“Pueblos de Araba con encanto”, las perlas alavesas

Araba ya no es aquella gran desconocida de hace unos años. Cada vez suscita más interés y este libro, “Pueblos de Araba con encanto”, viene a proclamar a los cuatro vientos la belleza y atractivo del territorio alavés. Después de recorrer todas sus cuadrillas, nos presenta veintinco pueblos elegidos, desde las verdes praderas atlánticas salpicadas de caseríos hasta los compactos núcleos de la Rioja Alavesa. Viejas villas amuralladas, olvidadas aldeas de montaña, pueblos salineros y hasta alguno costero, como el que aparece en la preciosa cubierta del libro, completan un recorrido fascinante por la geografía alavesa.

El autor, Javi Pascual Otalora, nos guía por las calles de cada una de estas localidades, da cuenta de su pasado y su presente y nos propone un recorrido por los alrededores para completar una jornada, a buen seguro, inolvidable en cualquiera de los pueblos con encanto de Araba.

Como pequeña muestra, dejamos en el enlace bajo estas líneas uno de esos pueblos on encanto. Se trata de Labraza, el pequeño tesoro amurallado de la Rioja Alavesa. Ondo ibili!

“Pueblos de Araba con encanto”, Arabako ederrak

Dagoeneko Araba ez da zazpigarren alaba hura, baina oraindik ez da merezi duen bezain ezaguna. “Pueblos de Araba con encanto” liburuak lau haizetara zabaldu nahi du zein ederra den Araba. Eskualde guztietan hara eta hona ibili eta gero, 25 herri hautatu aurkeztu dizkigu. Horietako batzuk zelai berdeetan zipriztinduriko baserri auzoak dira, edo Errioxako muino gotortuak, mendialdeko herrixka urrunak, gatzaga zaharrak eta, hara, baita kostaldeko herriren bat ere, liburuaren azal zoragarrian ikusten den bezala. Handiagoak eta ospetsuagoak batzuk, txiki-txikiak eta gutxi entzundakoak besteak. Araba, bere ederrean.

Egileak, Javi Pascual Otalorak alegia, herri hauetan barrena eramango gaitu, gora eta behera, ezker-eskuin, haien izatearen berri emateko eta lekuan lekuko harribitxiak ezagutzera emateko. Gainera, bisita bakoitzarekin inguruetan egiteko moduko ibilbide eder bana proposatzen digu, Arabako herri polit hauetarako txangoa ahaztezina izan dadin.

Esaten dugunaren erakusgarri, lerroon azpiko estekan herri hauetako bat aurkituko duzue. Labraza da, Arabar Errioxako altxor gotortua. Gustatuko zaizuelakoan, ondo ibili Arabatik!

“Parque natural de Aizkorri-Aratz”, natura-eremu paregaberako gidaliburua

Euskal Herria bildumako liburu berriak, “Parque natural de Aizkorri-Aratz” izenekoak alegia, 20.000 hektarea zabal den eremu paregabean murgildu nahi gaitu. Izan ere, Aizkorri-Aratzeko parke naturala sei mendilerroz eta zazpi paisaia ederrez osatuta dago: Aketegi eta Andartoren gisako tontor lerdenen itzalpean Urbia edo Degurixa bezalako larre karstikoak babesten dira; Altzaniako mendietan pagadi amaigabeak zabaltzen dira, hegoaldeko isurialdean Lezekoa bezalako arroilak ageri diren bitartean. Gaztelu bihurtutako gailurrak ere ez dira falta, Marutegi edo Atxorrotx kasu, eta lurpeko unibertsoak Arrikrutz gisako harribitxi joriak erakutsi dizkigu. Ezin ahaztu, gainera, badela Aitzulo, Arantzazu edo San Adrian bezalako leku sorgindurik ere.

Jon Iraola mendizaleak Aizkorri-Aratzeko parke naturalean barrena egiteko 30 ibilbide bildu ditu liburu honetan. Hara eta hona ibiliko gara, gailurren bila, oihan zabaletan zehar eta erreka jauzkarien albotik, beti leku ederren bila. Alegia, natura-eremu paregabea bertatik bertara ezagutuko dugu.