes puertos de los Pirineos” salgai dago. Liburuak Pirinioetako 33 mendaterik ezaugarrienak deskribatu eta aztertu ditu, Franziako Tourrean urratu duten legenda gogoan duela.

Harrate bakoitzak atal bi dauzka. Lehenengoan ziklismoarekin lotutako historia jorratu du, kontakizun egiazko bezain kitzikagarriz ongi hornituta. Bigarren atalak, berriz, mendaterako igoera deskribatuko du, zailtasuna, zati bakoitzeko nondik norakoak eta beste jakingarri asko jasoz. Kalitate handiko argazkiak dakartza, fitxa teknikoa, mapa, daturik garrantzitsuenak eta igoerako profil altimetrikoa. Azken horretan desnibelaren portzentajeak islatu ditu eta, gainera, ahalegina, potentzia, denbora eta abiadura kalkulatu ditu.

Liburuko 33 harrateetatik 2 Euskal Herrian daude: Bagargi eta Larraine (Zuberoa). Gainerakoetan, oso nabarmenak dira Tourrean itzal handia lortu dutenak: Marie Blanque, Aubisque, Luz Ardiden, Tourmalet, Superbagnères… Mendate batzuetan igoerak isurialde bitik planteatu ditu egileak. Liburuak 324 orrialde dauzka, denak koloretan eta azal lodia dakar. Aitzinsolasa Miguel Indurainek sinatu du.

Liburuaren egileak, Antonio Toralek (Jumilla, Espainia, 1980), txirrindularitza eta, oro har, kirola maite du. Liburu hau egiteko igoera guztiak egin ditu, behin baino gehiagotan. Gainera, ahalegina eta potentzia neurtzeko sistema bat sortu du.