Galiziako itsasertzaren xarma, “Los mejores paseos por la costa gallega” liburuan

GLCIA COSTA azala 07_MTDOGaliziak itsasertz luzea dauka, amaigabea bezain zoragarria, 1.498 km luze. Hondartza harrigarriak, senaiak, kalak eta itsasadar bihurriak, labar arriskutsuak… Horiek guztiak ageri dira “Los mejores paseos por la costa gallega” liburu berrian. Anxo Rial kazetari eta argazkilariak ondu du eta ondo baino hobeto igartzen da, hala testuei darien jakintza eta pasioan nola irudien ederrean.

Liburu honen asmoa, hain zuzen, kostalde horretako leku hautatu batzuetan barrena ibiltzea da, txango liluragarriak eginaz eta paseo ederrak urratuz itsasoaren hegitik. Itsasalde horretatik zazpi kultura eta jende heldu zen, nork bere lorratza uzteko Galiziako herritarren nortasunean.

Irakurle bidaiazaleak leku menderakaitz zein atseginetara eramango duen liburua dauka eskura, beti ere kresalaren usainean. Hautatutako ibilbideak dira, txangorik ederrenak, azken finean, kostaldea bisitatzeko parada emango diguten bidaia laburrak, lekuan lekuko bazterrak, ohiturak, herritarrak eta gastronomia bertatik bertara ezagutu ahal izateko.

Galicia bildumako bigarren liburua da hau. Aurrekoa Anxo Riali zor zaio ere: “Rutas con leyenda”. Lehenengo edizioa agortuta, bigarrena kaleratu du.

This slideshow requires JavaScript.

“Rutas con leyenda”, Galicia bildumako lehenengo liburua

GLCIA LEYENDASazaltxiki

Sua Edizioak-ek Galicia liburu bilduma sortu berri du herrialde hartako kultura, ondasuna, aisialdia eta mendia ezagutzera emateko asmoz. Lehenengo alea, bidea urratzen hasi dena alegia, Anxo Rial kazetariaren eskutik heldu zaigu: “Rutas con leyenda”, Galiziako bazter sorginduak ezagutzera joateko gonbite zoragarria.

Liburuan 40 ibilbide bildu ditu, belaunez belaun iraun duten elezaharrekin lotutako lekuak helmuga. Horrela, Galiziako lau herrialdeetan barrena ibiliko gara, itsaslabar harro eta itsasadar bareetatik hasita eta mendi gaineko azken herrixka eta oihanetara iritsi arte. Leku paregabeak dira, sorginduak, xarma dariela hala haien edertasunari nola bertako gizon-emakumeek mendez mende ehundu dituzten elezaharrei. Erraldoiak eta herensugeak, hildakoak eta biziak, likantropoak eta ikuzleak… pertsonaia sorta harrigarria dago gure zain leku paregabe horiei bizitza emateko.

This slideshow requires JavaScript.

Euskal Herria Liburuak eta Catalunya bildumetan bezalaxe, liburu honetako txango bakoitzak aldean dakartza ibilbidaren deskribapen zehatza, argazki ederrak, mapa eta jakingarri guztiak batzen dituen fitxa teknikoa.

Egilea, Anxo Rial, kazetaria, ekoizlea eta argazkilaria izanik, bidaiak eta mendiak maite ditu eta Galizia goitik behera ezagutzen du. Liburu honetan trebeziaz kontatu ditu elezaharrak, xehetasunez deskribatu ibilbideak eta kalitate handiko argazkiz osatu du puzzlea. Une honetan Galicia bildumako bigarren liburuarekin dabil, “Los mejores paseos por la costa gallega”.

rutasLEYENDA_GALICIA aurkibidea.jpg