Liburu-dendetan da Alex Txikonen “Manaslu neguan” liburu berria

Posted on 14/11/2023 by Euskal Herria bilduma

Heldu egin da. Alex Txikonen Manaslu neguan liburu berria gure artean da, liburu-denda guztietan. Bertan aurkituko dugu Manasluko igoera Lemoako mendizaleak berak kontatuta. Aurtengo urtarrilaren 6an iritsi zen tontorrera, igoera eta jaitsiera latzak eginda. Balentria hori, izatez, hiru urteko ahalegina izan da, lehenengo espedizio biak sari barik gelditu zirelako. Baina horiek ere badira tontorrerako bideko atalak, Alexek berak gogora ekartzen duen bezala, tontorra bidea bera delako.

Kontakizun zintzoa osatu du Txikonek. Sentitu bezala jaso ditu gertakizunak, bizipenetatik abiatuta, okerrak eta sufrimendua ezkutatu gabe. Berarekin batera ibiliko gara mendi mazela izoztuetan gora eta behera, serac beldurgarrien artean, hotz gorriaren mende eta haizeteak erruki barik astinduta. Chhepal, Lama, Mayla, Simone eta beste lagun asko izango ditugu alboan. Eta harritu ere egingo gara, Manaslurako bidea Sierra Leonatik ere igaro daitekeelako eta hara-hona gabiltzala Pasang Temba aspaldiko lagunarekin elkartuko garelako.

Liburu mardula da, hala edukiz nola orrialdez (224 orrialde), argazkitzarrez egoki horniturik. Hogei ataletan xehatzen du, urratsez urrats, tontorrerainoko bidea.

Reinhold Messnerrek mezu bat dakarkigu: zain dezagun mendia

Posted on 31/10/2023 by Euskal Herria bilduma

Erantzun

Reinhold Messner mendizale ospetsuak lau haizetara zabaldu nahi du bere deia: zain dezagun mendia. Zaindu behar dugu ez badugu nahi masa-turismoak hondora eraman dezan. Europako goi-mendia bere ezaugarriz hustu eta arriskurik gabeko eremu atsegin, abegikor eta seguru bilakatzen ari gara, kirolak praktikatzeko parke tematiko hutsa. Kaletarrok mendira joan beharrean, hirigunera jaitsi dugu mendia.

Reinhold Messnerren deia: Zain dezagun mendia liburuan jaso ditu bere kezka, hausnarketa eta proposamenak. Izan ere, urteetako eskarmentu, bizipen eta jakintzatik abiatuta, Messnerrek gogoeta partekatu du mendia eta natura maite duten guztiekin. Arazoaren larriaz jabetzea da lehenengo urratsa. Irtenbideak proposatzea, bigarrena. Eta horretara dator liburu hau.

Liburu honek euskal mendizaleari ere emango dio zer pentsatua. Izenburutik bertatik, Zain Dezagun Mendiak azken hamarkadetako hamaika borrokaren oihartzunak ekartzen baitizkigu euskaldunoi: Zain Dezagun Busturialdea edo Zain Dezagun Belagua historikoetatik gaur egun arte, zenbat halako gure bazterretan? Zenbat Zain Dezagun gehiago beharko ditugu oraindik? Arlo horretan, bere txikian, ekarpen handia egiten du liburu honek, arazoa mahai gainean jartzeaz gain, irtenbideak bideratzen hasteko irizpideak ere proposatzen dituelako.

Eta gogoetaren mamiaz gain, liburuak Euskal Herriko begirada ere jaso du. Izan ere, Juanjo San Sebastian mendizaleak eta Ramon Olasagasti kazetariak idatzi dituzte, hurrenez hurren, sarrera-testua eta epilogoa.

Rutas para observar aves

Posted on 06/10/2023 by Euskal Herria bilduma

Erantzun

Una de las actividades más apasionantes que se pueden practicar en nuestras salidas a entornos naturales de calidad es la observación de aves. Nos permite conectar mejor con el medio que nos rodea, disfrutar de su belleza y volver a sentirnos parte de la naturaleza. Euskal Herria ofrece grandes posibilidades para contemplar especies muy diferentes de aves. Este apasionante territorio es el que nos presenta el nuevo libro de la colección Euskal Herria, Rutas para observar aves, de los expertos Jonathan Rubines y José María Fernández-García.

El libro incluye una treintena de rutas distribuidas por todo el país y por tipos de ecosistemas: aves acuáticas, costeras y marinas, rupícolas, de montaña, forestales, esteparias y migratorias. De esta manera, la amplia gama de paisajes que se distribuye por Euskal Herria nos presenta algunos de los espacios más indicados para gozar de su belleza y de la presencia de las aves.

Lógicamente, el libro nos conduce a los espacios más significados del país en el campo ornitológico, desde el pionero collado libre de Organbidexka (Zuberoa) hasta las modernas instalaciones de Urdaibai Bird Center (Bizkaia) o de Ataria (Gasteiz), sin olvidar clásicos como la laguna de Pitillas, las foces navarras y las rías de los territorios costeros.

Cada ruta se centra en una especie principal, que se describe, un mapa y magníficas fotografías que de por sí ya nos invitan a disfrutar de una pausado repaso a las hojas del libro. Y luego, a salir a ver aves. Ondo ibili!