Hona hemen “Las otras cumbres” liburuko gailur ahaztuen zerrenda

Posted on 26/04/2017 by Euskal Herria bilduma

Las otras cumbresazala

Harrera beroa egin diote mendizaleek Euskal Herria Liburuak bildumako liburu berrienari, Las otras cumbres izenekoari alegia. Eta harrera beroa baieztatzeko nahikoa da ikustea hedabideetan lortu duen oihartzuna eta liburudendetan piztu duen jakin-mina. Elkarrek asteon atera duen liburu salduenen zerrendan hirugarren lekuan ageri da gaztelaniazko ez-fizkioa sailean.

Liburua Txusma Perez Azaceta mendizaleak idatzi du. Orotara 134 mendi tontor bildu ditu, mendizale gehienek urratzen dituzten bideetatik aparte gelditu ohi direnak. Bakartiak izan arren, ez dira ezdeusak: badaukate interesik, hala ondare naturala nola paisaia ikusgarriak, historia joria edo kultur arloko ale estimagarriak.

Esaten dugunaren erakusgarri, “Las otras cumbres” liburuak dakartzan 60 igoeren zerrenda jarri dugu lerroon azpian. Sakatu irudiaren gainean txangoen aurkibidea handitzeko. Xehetasun handiz deskribatuta eta argazki zein mapez egoki hornituta aurkeztu ditu. Euskal Herri osoan barrena ibiltzeko aukera ematen digute, mota guztietako txango, paisaia eta gailurrak ikusteko eta gozatzeko. Ondo ibili!

Hona hemen “Excursiones a lugares históricos” liburuko 30 txangoak

Posted on 25/10/2016 by Euskal Herria bilduma

Erantzun

Historia dauka hizpide “Excursiones a lugares históricos” liburuak. Gure iraganaldiko 30 pasarte hautatu, jorratu eta bertatik bertara ezagutzeko gonbitea dakar aldean. Hau da liburuko atal zerrenda, alegia, gertakizun historikoen eta txangoen aurkibidea:

historicosondo.indd

Goiko aurkibidean txango gehienen kokapen geografikoa azaltzen da. Hala ere, zehaztuko dugu “Territorio bandolero” izeneko atalak Otxandio ondoko pagadietan barrena eramango gaituela eta “Aldeas asoladas por la peste negra” izenekoak, berriz, Aizkoa aldera joko duela, Deierri ibarrera.

Gure historiako 30 pasarte, hasi Neolitoan eta Gernikako bonbardaketa arte, modu atseginean kontatuta eta eszenatokiak bertatik bertara ezagutzeko txangoekin lagunduta. Esaten dugunaren erakusgarri, hona hemen, osorik, “Lodosa, un acueducto romano junto al Ebro” atala (egin klik irudiaren gainean handitzeko).

Txangoak, historian barrena

Posted on 04/10/2016 by Euskal Herria bilduma

Erantzun

EH17_HISTORICOS(cubierta).indd

Euskal Herria Liburuak bildumako ale berriak gure zaletasun kutunetako bi batu ditu: txangoak eta historia. “Excursiones a lugares históricos” liburuak 30 ibilbide dakartza aldean, guzti-guztiak gure iraganaren une gogoangarriei lotuta. Urruneko parajeetara eramango gaitu gure historiako atala ahaztuen bila, baina baita gure ikur nagusienen eszenatokietara hurbildu ere.

Liburuko orrialdeetan barrena euskal historiako pasarterik ezagunenak aurkituko ditugu, Gernikako sua, Orreagako gudua edo Amaiurko gaztelua kasu. Bidelapur, mandazain, emakume espartingile eta olagizonen oinatzen xerka ibiliko gara. Gure prehistoria lanbrotsuaren misterioetan murgilduko gara eta Euskal Herrian zutik dirauen erromatar akueduktu bakarra idoroko dugu. Matxinoen alboan Herria! Herria! aldarrika arituko gara, naziengandik ihesi mugalari ibiliko gara eta Marisantzekin batera lasterketa eroan abiatuko gara, seme Bereterretxe salbatzeko ahaleginean.

Orotara 30 atal historiko bildu ditu egileak, Hektor Ortegak alegia, Euskal Herriko herrialde guztietakoak. Atal bakoitzean zati bina aurkituko ditugu. Lehenengo, gai historikoaren azalpena dakar. Ondoren, leku horretara joateko txangoaren deskribapena topatuko dugu, mapaz eta jakingarriz hornituta. Honela, liburuak gozatzeko aukera bi ematen dizkigu: lehenengo etxeko epelean arlo historikoaren irakurketaz gozatu eta gero lekuan lekuko ibilbidea egin.

This slideshow requires JavaScript.