“Productos del país”, gastronomia eta ibilbideak elkartzen dituen liburu ederra

Ardoak, olioak, gaztak, babarrunak, esnea, eztia, behi eta txerri haragia, barazkiak, gaztainak… Euskal Herriko produktuak dira liburu ezberdin eta, aldi berean, klasiko honen protagonista nagusiak. Ezberdina da, bai, liburu azal dotorea ikustea besterik ez dago, dena Tolosako babarrun eta Ibarrako pipar. Ezberdina Productos del país. Rutas y visitas liburuak lehen sektoreko ekoizleen lantokietaraino eramango gaituelako. Baina baita klasikoa ere, bisitaldiak biribiltzeko inguruetatik ibilbide politak proposatzen dituelako.

Izan ere, ideia da olio-errota batera joan ostean olibondoen itzalpean picnica egitea, edo euskal xerriak nola hazten dituzten ikusi eta gero mendi-buelta ederra egitea. Gaztak zelan egiten dituzten ikusiko dugu, Nafarroako Erriberako kontserbak nola egiten dituzten, barazkien eta lekaleen produkzioaren nondik norakoak bertatik bertara ezagutuko ditugu… eta bisitaldi horien ostean (edo aurretik) ibilbide zoragarriak egingo ditugu inguruetako mendietatik.

Egilea Alberto Muro da, mendizale, gidari, kazetari eta argazkilari aditua. Euskal Herria goitik behera ibilita dago. Liburuan kalitate handiko testu eta argazkiak uztartu ditu. Horien bidez berehala piztuko zaigu liburuak dakartzan hogeitasei proposamenen gaineko jakin-mina.

Una colección renovada

La colección Euskal Herria Liburuak, heredera y continuadora de la revista Euskal Herria (2003-2013) ha renovado a lo largo de este año su diseño y sus contenidos. Los libros editados en 2021 han perfilado la línea que seguirán sus títulos los próximos años, con mayor protagonismo para la fotografía y más contenidos, sin perder ni un ápice de pasión por el senderismo, la naturaleza, la cultura y la montaña.

La revista Elkar, en su número de septiembre, se ha hecho eco de los cambios en un extenso reportaje que dejamos bajo estas líneas. Como curiosidad diremos que en él se adelanta la portada del próximo volumen, el número 47 de la colección, Productos del país. Rutas y visitas, de Alberto Muro, que en breve llegará a las librerías y a los domicilios de los suscriptores. Euskal Herria Liburuak cerrará el año con el libro Excursiones por riberas de ríos, de Javi Pascual Otalora, una tentadora invitación a recorrer los márgenes de todo tipo de cursos fluviales.

Euskal Herria zaharberritu da

Euskal Herria Liburuak bilduma, Euskal Herria aldizkariaren (2003-2013) oinordekoa eta jarraipena, zaharberritu egin da. Berritu eta egokitu egin ditu hala diseinua nola edukiak. 2021ean argitaratu dituen liburuek ildoa markatu dute eta hari segika plazaratuko ditu datozen urteetakoak. Alegia, argazki eta irudiei protagonismo handiagoa emanda, eduki gehiagorekin eta, jakina, mendi, kultura, natura eta xendazaletasunarekiko grinari eusten.

Elkar aldizkariak, iraileko zenbakian, erreportaje zabala eskaini dio aldaketari. Lerroon azpian utzi dugu, irakurri nahi duenarentzat. Bitxikeria gisa, jakin ezazue bildumako hurrengo liburuaren azala bertan topatuko duzuela. Alberto Muroren Productos del país. Rutas y visitas liburua da eta datorren astean helduko da liburu-dendetara eta harpidedunen etxeetara. Euskal Herria Liburuak bildumaren 2021eko azken liburua Javi Pascual Otaloraren Excursiones por riberas de ríos izango da, ibaiertzetatik txango zoragarriak egiteko gonbit tentagarria.