“Valles secretos de Gipuzkoa”, mendizaleentzako liburu harrigarria

Euskal Herria Liburuak bildumak 2022ko azken liburua kaleratu du, Valles secretos de Gipuzkoa alegia, mendiz mendi gutxien ezagutzen ditugun Gipuzkoako bailaretan barrena eramango gaituena. Egileak Joana Garcia eta Txemi de los Dolores dira, biak ala biak eskarmentu handiko mendizaleak eta herria goitik behera ibilitakoak.

Komunikabide handietatik eta ohiko ibilbide turistikoetatik kanpo, liburu honetan bildutako ibarrak natura-gune apartak dira. Jende gutxi ibili ohi da bertatik, eder-ederrak diren arren. Haran horietan harri eta zur utziko gaituzte oihan sarriek, gailur menderakaitzek eta kontu handiz gorde duten ondare kulturalak.

Mendizaleentzako liburua da hau. Tontorrez tontor, bailara ederrak ezagutuko ditugu, Basabe, Urbia, Olatz edo Degurixa bezalako malkarretan ibiliz. Gure botak gailurretara iritsiko dira, baita oihanaren bihotzeraino ere Atxulondoko burdinola galduaren bila, Lizardierrekako ibar mitologikoan barrena abiatuko dira, Kilimon erreka sorginduaren ertzetik ibiliko dira eta Etxolaberriko haran “erromatarra”ren itzulia osatuko dute. Azken batean, gutxien ezagutzen ditugun Gipuzkoako mendietara joateko gonbita dakar liburu honek.

Joana García eta Txemi de los Dolores mendizale zailduak dira eta dagoeneko hamaika argitalpen kaleratu dituzte alpinismoarekin eta naturarekin lotuta. Bilduma honetan bertan aurretik liburu bi plazaratu dituzte: Excursiones por crestas y cordales (2018) y Pueblos de Gipuzkoa con encanto (2020).

El encanto de los pueblos de Gipuzkoa

Desde que se publicó el pasado mes de mayo, el libro “Pueblos de Gipuzkoa con encanto” ha proclamado a los cuatro vientos la belleza de muchas localidades guipuzcoanas. Unas costeras y otras del interior, unas muy visitadas y otras muy tranquilas, todas hermosas y atractivas. De elaborar la crónica de estos 30 pueblos y de proponer rutas por sus alrededores se han encargado Joana García y Txemi de los Dolores. Sin duda, sus textos y fotos provocarán en nosotros el deseo de conocer esos lugares in situ. Quien quiera, puede hacer la prueba con Amezketa. Está en el enlace bajo estas líneas, junto al índice y otros pequeños pasajes del libro. Suficiente para saber lo que es el embrujo de un pueblo con encanto. Ondo ibili!

Dastatu Gipuzkoako herri xarmagarrien lilura

Maiatzean argitaratu zenetik, “Pueblos de Gipuzkoa con encanto” liburuak lau haizetara zabaldu du Gipuzkoako herrien xarma. Kostaldekoak nahiz mendialdekoak, bakartiak zein jendetsuak, denak ederrak eta erakargarriak. Joana Garciak eta Txemi de los Doloresek ondu dute liburu honetako 30 herrien kronika eta haien inguruetan egiteko ibilbideak. Testu eta argazki zoragarriek bertatik bertara ikusteko grina piztuko digute. Esaten dugunaren erakusgarri, lerroon azpian Amezketa uzten dizuegu, baita liburuko aurkibidea eta beste pasarte pare bat ere, herri xarmagarrien liluraz goza dezagun. Ondo ibili!