Sua argitaletxeak 40 rutas senderistas por las Merindades de Burgos liburua kaleratu berri du. Bertan, Burgosko iparraldeko natura eta kultura arloko altxorrak ezagutzeko parada emango diguten ibilbide labur zoragarriak aurkituko ditugu. Bideok aukeratzea, deskribatzea eta argazki ederretan betikotzea eskualdea zehatz-mehatz ezagutzen duen Pablo Moreno Moralesek egin du.
Burgosko Merindades bailara historikoa Bizkaia bezain handia da zabaleraz baina oso populazio txikia dauka. Mendebaldean, Kantabriako mugan, Alfoz de Santa Gadea dago eta bertatik Bizkaia eta Arabaraino dator, Mena, Losa eta Tobalina ibarrak Gaubea, Aiara eta Enkarterrien auzoak dira eta. Ebro ibaiak erditik ebakitzendu eta eskualdean zazpi eremu natural eder eta eskutada bat monumentu-multzo ikusgarri gorde ditu. Ojo Guareñan hasi eta Puentedey ederreraino, Ebroko haitzartea, Erdi Arotik atera berria dirudien Frías harrigarria, Montes Obarenes-San Zadornil parke naturala, ur-jauzi liluragarriak eta pagadi amaigabeak kateatzen dira 40 ibilbide aukeratu hauetan.
Xendazaletasunaren atalean sartzen dira txango hauek. Alegia, aldatsak ez dira handiak eta ibilbideak ez dira inoiz lau ordutik gorago joaten. Gainera, beti ibiliko gara bide seinaleztatuetan barrena, gehien-gehienetan Ibilbide Laburretan (PR) eta gainerakoetan Ibilbide Luzeetako (GR) zati batzuetan.
Txango bakoitzarekin batera, ibilbidea zehatz-mehatz azaltzen duen testua, jakingarri teknikoak, inguruetan bisita bat egiteko proposamena, jakingarri interesgarri bat, ibilbidearen mapa eta argazki zoragarriak aurkeztu ditu liburuak. Alegia, eskualde harrigarri horrekin gozatzeko behar dugun guztia.
Pablo Morenok biziki maite ditu argazkilaritza eta natura. Arlo horietan lan batzuk plazaratu ditu. Hauxe da Sua Edizioak-ekin argitaratu duen lehenengo liburua.
Gure mendietako lepo eta harrateetan zazpi eder daude. Gehienak, edertasun naturalak dira, alegia, natura bere ederrean, paisaiaren zoragarria; baina badira beste anitz pertsonei zor zaizkienak, kulturari lotutakoak, historiaren lekukoak, etnografikoak. Hain da horrela ezen Euskal Herriko mendiak aire libreko museo erraldoi gisa ikustea ere badagoen, prehistoriako milaka monumenturen gordailu. Ikusgarrienak Euskal Herria Liburuak bildumako ale berrian ageri dira: 
Geografia txikia izan arren, Euskal Herriak ekosistema sorta oparoa daukanez, biologia aldetik ere eremu joria da. Europan ezagutzen diren lore eta landare espezieen %20 gure herrialdeetako bazterren batean hazten da.
