“Rutas circulares fáciles”, mendian gozatzeko plan bikainak

Posted on 16/10/2020 by Euskal Herria bilduma

Euskal Herria Liburuak bildumako “Rutas circulares fáciles” liburuak harrera beroa jaso du mendizale eta, oro har, irakurleen aldetik. Arrazoia begi bistakoa da: 38 plan bikain eskaintzen ditu mendian ibilbide eta igoera ederrak egiteko. Egileak, Txusma Perez Azaceta mendizale adituak alegia, natur eremu eta gailur zerrenda erakargarrian barrena eramango gaitu, gure herriaz gehiago jakiteko eta are gehiago gozatzeko.

Esaten dugunaren erakusgarri, beheko estekan ibilbide bi utzi dizkizuegu, Gipuzkoan bat, Nafarroan bestea, zoragarriak biak. Egin klik eta ondo ibili!

eh_circulares_sareak2 Deskargatu

Dastatu Gipuzkoako herri xarmagarrien lilura

Posted on 09/10/2020 by Euskal Herria bilduma

Erantzun

Maiatzean argitaratu zenetik, “Pueblos de Gipuzkoa con encanto” liburuak lau haizetara zabaldu du Gipuzkoako herrien xarma. Kostaldekoak nahiz mendialdekoak, bakartiak zein jendetsuak, denak ederrak eta erakargarriak. Joana Garciak eta Txemi de los Doloresek ondu dute liburu honetako 30 herrien kronika eta haien inguruetan egiteko ibilbideak. Testu eta argazki zoragarriek bertatik bertara ikusteko grina piztuko digute. Esaten dugunaren erakusgarri, lerroon azpian Amezketa uzten dizuegu, baita liburuko aurkibidea eta beste pasarte pare bat ere, herri xarmagarrien liluraz goza dezagun. Ondo ibili!

gipuzkoa_pueblos_amezketa Deskargatu

Gainbegiratua Euskal Herriko ugaztunen gidari

Posted on 07/10/2020 by Euskal Herria bilduma

Erantzun

Euskal Herriko ugaztunak ezagutu nahi dituzu? Jonathan Rubinesek ondutako “Guía de mamíferos de Euskal Herria” gidan aurkituko dituzu. Euskal Herriko basafaunako 99 ugaztun espezie batu ditu, hala lehorrekoak nola itsasokoak. Eta oso erabilgarria da. Espezie guztien fitxa multzo bikaina ez ezik, animalia bakoitza identifikatzeko gako sorta ere eskaintzen du, hasi oinarrizko jakintzetatik eta buka ikuspegi zientifikoagoan, kaskezurretako ezaugarri bereizleak espezieka jarrita. Nahi duzu probatu? Klikatu lerroon azpiko esteka eta animalia batzuen fitxak eskuratu ahal izango dituzu.

01_mamiferos Deskargatu

Eta natura maite baduzu, ez ahaztu Euskal Herriko natura ezagutzera eman nahi duen Guías Natura sailean bertan, ugaztunen gidaz gain, ondoko hauek ere plazaratu direla: “Euskal Herriko hegaztien gida”, “Euskal Herriko zuhaitzen gida” eta “Guía de flores de Euskal Herria”.