Bardeak, Val d’Aran eta Aragoi ibarreko mapa berriak kaleratu ditu Suak

Posted on 18/05/2017 by Euskal Herria bilduma

MP BARDENAS.indd

Mapas Pirenaicos bildumak sona handia lortu du honez gero mendizaleen artean. Oraingoan hiru izenburu berri dakartza, horietako bat Bardeak (Nafarroa) eta gainerako biak Pirinio aldekoak: Val d’Aran (Lleida) eta Valle de Aragón-Canfranc (Huesca).

Bardeetako mapa bikoitza da, eremu osoa bildu ahal izateko. Hortaz, maparen alde batean Bardea Zuria dago eta bestean Bardea Beltza. Bilduma honek ohi duen bezala, 1:25.000 eskala erabili da eta, hortaz, kalitate handiko kartografia izateaz gain, txangozalearentzat oso erabilgarria da. Beti bezala, Miguel Angulo adituak egin ditu mapok.

Hala Bardeetako mapak nola Val d’Aran eta Valle de Aragón-Canfrancekoek ibilbide seinaleztatu guztiak bildu dituzte, izan oinezkoentzat edo bttn dabiltzanentzat. Gainera, kartografian ageri gira Gorka Lopez mendizale adituak diseinatutako hamabost txangoak (paseoak eta igoerak). Ibilbide horiek xehetasunez deskribatu ditu maparekin batera banatutako liburuxkan. Zalantza barik, modu zoragarria eskaintzen dute natur eremu horietan barrena ibiliz gozatzeko eta ezagutzeko. Ez dezagun ahaztu balio handiko parajeak direla. Bardeak, esate baterako, parke natural izendatu zituen Nafarroako Gobernuak eta biosferako erreserba Unescok.

“Grandes puertos de los Pirineos”, txirrindularitza zaleentzako harribitxia

Posted on 17/05/2017 by Euskal Herria bilduma

Erantzun

PUERTOSonline

Txirrindularitza maite duten guztien poza izango den “Grandes puertos de los Pirineos” salgai dago. Liburuak Pirinioetako 33 mendaterik ezaugarrienak deskribatu eta aztertu ditu, Franziako Tourrean urratu duten legenda gogoan duela.

Harrate bakoitzak atal bi dauzka. Lehenengoan ziklismoarekin lotutako historia jorratu du, kontakizun egiazko bezain kitzikagarriz ongi hornituta. Bigarren atalak, berriz, mendaterako igoera deskribatuko du, zailtasuna, zati bakoitzeko nondik norakoak eta beste jakingarri asko jasoz. Kalitate handiko argazkiak dakartza, fitxa teknikoa, mapa, daturik garrantzitsuenak eta igoerako profil altimetrikoa. Azken horretan desnibelaren portzentajeak islatu ditu eta, gainera, ahalegina, potentzia, denbora eta abiadura kalkulatu ditu.

Liburuko 33 harrateetatik 2 Euskal Herrian daude: Bagargi eta Larraine (Zuberoa). Gainerakoetan, oso nabarmenak dira Tourrean itzal handia lortu dutenak: Marie Blanque, Aubisque, Luz Ardiden, Tourmalet, Superbagnères… Mendate batzuetan igoerak isurialde bitik planteatu ditu egileak. Liburuak 324 orrialde dauzka, denak koloretan eta azal lodia dakar. Aitzinsolasa Miguel Indurainek sinatu du.

Liburuaren egileak, Antonio Toralek (Jumilla, Espainia, 1980), txirrindularitza eta, oro har, kirola maite du. Liburu hau egiteko igoera guztiak egin ditu, behin baino gehiagotan. Gainera, ahalegina eta potentzia neurtzeko sistema bat sortu du.

“Rutas con leyenda”, Galicia bildumako lehenengo liburua

Posted on 30/03/2017 by Euskal Herria bilduma

Erantzun

GLCIA LEYENDASazaltxiki

Sua Edizioak-ek Galicia liburu bilduma sortu berri du herrialde hartako kultura, ondasuna, aisialdia eta mendia ezagutzera emateko asmoz. Lehenengo alea, bidea urratzen hasi dena alegia, Anxo Rial kazetariaren eskutik heldu zaigu: “Rutas con leyenda”, Galiziako bazter sorginduak ezagutzera joateko gonbite zoragarria.

Liburuan 40 ibilbide bildu ditu, belaunez belaun iraun duten elezaharrekin lotutako lekuak helmuga. Horrela, Galiziako lau herrialdeetan barrena ibiliko gara, itsaslabar harro eta itsasadar bareetatik hasita eta mendi gaineko azken herrixka eta oihanetara iritsi arte. Leku paregabeak dira, sorginduak, xarma dariela hala haien edertasunari nola bertako gizon-emakumeek mendez mende ehundu dituzten elezaharrei. Erraldoiak eta herensugeak, hildakoak eta biziak, likantropoak eta ikuzleak… pertsonaia sorta harrigarria dago gure zain leku paregabe horiei bizitza emateko.

This slideshow requires JavaScript.

Euskal Herria Liburuak eta Catalunya bildumetan bezalaxe, liburu honetako txango bakoitzak aldean dakartza ibilbidaren deskribapen zehatza, argazki ederrak, mapa eta jakingarri guztiak batzen dituen fitxa teknikoa.

Egilea, Anxo Rial, kazetaria, ekoizlea eta argazkilaria izanik, bidaiak eta mendiak maite ditu eta Galizia goitik behera ezagutzen du. Liburu honetan trebeziaz kontatu ditu elezaharrak, xehetasunez deskribatu ibilbideak eta kalitate handiko argazkiz osatu du puzzlea. Une honetan Galicia bildumako bigarren liburuarekin dabil, “Los mejores paseos por la costa gallega”.

rutasLEYENDA_GALICIA aurkibidea.jpg