“Cumbres anejas”, igoera itzelak etxetik hurbil

Posted on 18/03/2021 by Euskal Herria bilduma

Zer esana eman du azken hilabeteotan Javi Urrutia eta Rafa Bartolomé mendizaleen “Cumbres anejas” liburuak. Euskal Herritik hurbil edo muga-mugan dauden lurraldeetan 57 igoera proposatu ditu. Etxetik hurbil dauzkagun mendiak dira, eta oso-oso erakargarriak. Baina zeintzuk dira?

Lerroon azpiko estekan liburuko aurkibidea jarri dugu, zeinean aurkituko duzuen 57 igoera horien zerrenda. Eta gainera, horietarik bi, oso-osorik. A zelako tentazioak, hasi Auñamendin eta Castro Valneraraino, Obarenes, Arando edo Demanda mendilerroa, Moncayo, Bisaurin, Alanos… Plan itzelak!

anejas_cumbres_eh39_sareak Deskargatu

Hemen daude Euskal Herriko BTT ibilbiderik onenak

Posted on 11/03/2021 by Euskal Herria bilduma

Erantzun

Egun gutxi egin ditu gure artean eta dagoeneko zeresana ematen hasi da. Iván Ruiz Rotaecheren “Las mejores rutas en btt” liburuak herria goitik behera eta ezker-eskuin zeharkatzen duten hogeita hamar ibilbide zirkular dakartza bere baitan, bizikletaz Euskal Herriaz goza dezagun. Nahi duzu jakin ze ibilbide diren?

Lerroon azpian Iván “Rota”k hautatu, diseinatu eta korritu dituen hogeita hamar proposamenen zerrenda laga dugu. Haiekin batera, sarrera laburra eta ibilbideetako bat jarri dugu, Zumaiako flyscha eta euskal kostaldeko geoparkea, hain zuzen ere. Horrela liburua zertan den jakingo duzue. Ondo ibili!

eh43_bttsare Deskargatu

Bide batez: bildumaren itxura eta diseinua berriztatzeari ekin diogu. Ea gustatzen zaizuen!

“Las mejores rutas en BTT”, Euskal Herria bizikletaz ezagutzeko deia

Posted on 25/02/2021 by Euskal Herria bilduma

Erantzun

Euskal Herria Liburuak bildumako 2021eko lehenengo emaitzak, “Las mejores rutas en BTT” liburuak alegia, gure herriko natura-eremuetan barrena bizikletaz ibiltzeko gonbitea dakar. Gure geografia joria ezagutzeko ibilbide zirkularrak proposatu ditu, hala itsaslabar malkarren gainetik nola Bardeetako mortuetatik, Pirinioetako gailur harroak edo Arabako harizti zabalak ahaztu gabe. BTTz egiteko pentsatuta badaude ere, ibilbide hauek ezagutaraziko dizkiguten lekuetako batzuk oinez ere egin genitzake, hala nahi izanez gero.

Liburuak, gainera, nobedadeak dakartza. 2021. urtean zehar bildumako liburuek diseinua berritu eta eguneratuko dute, edukiak are erakargarriagoak egiteko ahaleginean. Esaten dugunaren erakusgarri bikaina da post honen buru paratu dugun liburuaren azal ederra.

Iván Ruiz Rotaechek idatzi ditu liburuko testuak eta egin ditu liburuko argazkiak. Mendizale eta txirrindulari iaioa, ondo baino hobeto ezagutzen ditu Euskal Herriko natura-eremuak. Pyrenaica aldizkariko erredakzio kontseiluko kidea da. Zer hobeto liburua Ivánek berak aurkeztea baino? Aurrera bideoa!