“SOS Himalaya”, elkartasun narrazioak munduko tontorrera

Portadas Himalaya(3ed).indd

Liburu berezia dakargu oraingo honetan.  “SOS Himalaya” (Sua Edizioak, 2018) mendi narrazio sorta elkartasunerako jaio zen. Horrela, liburuaren etekinak (hala egileen eskubideak nola argitaletxearen etekinak) Makalu ibarrean ospitalea finantzatzera bideratu dira. Proiektua Iñaki Ochoa de Olza SOS Himalaya fundazioaren esku garatzen ari da.

Liburuaren hitzaurreak Sherpa Pasang, Migma Dorjee Sherpa eta Juan Manuel Sotillosi zor zaizkie. Ondoren, 30 kontakizun, Himalayako argazki itzelekin tartekaturik. Ondoko hauek dira testuen egileak: Koldo Aldaz, Sebastián Alvaro, Josep Manuel Anglada, Xavi Arias, Gregorio Ariz, Maria Climent, Josu Bereziartua, Oscar Cadiach, Jordi Corominas, Kike de Pablo, Oscar Gogorza, Alberto Iñurrategi, Kilian Jornet, Chus Lago, Ferrán Latorre, Juanra Madariaga, Nives Meroi, Juanito Oiarzabal, Edurne Pasaban, Carlos Pauner, Jordi Pons, Ramón Portilla, Eneko eta Iker Pou anaiak, Juanjo San Sebastián, Araceli Segarra, Carlos Suarez, Jordi Tosas, Alex Txikon, Felipe Uriarte, Silvia Vidal, Julio Villar eta Mikel Zabalza.

Lerro hauen azpiko estekan erakusgarri txiki bat paratu dugu: hitzaurrea, aurkibidea eta Maria Climenten narrazioa). Irakurketa plazerra eta elkartasuna izan daiteke batera.

HIMALAYAsareak

Euskal Herriko zuhaitzen gida, egunotarako lagun bikaina

EH_Zuhaitzak_mtdo

Udaberrira berandu heldu gara gutako gehienok, konfinamenduaren ondorioz. Baina, gutxika-gutxika eta zentzunaz, naturara itzultzen hasi gara. Gure inguruko naturara, gu gabe ere bere erritmoari jarraitu baitio, aspaldiko lasaitasun handienean. Natura horretan zuhaitzak loretan dira, edo orri berde biziz ondo hornituta, apain eta eder. Bidean aurkituko ditugun arbola bikain horiek identifikatu eta haien gainean jakiteko gogoz bagaude, “Euskal Herriko zuhaitzen gida” dugu lagunik onena. Gure herrian hazten diren ehun espezie jaso ditu liburu honek (Sua Edizioak, 2019), bakoitzaren datuak ez ezik, itxura, orriak eta fruituak irudi ederretan islatuta. Euskal Herrian daukaten hedadura ere mapa baten ikus dezakegu. Klikatu beheko estekan eta gozatu liburuko zuhaitz ale batzuekin. Ondo ibili!

EH_Zuhaitzak_SAREAK

Etxetik irten gabe: xendazaleentzako ibilbideak Gipuzkoan barrena

cubierta SendeGIP.indd

Konfinamendua arintzen hasi berri den honetan, lehen bezala eutsi behar diegu segurtasun neurriei, zentzunari eta elkartasunari. Urrun dago, oraindik, helmuga. Bitartean, txoko honetara irakurketagaiak ekartzen jarraitzen dugu, aurrerago, ondo bidean, txango bihurtuko direlakoan. Gaur “80 rutas senderistas por Gipuzkoa” liburura jo dugu, bertan dagoelako paisaia sorta jori eta erakargarria. Ibilbide horietan itsaslabar lerdenak, kostaren gaineko talaiak, artzaintzara emandako mendigune zabalak, pagadi ikusgarriak, haitzarte bakartiak eta ibai aratzak agertuko zaizkigu. Beheko esteka klikatu eta horietako batzuk topatuko dituzu. Irakurketa on!

sendeGIP_1a