Gipuzkoan barrena, 80 ibilbide eder

cubierta SendeGIP.indd

Itsasoaren eta mendiaren arteko besarkadatik sortu da Gipuzkoako paisaia paregabea. Uretara amiltzen diren mendiak, kosta zelatatzeko talaiarena egiten duten muino apalak, barrualdeko ibarretako ermita batzuei darien itsas zaporea, ontzigintza elikatu duten oihanak… “80 rutas senderistas por Gipuzkoa” irakurtzen duenak, gidaritzat hartzen duenak, itsas haizearen laztana sentituko du aurpegian, kresal usainaz oxigenatuko da, olatuen marmarraz lasaituko da eta, nola ez, Bizkaiko Golkoa bere gorenean ikusiko du.

Hori gutxi balitz, mendi altuetara ere igoko da, urtegietako ertzetatik ibiliko da, kondairatik datozen pagadietan barrena murgilduko da eta sakanetatik gora joango da, horiek ere Gipuzkoako geografiak gordetzen diren altxorrak direlako. Eta bada gehiagorik: hirian barrenako ibilbideak, natura-parkeak, padurak, meatzeak…

Liburu honek 80 proposamen batu ditu. Goiz pasa ederra izan daitezke, ia denak umeekin egiteko modukoak, gehienak aldats gogorrik gabekoak. Askotan bide seinaleztatuetatik igarotzen dira. Edonork egiteko moduko xendazaletasuna, beraz.

Ibilbide horietatik gehien-gehienak Sua Edizioak-ek azken urteotan argitaratutako liburu eta aldizkarietan agertu dira. Denak errebisatu eta eguneratu dira. Ibilbideak aldean dakartza deskribapena, fitxa teknikoa eta mapa, baita argazkiak ere. Liburuko kontrazaleko barrualdean txango guztiak ageri dira, Gipuzkoako mapan egoki jarrita.

This slideshow requires JavaScript.

“Cuando la montaña es un cuento”, los relatos montañeros de Antxon Iturriza

MONTAÑA_cuento_SUA

El veterano montañero Antxon Iturriza Aizpel ha publicado con Sua Edizioak “Cuando la montaña es un cuento”, un volumen de relatos caracterizados por caer dentro del dominio del mundo de las cumbres.

Viajando sobre la fantasía, Iturriza desgrana un amor imposible en los valles del Karakorum, el choque de creencias religiosas en una montaña de Costa de Marfil, la trashumancia de un pastor roncalés y otras muchas historias situadas en Mali, los Alpes, Araotz…

El libro reúne veintitrés narraciones, todas ellas ilustradas con las evocadoras acuarelas de Jenny Egusquiza.

Antxon Iturriza (Donostia, 1948) lleva muchos años publicando sobre temas de montaña en medios de comunicación de Euskal Herria. Es autor, entre otros libros, de “Biografía sentimental del montañismo vasco” y de tres tomos de “Historia testimonial del montañismo vasco”.

This slideshow requires JavaScript.

“Cuando la montaña es un cuento”, Antxon Iturrizaren mendi kontakizunak

MONTAÑA_cuento_SUA

Antxon Iturriza Aizpel mendizaleak “Cuando la montaña es un cuento” ipuin bilduma argitaratu du Sua Edizioak-ekin. Narrazio guztiak mendiarekin lotuta daude.

Fantasia lagun, Iturrizak hango eta hemengo kontuak nahastu ditu: Karakorum aldeko ibarretan piztutako amodio ezinezkoa, Boli Kostako mendi baten inguruan gertatutako sineskera talka, Erronkari ibaxako artzaina eta artaldea Bardeetara daraman bidea, eta Araotz, Mali edo Alpeetan kokatutako beste hamaika istorio.

Orotara, liburuak 23 narrazio dakartza. Haien ondoan, ipuinak ilustratzeko Jenny Egusquizak beren-beregi egindako akuarelak ageri dira.

Antxon Iturriza (Donostia, 1948) aspaldian hasi zen mendiaz idazten Euskal Herriko hedabideetan. Besteak beste, “Euskal Herria munduaren goiko mugetan”, “Biografía sentimental del montañismo vasco” eta “Historia testimonial del montañismo vasco”ko hiru liburuki argitaratu ditu.

This slideshow requires JavaScript.