Euskal Herriko hegaztiek euskaraz dakite

EH_Hegaztiak_azala.jpg

Hona hemen Euskal Herriko hegaztien gida, gure lurraldeetako hegaztiei buruz argitaratu den libururik osatuena eta erabilgarriena. Katalogo bikain honetan 220 espezie aurkituko dituzu, alegia, gurean habia egin, negua eman edo migrazioan doazela atsedena hartzen duten hegaztirik esanguratsuenak.
Gidaliburuak espezie bakoitzaren deskribapena dakar, baina baita hegan egiteko modua, kantua, bizilekuak eta ohiturak ere. Testuan eta mapan gehien ibiltzen diren lekuak ere ageri dira. Horrekin batera, zein egoeran dauden ere badakar: desagertzeko arriskuan dauden, babesik ba ote duten, bereziak diren…
Identifikazioa errazte aldera, atal grafikoa erantsi zaio espezie bakoitzari. Bertan Calros Silvar adituaren marrazki bikainek animalien egoera eta jarrera desberdinak islatzen dituzte. Testuak, ostera, Xoxe M. Penas eta Carlos Pedreira ornitologoek idatzi dituzte. Euskal Herriko datuak Sua Edizioak-eko erredakzioak osatu ditu.

 

This slideshow requires JavaScript.

 

Hegaztiak ikusteko arorik ederrena, ate joka

PLANES CON NIÑOSHegaztiak ikusten Plaiaundi aldean (Txingudi, Irun). Argazkia: Sua Artxiboa. 

Lehengo astean joan ziren enarak Ibarrangeluko baserriko etartetik, beste leku askotatik bezala. Agur esan barik joan ziren, uda gurean eman ostean, Afrika helmuga. Agur esan gabe baina datorren urtean atzera etortzeko asmo irmoaz. Lehengo astean joan ziren, halaber, Urdaibaiko paduretako arrano arrantzale gazteak, Afrikarako haien lehenengo hegaldia egitera. Joan-etorrikoa izan dadila!

Enarak badoaz, uda hondarretan dagoen seinale. Udazkenean hegazti-saldo itzelak gehiago batuko dira, hala bortu eta harrateetan nola padura eta hezeguneetan, migrazioan doazela. Aro egokia da kostaldetik sartzen direnak ikusteko (Jaizkibel, Matxitxakoko itsasargi zaharreko behatoki zabaldu berria…), zein mendate altuetatik haien zain egoteko (Lindus, Organbidexka…). Sasoi polita da, halaber, itsasbazterreko paduretan babesten diren ehunka aleak zertan diren ikustera joateko (Urdaibai Bird Center, Txingudiko Plaiaundi, Aturriko eta Urdazuriko zingirak…). Eta, ezin ahaztu, barrualdeko hezeguneetan milaka hegazti batuko dira ikuskizun zoragarriak eskainiz, adibidez, Pitillas eta Vianako Las Cañas aintziretan, Salburuan (Ataria begiralekua), Guardiakoetan edo Urrrunaga zein Uribarri-Ganboako urtegietan.

Eta hegaztiak ikustera joanez gero, lagungarria izango zaigu Euskal Herriko hegaztien gidaliburu bikaina. Bertako testuei eta Calros Silvarren marrazki ikusgarrien bidez erraza izango da paraje eder horietako hegaztiak zeintzuk diren zehaztea.