Mapas Pirenaicos bildumako lau ale berri: Belagua, Anboto, Gorbeia eta Bidasoa

Posted on 14/09/2015 by Euskal Herria bilduma

Mapas Pirenaicos bilduma arrakastatsuak lau izenburu berri ekarri ditu azken asteetan liburudendetara. Mendizaleen kuttunak dira, gainera, mapa berriek islatu dituzten eremuak. Egin kontu: Belagua-Zuriza, Gorbeiako parke naturala, Anboto-Udalatx (Urkiolako parke naturala) eta Bidasoa-Bertiz eskualdea (Bertizko parke naturala barne).

Bilduma honetan ohi den bezala, Miguel Angulo adituak osatu ditu lau mapok. Erabat gaurkotuta daude, GPSrako egokiturik eta 1:25.000 eskalan aurkezturik, xehetasun guztiak jasotzeko. Besteak beste, eskualde horietako ibilbide seinaleztatu guztiak (SL, PR, GR…) islatu dituzte mapa hauek.

Gainera, mapek liburuxka ere badakarte. Sua Edizioak eta Gorka Lopez mendizale saiatuak adostu eta gasteiztar idazleak garatutako hamabost txango eta igoera aurkituko dituzue bertan, zein baino zein erakargarriago. Ibilbide horietako trackak Suaren webgunean aurkituko dituzue, deskargarako listo.

Dagoeneko hamalau dira Mapas Pirenaicos 1:25.000 bildumako tituluak. Horietako hamar Euskal Herriko eskualdeei dagozkie, ia denak mendizaletasunari estu lotutakoak: Iratiko Oihana, Baztan, Aizkorri-Aratz, Aralar, Urbasa eta Leire, orain aurkeztutako lau horiekin batera.

2014an agertu zenetik, bilduma horrek arrakasta handia lortu du mendizaleen artean. Hain da horrela ezen denbora gutxian mapa bilduma horretako titulu batzuk agortu eta berriz argitaratu behar izan diren.

El ecologista en casa, una guía imprescindible para cuidar lo que amamos

Posted on 01/09/2015 by Euskal Herria bilduma

Erantzun

El verano nos ha traído “La guía práctica del ecologista en casa”, un título llamado a convertirse en referencial entre quienes estamos sensibilizados con la conservación de la biodiversidad. El libro de la colección Euskal Herria Liburuak recoge toda la información necesaria para cambiar nuestros hábitos hacia prácticas más vinculadas al respeto al medio ambiente. Y lo hace de una manera didáctica y sencilla, porque en gran medida están al alcande de todos.

El libro pretende dar continuidad en la práctica a la creciente concienciación social en torno a la conservación del medio ambiente. Para ello va desgranando una serie de consejos aplicables a nuestras actividades cotidianas en el hogar (limpieza, electrodomésticos, ahorro energético, ropa, cuidado personal, bricolage, reciclaje…) en la oficina y en los centros educativos. La guía se completa con recomendaciones sobre nuestras costumbres de consumo y consejos para cuando practicamos actividades de ocio al aire libre.

El autor, César Barba, es un periodista de dilatada trayectoria, colaborador habitual de la editorial Sua y de la revista El Mundo de los Pirineos.

El ecologista en casa, etxean eduki beharreko gidaliburua

Posted on 01/09/2015 by Euskal Herria bilduma

Erantzun

Udak ekarri digun “La guía práctica del ecologista en casa” liburua ezinbestekoa izango da biodibertsitateari eusteko beharrizana gure baitan sentitzen dugunontzat. Euskal Herria Liburuak bildumako ale berriak informazio zehatza eta eragingarria dakar gure eguneroko ohiturak ingurugiroarekiko begirunerantz aldatzeko. Aholku sorta erraza eta praktikoa da, azken finean denon esku dago eta.

Liburuak praktikara eraman nahi du ingurugiroa zaintzeko gizartean antzematen den ardura. Grina hori gero eta handiagoa da, baina gauzatzeko bideak behar ditu. Helburu horrekin gidaliburu honek hamaika aholku aletu ditu, eguneroko bizimoduan eragiteko, hala etxean (garbiketa, tresna elektrikoak, energia gutxiago gastatzea, jantziak, norberaren atonketa, brikolajea, erreziklajea…) nola bulegoan edo ikastetxeetan. Gidaliburuak baditu, halaber, kontsumo ohiturak eta aisialdiko jarduerak egokiago egiteko proposamenak.

Egilea Cesar Barba dugu, ibilbide luzeko kazetaria eta Sua argitaletxeko zein El Mundo de los Pirineos aldizkariko aspaldiko kolaboratzailea.