Done Jakue bideen posterra, behin eta berriz agortzen den harribitxia

Posted on 19/06/2014 by Euskal Herria bilduma

Egunotan inprimategira itzuli da Sua Edizioak argitaletxearen poster arrakastatsuenetako bat. Done Jakue Bideen Mapaz ari gara, Pabetik eta Jakatik Finisterraraino dagoen lur eremua mapa panoramiko handi batean bildu duena.

Lan txukun hori Miguel Angulo kartografoak egin zuen eta lehenengoz 2007an argitaratu zen. Plazaratu berritan publikoak besoak zabalik hartu zuen eta, harrez gero, horrela segitu du. Ondorioz, hamaika bider agortu ditu botaldiak. 2014ko ekain honetakoa, seguru gaude, ez da azken berrargiltapena izango.

Done Jakue Bideen Mapak hemeretzi ibilbide bildu ditu, frantses bide ospetsuarekin hasi eta lekuan lekuko aldaera txikiekin buka, Baiona eta Iruñea Baztan ibarretik lotzen dituena kasu. Gainera, ikur bidez jakinarazi du non dauden erromesentzako aterpetxeak, baita bideko monumenturik handienak nabarmendu ere.

Mapas Pirenaicos 1: 25.000 bilduma berriko trackak, jaisteko prest

Posted on 22/05/2014 by Euskal Herria bilduma

Erantzun

Sua Edizioak argitaletxearen webgunean daude, dagoeneko, Mapas Pirenaicos ataleko lehenengo lau tituluetako ibilbideei dagozkien trackak. Gomutan eduki badela izen bateko beste atal bat, baina 1:15.000 eskalan. Bilduma berri honek Cuadernos Pirenaicos historikoa ordezkatuko du. 1:25.000 eskalako mapak teknika kartografikorik aurreratuenez egin ditu Miguel Angulok, baita itxura berrituaz jantzi ere. Haiekin batera, liburuxka batean, inguru horietan egin daitezkeen ibilbiderik interesgarrienak bildu ditu Gorka Lopez mendi-idazlearen landa-lan zehatzaren emaitza.

Oraintsu argitaratutako mapak lau dira: Monte Perdido y Gavarnie, Urbasa, Leire eta Aigüestortes i estany de Sant Maurici. Horietan ageri diren ibilbideen trackak Sua Edizioak-en webgunean daude, eskuragarri. Horretarako, trackak atalera jo behar da eta bertan liburu bakoitzaren azalaren gainean klikatu. Ibilbideen zerrenda zabalduko da gure begien aurrean, dagozkien trackak jaisteko aukerarekin batera.

Kartografia berria eta eguneratua: 1:25.000 sorta

Posted on 06/05/2014 by Euskal Herria bilduma

Erantzun

Mapas Pirenaicos bildumako Leire eta Urbasako mapa-liburuen azala .

Sua Edizioak argitaletxeak aurrerapauso handia eman du Mapas Pirenaicos 1:25.000 bildumako kartografia berriarekin. Aldean dakartzan nobedadeei esker, lan hori erreferentziala izango da aurrerantzean. Alde batetik, Miguel Angulo kartografo eta mendi-idazleak erabili dituen teknika berritzaileak itxura berri eta argiagoa eman diote. Horrekin batera, argitaratutako lan berri guztietan eguneratze lan zehatza egin du, azken urteetako aldaketak txertatzeko. Testuei dagokienez, Gorka Lopez mendi-idazleak orain dela gutxi egindako landa-lanaren emaitza dira proposamen guzti-guztiak.

Ibilbideak GPS bidez grabatu ditugu eta trackak eta waypointak laster egongo dira eskuragarri Sua Edizioak-en webgunean, baita Wikilocen eta CompeGPS gunean ere.

Bilduma berriko lehenengo lau aleak argitaratu dira dagoeneko: Aigüestortes i Estany de Sant. Maurici – Monte Perdido y Gavarnie – Sierra de Urbasa – Sierra de Leire. Ekainean Euskal Herriko lau titulu gehiago agertuko dira: Aizkorri, Baztan, Aralar eta Irati.

Ale berriak argitaratu ahala, bilduma honek Cuadernos Pirenaicos historikoa ordezkatuko du.