Artxiboa gaika: > Suaren nobedadeak

Pirinioetako mapak, 3Dn sakelako telefonoetarako

Posted on by
Erantzun
Sua Edizioak mendi gaietako argitaletxeak egundoko jauzia egin berri du kartografiaren arloan teknologia berrien eskutik. Mapas Pirenaicos 1:25.000 bildumako mapak 3Dn ikusteko egokitu ditu sakeleko telefonoetan erabili ahal izateko.
Horretarako, Android edo IOS sistemadun smartphonetarako aplikazioak sortu ditu. Horietan hiru dimentsioetan ikusi ahal izango dira Miguel Angulok egindako mapak eta lagungarri edukiko ditu Gorka Lopez mendizalearen testuak.
Mota honetako lehenengo aplikazioak dira Europan. Lehenengo aleak datozen egunetan jarriko dira deskartzeko moduan sua.eus eta elkar.eus webguneetan.
Aurkezpenak:

Barcelona Centre Excursionista de Catalunya. CEC.Paradís, 10 pral. 08002 Barcelona. Tel: 933 152 311.
Ekainak 21. 19:30ean

Donostia Club Vasco de Campig. CVC.
Prim Kalea, 35, 20006 Donostia. Tel: 943 27 18 66.
Ekainak 22. 19.00etan.

Bardeak, Val d’Aran eta Aragoi ibarreko mapa berriak kaleratu ditu Suak

Posted on by
Erantzun

MP BARDENAS.indd

Mapas Pirenaicos bildumak sona handia lortu du honez gero mendizaleen artean. Oraingoan hiru izenburu berri dakartza, horietako bat Bardeak (Nafarroa) eta gainerako biak Pirinio aldekoak: Val d’Aran (Lleida) eta Valle de Aragón-Canfranc (Huesca).

Bardeetako mapa bikoitza da, eremu osoa bildu ahal izateko. Hortaz, maparen alde batean Bardea Zuria dago eta bestean Bardea Beltza. Bilduma honek ohi duen bezala, 1:25.000 eskala erabili da eta, hortaz, kalitate handiko kartografia izateaz gain, txangozalearentzat oso erabilgarria da. Beti bezala, Miguel Angulo adituak egin ditu mapok.

Hala Bardeetako mapak nola Val d’Aran eta Valle de Aragón-Canfrancekoek ibilbide seinaleztatu guztiak bildu dituzte, izan oinezkoentzat edo bttn dabiltzanentzat. Gainera, kartografian ageri gira Gorka Lopez mendizale adituak diseinatutako hamabost txangoak (paseoak eta igoerak). Ibilbide horiek xehetasunez deskribatu ditu maparekin batera banatutako liburuxkan. Zalantza barik, modu zoragarria eskaintzen dute natur eremu horietan barrena ibiliz gozatzeko eta ezagutzeko. Ez dezagun ahaztu balio handiko parajeak direla. Bardeak, esate baterako, parke natural izendatu zituen Nafarroako Gobernuak eta biosferako erreserba Unescok.

 

“Grandes puertos de los Pirineos”, txirrindularitza zaleentzako harribitxia

Posted on by
Erantzun

PUERTOSonline

Txirrindularitza maite duten guztien poza izango den “Grandes puertos de los Pirineos” salgai dago. Liburuak Pirinioetako 33 mendaterik ezaugarrienak deskribatu eta aztertu ditu, Franziako Tourrean urratu duten legenda gogoan duela.

Harrate bakoitzak atal bi dauzka. Lehenengoan ziklismoarekin lotutako historia jorratu du, kontakizun egiazko bezain kitzikagarriz ongi hornituta. Bigarren atalak, berriz, mendaterako igoera deskribatuko du, zailtasuna, zati bakoitzeko nondik norakoak eta beste jakingarri asko jasoz. Kalitate handiko argazkiak dakartza, fitxa teknikoa, mapa, daturik garrantzitsuenak eta igoerako profil altimetrikoa. Azken horretan desnibelaren portzentajeak islatu ditu eta, gainera, ahalegina, potentzia, denbora eta abiadura kalkulatu ditu.

Liburuko 33 harrateetatik 2 Euskal Herrian daude: Bagargi eta Larraine (Zuberoa). Gainerakoetan, oso nabarmenak dira Tourrean itzal handia lortu dutenak: Marie Blanque, Aubisque, Luz Ardiden, Tourmalet, Superbagnères… Mendate batzuetan igoerak isurialde bitik planteatu ditu egileak. Liburuak 324 orrialde dauzka, denak koloretan eta azal lodia dakar. Aitzinsolasa Miguel Indurainek sinatu du.

Liburuaren egileak, Antonio Toralek (Jumilla, Espainia, 1980), txirrindularitza eta, oro har, kirola maite du. Liburu hau egiteko igoera guztiak egin ditu, behin baino gehiagotan. Gainera, ahalegina eta potentzia neurtzeko sistema bat sortu du.