Gorbeiako natura-parkea, 24 ibilbidetan

Posted on 16/04/2018 by Euskal Herria bilduma

This slideshow requires JavaScript.

Alberto Murok atondu eta Euskal Herria liburuak bildumak argitaratu duen “Parque Natural de Gorbeia” liburuak 24 ibilbide dakartza eremu zoragarri horretan barrena ibiltzeko eta gozatzeko. Egun bakar baten egiteko moduko txangoak eta igoerak dira, baina elkar lotu litezke nahieran, zeharkaldi itzelak egin ahal izateko.

Mendigunearen hegoaldean Oketa mendiko pagadietan murgiltzen diren ibilbideak nabarmendu litezke, baina baita Gorbeiako gurutzeraino bide desberdinetatik igotzen direnak ere, Baias ibaiari segika abiatzen direnak edo Altubeko oihan zabalen gerizan ibiltzen direnak ahaztu gabe.

Ipar isurialdetik, ostera, Gorbeiako tontorrerainoko igoerez gain, aukeratutako ibilaldi sorta honetan Arnoko mendiak eta Sintxitako troka bezalako leku xarmagarriak daude. Atal berezia eman dio egileak, hala merezi duelako, Itxinako mendigune harrigarriari. Haren inguruan edo barrenean sei ibilbide proposatu dizkigu.

Hona hemen “Parque natural de Gorbeia” liburuak dakarren ibibide zerrenda osoa, natura-parkeko mapan dagokien lekuan jarrita. Egin klik irudiaren gainean handiago ikusteko.

Parque natural de Gorbeia, el paraíso está muy cerca

Posted on 20/03/2018 by Euskal Herria bilduma

EH_26GORBEIA_cubierta.indd

El nuevo libro de la colección Euskal Herria Liburuak se adentra en uno de los reductos naturales más importantes y emblemáticos del país: el parque natural de Gorbeia. El guía y fotógrafo Alberto Muro ha seleccionado 24 rutas por este singular espacio protegido para conocer in situ las joyas que custodia.

En sus más de 20.000 hectáreas de extensión, el parque natural de Gorbeia acoge paisajes variados y, desgraciadamente, hoy por hoy poco comunes en el resto del país. El extenso hayedo de Altube (2.000 ha), los encinares del barranco del Bortal o los marojales del valle de Zuia son buena prueba de los que señalamos. Sin olvidar, por supuesto, el laberinto kárstico de Itxina, biotopo protegido y apartado reino de roca, hayas, cuevas y niebla.

Cumbres como la de Gorbeia, emblema del montañismo en Araba y Bizkaia, cascadas, majadas pastoriles, megalitos, tejos centenarios, caseríos ancestrales, praderas y arboledas se suceden hasta conformar un paisaje cautivador.

El libro contiene 24 excursiones y ascensiones por algunos de los parajes más singulares de este espacio protegido. Un listado que resulta más amplio si tenemos en cuenta que pueden combinarse entre sí hasta configurar travesías inolvidables.

Cada propuesta incorpora una descripción pormenorizada de la ruta, una ficha técnica, mapa del recorrido y las extraordinarias fotografías de Alberto Muro, autor asimismo de los textos, que nos harán disfrutar del parque natural de Gorbeia incluso antes de salir de casa.

This slideshow requires JavaScript.

Gorbeiako natura parkea, hur-hurrean daukagu paradisua

Posted on 20/03/2018 by Euskal Herria bilduma

Erantzun

EH_26GORBEIA_cubierta.indd

Euskal Herria Liburuak bildumako ale berriak gure naturgunerik preziatu eta ezaugarrienetako batera eramango gaitu: Gorbeiako natura parkera alegia. Alberto Muro gidari eta argazkilariak 24 txango eta igoera hautatu ditu eremu babestu honetan barrena ibiliz gorde dituen ederrak ezagutzeko. Irakurleak “Parque natural de Gorbeia” liburuan aurkituko ditu.

Izan ere, 20.000 hektareatan Gorbeiako natura parkeak paisaia sorta polita iraunarazi du, zorigaitzez Euskal Herriko gainerako lekuetan gutxitan ikusten diren horietakoak, Altubeko pagadi zabala (2.000 hektarea), Bortaleko trokako artadiak edo Zuia ibarreko ameztiak adibidez. Ahaztu barik, jakina, Itxinako labirinto karstikoa, biotopo babestua eta, batez ere, haitzaren, pagoaren, haitzuloen eta lainoaren erresuma urruna.

Gorbeiako gailur ezaugarria, Arabako eta Bizkaiko mendizaleen kuttuna, ur-jauziak, sarobeak, megalitoak, ehunka urteko haginak, behialako baserriak, larreak eta zuhaiztiak dira paisaia liluragarri hori ehundu duten hariak.

Liburuko txango eta igoera guztiek ibilbidearen deskribapen zehatza dakarte, baita fitxa teknikoa eta mapa ere. Eta, batez ere, Alberto Muroren argazki zoragarriak. Haien bidez Gorbeiako natura parkeaz gozatuko dugu etxetik irten gabe ere.

This slideshow requires JavaScript.