“Rutas a cascadas recónditas”, ezkutuko altxorren bila joateko gonbita

Oihan sarritik aurrera goaz, zuhaitzen abaroan tipi-tapa. Halako baten, zarata sorgor etengabea entzuten hasi gara. Apur bat aurrerago, soinua zer den identifikatu dugu, artean ikusi ez badugu ere: urak dira, jauzia egitean sortzen duten azantza. Eta handik gutxira, bideko errebuelta baten ondoren, han azalduko zaigu, ezustean, dotore eta lerden. Adibidez, lerro hauen gaineko irudian ageri den Peñaladrosko ur-jauzia, basoaren erdian. Horixe da Euskal Herria bildumako Rutas a cascadas recónditas liburu berriak proposatzen diguna: oro har oso ezagunak ez diren hogeita sei ur-saltorako ibilbideak egitea.

Beraz, liburu honetan Euskal Herriko ur-jauzi ezagunenak alde batera utzi (nahiz eta labur jasota dauden atal berezi batean) eta ohiko txangoetatik aparte aurkituko ditugun beste batzuk dira protagonistak. Mota guztietako ibilbideak eskaintzen dizkigu. Batzuk mendi igoerak izango dira, beste batzuk paseo atseginak, badira goiz-pasako txango ederrak… Zain ditugu labarretik behera abailtzen diren ur-jauzi luzeak, basoko urrutiko zokondoan gorde direnak, edo haitzartearen barrualdean ezkutatzen direnak. Uzkain, Pista, Los Altares, El Chorretón, Agireta, Luna, Iruerreka, Orkatua… leku xarmagarrien zerrenda handituko digu liburu honek.

Egileak Paulo Etxeberria, Begoña Fernandez eta Alberto Muro dira. Lehenengo biek Gipuzkoa, Ipar Euskal Herria eta Nafarroako ur-jauzien ardura hartu dute. Murok, berriz, Bizkaia eta Arabakoak jorratu ditu. Emaitza, irudi ikusgarriz eta testu mamitsuz betetako liburu eder hau da.

Pequeña muestra de un gran libro: “Parque natural de Urkiola”

Tras esta bella portada nos espera un libro cautivador y rebosante de contenido. Porque Parque natural de Urkiola es una magnífica guía que suscitará nuestro interés por este hermoso espacio natural. Sin duda, Alberto Muro ha completado un libro extraordinario. Nos propone ascensiones a Anboto, Mugarra, Saibi, Oriol, Tellamendi, Alluitz o Untzillatx, travesías, excursiones para niños, hayedos, majadas pastoriles, cuevas, ríos… Todo ello perfectamente descrito y fotografiado. Para que conozcamos el parque natural de Urkiola en todo su esplendor. Bajo estas líneas dejamos una pequeña muestra de lo que decimos: índice, introducción y un par de propuestas. Ondo ibili!

Gainbegiratua “Parque natural de Urkiola” liburu ederrari

Azal eder horren atzean liburu mamitsu eta liluragarria dago. Horixe baita Parque natural de Urkiola, gure interesa piztu eta natura-eremu zoragarri horretara eramango gaituen gida bikaina. Zalantzarik gabe, Alberto Murok liburu itzela osatu du. Zazpi proposamen bildu ditu: Anbotorako igoerak, zeharkaldiak, umeekin egiteko moduko planak, Mugarra, Saibi, Oriol, Tellamendi, Alluitz edo Untzillatx mendiak, pagadiak, artzain-sarobeak, haitzuloak eta ibaiak… Dena idatziz ederto deskribatuta eta argazkietan zoragarri jasota. Horrela datorkigu Urkiolako parke naturala. Hemen, lerro honen azpiko estekan, aukeraketa txiki bat laga dugu, erakusgarri: aurkibidea, sarrera eta pasarte pare bat. Ondo ibili!