Nafarroako Natur Mirariak, gozamen hutsa

Posted on 01/12/2016 by Euskal Herria bilduma

Sorginduko gaituen liburua da Nafarroako Natur Mirariak-Maravillas Naturales de Navarra, Sua Edizioak-ek egunotan argitaratu duen liburu elebidun zoragarria. Bertan bildu ditu, Santi Yanizen testuen eta argazkien bidez, Nafarroako natur ondareko alerik preziatuenak. Bardeetako lur elkorretatik hasi eta Biduze ibai emaritsuraino, eta Azueloko haitzetatik Larrako alpetar eremuraino.

Ozen eta argi esan du egileak berak liburuaren aitzinsolasean: Nafarroa paregabea da paisaia sorta itzelari esker. Kilometro gutxitan igarotzen da ordeka nabarretatik muino berdeetara eta bertatik zuriz janzten diren haitz garaietara. Libururako 34 paraje aukeratu dira, esaten dugunaren erakusgarri. Argazkiak ikusita zalantza guztiak uxatuko ditugu, leku guzti horien edertasuna barra-barra zabaltzen dute eta.

Liburuko orrialdeetan barrena Larraun bezalako ibai bihurriak agertuko zaizkigu, edo Aritzakun eta Urritzate bezalako ibar ahaztuak, Mueseko monolitoen gisako harrizko eskulturak… Eta, jakina, natur mirari ezagun guztiak: Iratiko oihana, Urederrako iturburua, Bertizko Jaurerria, Belagua eta Larra, Bardeetako basamortua, Arbaiungo Atea…

Argazkiekin batera eremu bakoitzeko arima zizelkatzen duten testuak idatzi ditu Santi Yanizek. Liburua ele bitan dator, euskaraz eta gaztelaniaz.

This slideshow requires JavaScript.

Estos son los mejores paseos de la costa vasca

Posted on 14/04/2016 by Euskal Herria bilduma

Erantzun

Sobre estas líneas hemos situado el índice del libro Los mejores paseos de la costa vasca, el nuevo título de la colección Euskal Herria (haz click encima para ampliar la imagen). Su autor, el fotógrafo y periodista Santiago Yaniz, te invita a conocer, recorrer y disfrutar de una cincuentena larga de excursiones por todos los ecosistemas de nuestro litoral.

Nos esperan calas escondidas como las de Jaizkibel, con sus esculturas de arenisca, viejos caminos mineros (Muskiz), islas (Garraitz), marismas (Plaiaundi, Urdaibai…), atalayas (Otoio, Ulia…), acantilados de vértigo con mucha historia que contar, faros solitarios, puertos pesqueros, fuertes y búnkers, nidos de piratas, calzadas, playas eternas y bahías de leyenda.

Todo ello, acompañado de las siempre extraordinarias fotografías de Santi Yaniz, además de mapas, descripciones del recorrido y amenas explicaciones que nos situarán en el contexto histórico, natural y cultural de los lugares que visitamos.

This slideshow requires JavaScript.

Hemen dira euskal itsasertzeko ibilbiderik ederrenak!

Posted on 14/04/2016 by Euskal Herria bilduma

Erantzun

Lerroon gainean aurkituko duzu Los mejores paseos de la costa vasca liburuari dagokion aurkibidea (klikatu gainean handiago ikusteko). Santi Yanizek atondu du liburua eta, testu eta argazkien bidez, euskal kostaldeko bazterrik zoragarrienak ezagutzera, ibiltzera eta gozatzera gonbidatu gaitu. Erdu!

Bidean azalduko zaizkigu, besteak beste, kala ezkutuak (Jaizkibel aldekoak, kasu, hareharrizko eskulturez apaindurik), meatzaritzako bide zaharrak (Muskiz), uharteak (Garraitz, Amuitz…), zingirak (Plaiaundi, Urdaibai…), talaiak (Otoio, Ulia…), historiaz lepo zamatuta egon arren tente altxatzen diren itsaslabarrak, itsasargi bakartiak, portuak, gotorleku eta bunkerrak, itsaslapurren habiak, galtzadak, hondartza itzelak eta elezaharrek aukeratu zituzten badiak.

Hau guztiau, Santi Yanizen argazki bikainez lagundurik. Eta, bidaide, mapak, ibilbidearen deskribapenak eta ibiliko garen lekuen gaineko hamaika kontu bitxi eta harrigarri, historia, natura eta kultura hobeto ezagutzeko.

This slideshow requires JavaScript.