“Rutas para conocer los Pirineos”, askatasun ametsak

Posted on 30/10/2020 by Euskal Herria bilduma

Berriz ere gure aisialdia gertuko ingurunera mugatuta gelditu berri den honetan, naturan ibiltzearen plazera gomutara etortzen zaigu. Eta “Rutas para conocer los Pirineos. Los mejores itinerarios en Camper” liburuak, Loli Flores eta Mario Cruzek egindakoak, naturan libre ibiltzeko gonbit xarmagarria dakar aldean, mendilerroa hegoaldetik nahiz iparraldetik zeharkatuz.

Diogunaren erakuskarri, lerroon azpiko estekan liburuaren ataltxo bat utzi dugu, berriro ere naturan ibiltzearen zirrara senti dezagun, haren zati txiki bat besterik ez garela gogoratzen dugun bitartean.

camper_piri_enruta-cap2 Deskargatu

Hemen da “Rutas para conocer los Pirineos. Los mejores itinerarios en camper”, udako abentura

Posted on 17/07/2020 by Euskal Herria bilduma

Erantzun

CAMPER_PIRI_enruta_CUBIERTA_DEF.indd

Bidaia furgonetaz egiten badugu, balio berezia erantsiko diogu gure esperientziari: askatasuna izango dugu bidaide. Pirinioetan barrena abiatzen bagara, askatasunak Europako eremu natural eder eta basatienetako batean lagunduko gaitu. “Rutas para conocer los Pirineos. Las mejores rutas en camper” gidaliburu berria mendilerroko isurialde bietatik ausartu da eta proposatzen dituen planak bereziki pentsatuta daude furgonetaz doazenentzat: bisitak, txangoak eta igoerak (trackak deskargatzeko QR kodeak dakartza), lo egiteko lekuak (gps koordenadekin)…

Egileek, Loli Flores eta Mario Cruzek alegia, euren ibilbidearen berri eman dute nork berea planifika eta osa dezan gero. Camperrez bidaiatzeak horixe ematen digu eta, plana eta errepidea noiznahi alda ditzakegula alegia.

Zertaz hitz egiten ari garen argiago ikusteko, lerroon azpiko estekan liburuko sarrera, ibilbidea eta bisitatutako leku batzuk utzi ditugu, zuen esku. Hartu furgoneta eta ekin bideari!

CAMPER_PIRI_enruta_SAREAK

“Rutas por el Pirineo vasco”, mendizale guztien neurriko igoerak

Posted on 08/07/2020 by Euskal Herria bilduma

Erantzun

EH32_PIRI VASCO

Euskal Herrian Pirinioek aurpegi oso desberdinak erakusten dituzte, bailararen arabera. Kostaldeko talaia apaletatik hasita eta bimilako harroetaraino, zazpi aukera eder zabaltzen zaizkio mendizaleari. “Rutas por el Pirineo vasco” (Sua Edizioak, 2019) liburuak, Gorka Lopezek egina, paisaia sorta jori horretan murgiltzen gaitu: Jaizkibel eta Txingudi aldeko itsasbazter paregabea, Xareta, Baztan edo Baigorri gisako ibar atlantiar berde-berdeak, Kintoa eta Iratiko oihanek hesitzen duten erdialdeko Pirinioa eta, azkenik, gure Pirinio garaia, Larra aldean subalpetarra izatera iristen dena.

Pirinioetako mendiak ezagutzeko, gozatzeko eta aldarte onean partekatzeko 29 ibilbide aurkituko ditu irakurleak liburuan. Gailur handiak agertuko dira gure bidean: Bianditz, Lakhura, Orhi, Alkaxuri… Zeharkaldiak ere ez dira falta. Oso egokiak izan daitezke garai honetarako Orreaga eta Orbaizeta lotzen dituena, edo Izabatik Linzara eramango gaituena. Lerroon azpian, liburuko aurkibidea eta, estekan, pdf bat utzi dugu liburutik hartutako ideia bikain batekin: Errozatera igotzea Arpeako haitzulo bitxia eta Errobiko iturbegia bisitatuz. Ondo ibili!

PIRIVASCO_pags

PIRIVASCO_indice