Aizkorri-Aratz mendiguneko mapa berria

Posted on 28/07/2014 by Euskal Herria bilduma

Euskal Herriko mendizaleek sarritan jotzen dute Aizkorri-Aratzeko natur parkeko eremura, bertan baitaude izen eta izan handiko natur paraje zoragarriak. Eremu hori 1:25.000 eskalan kartografiatu berri du Miguel Angulok eta Sua Edizioak-ek argitaratu: Mapa Pirenaico atalean kaleratu da, ‘Sierra de Aizkorri-Aratz’ izenarekin.

Mapa berriak azken urteotan inguru horretan egin diren aldaketa guztiak erantsi ditu, baita eremu zabal horretako ibilbide seinaleztatu guztiak islatu ere (GR, PR, lekuan lekuko bideak eta Donejakue bidea). Osagarri gisa, mapari atxikitako liburuxkan Gorka Lopez mendizale adituak hemeretzi txango eta igoera proposatu ditu, Aizkorri eta Aratz aldeko lekurik ezaugarrienak ezagutzeko. Ibilbide horietako trackak laster izango dira Sua Edizioak argitaletxeko web gunean eskuragarri.

Horrela, mendizaleak esku-eskura edukiko ditu Urkilla, Elgea, Aloña, Aizkorri eta Altzania aldeko mendietako lekurik ederrenak. Degurixako sarobeetatik Aitxuriako tontorreraino (1.551 m) eta Altzaniako pagadi sarrietatik Ozetako troka meharretara. Jakina, toki klasiko guztiak ahaztu gabe: Arantzazu, Urbiako landa, Araotz, Aizkorri, Lezea, Aratz eta beste asko.

Aralarko mapa berria, oraingoan 1:25.000 eskalan

Posted on 24/07/2014 by Euskal Herria bilduma

Erantzun

Sua Edizioak argitaletxeak Aralar mendilerroko mapa berria argitaratu du, oraingo honetan 1:25.000 eskalan. Lan kartografiko zehatza egin du Miguel Angulok, aurreko bere mapa guztiak berriz jorratu eta eguneratu ostean. Zeregin horretan azken orduko aurrerapen teknologikoaz baliatu da.

Argitalpen berri honetan Aralarko mendigunea bere osoan bildu da, hala Gipuzkoari dagokion alderdia nola Nafarrokoa, alegia, Ataunen hasi eta Ihabarreraino eta Ordizitik Lekunberriraino. Inguru horretan dauden ibilbide seinaleztatu guztiak ere islatu ditu, izan GR, PR edo lekuan lekuko ibilbide laburrak. Euskal Herriaren mendizaletasunaren bihotza guztion eskura dago, modu errazean eta aitzakiarik gabe.

Maparekin batera 58 orrialdeko liburuxka editatu da, mapa sorta berri honetako ohiturari jarraituz. Bertan, Gorka Lopez mendizale adituak, ibilbide seinaleztatuei begirada xumea eskaini ostean, hogei txango eta igoera proposatzen dizkie irakurleei, Aralarko lekurik ederrenetan eta ezaugarrienetan barrena. Proposamen horiek ere mapan islatuta daude eta, horrez gain, ibilbideei dagozkien trackak laster izango dira Sua Edizioaken web gunean eskuragai.

Nuevo Mapa Pirenaico de Aralar a escala 1:25.000

Posted on 24/07/2014 by Euskal Herria bilduma

Erantzun

La editorial Sua ha publicado un nuevo mapa de la sierra de Aralar, en esta ocasión a escala 1:25.000. Se trata de un minucioso trabajo cartográfico de Miguel Angulo, que ha actualizado y revisado sus mapas anteriores con la ayuda de los últimos avances tecnológicos.

La nueva publicación cartografía el conjunto de la sierra de Aralar, tanto su tramo guipuzcoano como el navarro, desde Ataun hasta Ihabar y desde Ordizia a Lekunberri. Incluye todos los recorridos balizados existentes en ese ámbito, desde GRs y PRs hasta los más modestos senderos locales. El corazón montañero de Euskal Herria queda de esta manera al alcance de todas y todos.

Acompaña al mapa un librillo de 58 páginas en el que el especialista Gorka López repasa todas las rutas balizadas y propone una veintena de excursiones y ascensiones a los parajes más hermosos y representativos de Aralar. Todas las propuestas se hallan reflejadas en el mapa y sus tracks serán puestas a disposición de los usuarios en la web de Sua-Edizioak.