“La gran ruta de los faros” liburuak mendizaleen eta hedabideen interesa piztu du

Posted on 08/03/2024 by Euskal Herria bilduma

Ez dago dudarik. La gran ruta de los faros de Euskal Herria liburuak interes handi piztu du, hala publiko zabalaren artean nola hedabideetan. Esaten dugunaren erakusgarri da liburuaren egileari, Javi Pascual Otalorari alegia, egin dioten elkarrizketa andana eta eta liburuak dendetan eduki duen harrera beroa.

Liburuak hamasei etapa proposatzen ditu euskal kostaldeko itsasargi guztiak lotzen dituen ibilbidea osatzeko, hasi Arriluzen, Getxon, eta Biarritzeraino. Gaur egun hamairu dira indarrean dauden itsasargiak, baina horiez gain badira nabigazioa errazteko argi-balizak.

Liburua ezagutu nahi duenarentzat, lerro hauen azpian aurkibidea eta sarrera utzi dugu.

eh60_granrutadelosfarosmuestra Deskargatu

Eta hedabideetan agertutako elkarrizketa sortatik, hemen utzi dugu Radio Euskadin egindakoa:

https://eitb.eus/A_ngK4x0

Eta Berria egunkarian agertutako erreportajea:

https://www.berria.eus/bizigiro/argiari-segika_2120265_102.html

Azkenik, bideo honetan Javi Pascual Otalorak berak liburua zertan den azalduko digu.

“La gran ruta de los faros”, euskal kostaldea ezagutzeko ibilbidea

Posted on 12/01/2024 by Euskal Herria bilduma

Erantzun

Abentura makala La gran ruta de los faros de la costa vasca liburu berriak proposatu diguna: Getxotik Biarritzera tipi-tapa joatea, itsasbazterrari segika itsasargiak bidarritzat hartuta. Hamasei etapa gogoangarri dira, Euskal Herria itsastarra bertatik bertara ezagutzeko eta urratsez urrats gozatzeko.

Zeharkaldia izanik, ahalegina eskatuko digu, jakina, baina etapak ez dira luzeak eta, horretaz, itsasondotik ibiltzeko plazeraz gain, han eta hemen azalduko zaizkigun harribitxiak patxadaz ikusteko astia edukiko dugu. Labarrak, talaiak, kaiak, hondartzak, bokaleak, landak, kalak, basoak, errekak, baserriak, ermitak, herriak eta hiriak tartekatzen urratsez urrats aurrera egingo dugu, kresala lagun dugula.

Egilea, Javi Pascual Otalora, eskarmentu handia dauka arlo honetan. Sua Edizioak-eko sortzaileetako bat izan zen eta bertako zuzendaria 30 urtez. Jubilatu eta gero, liburuak idazteari ekin dio. Hau laugarrena du. Aurretik argitara atera ditu Pueblos de Bizkaia con encanto, Pueblos de Araba con encanto eta Excursiones por riberas de ríos.

Durangoko Azoka

Posted on 04/12/2023 by Euskal Herria bilduma

Erantzun

Durangoko azoka egingo dugu abenduaren 6tik 10era. Topagune ederra da euskal kulturarekin, baita irakurleekin aurrez aurre egoteko aukera polita ere. Benetan plazerra izango da gure saltokian zurekin hitz egin eta tarte gozagarria partekatzea.

SUA Edizioak argitaletxeak aurton kaleratutako nobedadeak eskuragarri izango dira bertan, hala nola, Euskal Herria eta El mundo de los Pirineos bildumetako urteko aleak, beren-beregi berrienak, hau da, La gran ruta de los faros de la costa vasca, ibilbide ikusgarria euskal kostaldetik, eta Baztan-Xareta-Baigorri, mendiko txango eta igoera sorta polita lurralde berde eta liluragarrian barrena.

Euskal Herria furgonetaz ezagutzeko ibilbiderik onenak. Zazpi herrialdeetako lekurik ederrenetara eramango gaitu, 25 plan kitzikagarri egiteko gonbitarekin.

Umeekin egiteko ibilbideak. Gipuzkoa. Familian egiteko hogeita sei txango, haurren gaitasunetara egokitutako desnibel eta distantziekin.

ADI natura bildumetako hiru liburu (Narrasean, Basoko sekretuak eta Nork hil du Trikua), gaztetxoei natura, fauna eta flora deskubritzen laguntzeko.

Zain dezagun mendia, Reinhold Messnerren deia. Mendizale ezagunaren mezuak zer pentsatua ematen du. Juanjo San Sebastian mendizaleak eta Ramon Olasagasti kazetariak idatzi dituzte, hurrenez hurren, sarrera-testua eta epilogoa.