Egilearen Fitxategiak: Euskal Herria bilduma

“Parque natural de Valderejo y Valdegovía”, harribitxian ibiltzeko gida

Posted on by
Erantzun

Valderejoko parke naturala Arabako mendebaldeko muturrean dago, Burgosko ibarretan aihotz baten moduan barneratzen den lurraldean. Babestutako eremua 3.418,5 hektarea zabal da eta auzoan dauka, Burgos aldean, Montes Obarenes-San Zadornil parke naturala. Liburu honek, Parque natural de Valderejo y Valdegovía, Valderejoko parke naturalean barrena eramango gaitu, Purón ibaiak zizelkatutako haitzarte ospetsutik, oihan jorietatik eta tontor ikusgarrietatik nahieran ibil gaitezen. Eta, bide batez, alboko Gaubea [Valdegovía] ibarretako altxor harrigarriak ere (natura, artea, historia…) erakutsiko dizkigu.

Ura da nagusi Valderejoko parke naturalean. Purón ibaiak eta hari lotutako erreka sareak bazter ikusgarriak zizelkatu dituzte milurtez milurte. Horri lotu behar zaio trantsizio eremuan gaudela, atlantikotik eta mediterraneotik datozen eraginak nahasten direla, alegia. Horri esker, pagadi ederrak, pinudiak, artadiak, goialdeetako larreak, labore-sailak, ibaiertzeko basoak eta beste hamaika paisaia agertuko dira gure begien aurren oso kilometro gutxiko tarteetan.

Mar Ramirez kazetari eta mendi-gidariak hamasei ibilbide proposatu dizkigu Valderejoko parke naturalean barrena, baita alboko Montes Obarenes-San Zadornil parke naturaletik (Burgos) eta Gaubea ibarretik ere. Gaubean eremiten haitzuloak, gazteluak, erromatarren aurreko herriak eta mendizale gutxi dabilen tontorrak ditugu zain. Liburuko argazkiak Juan Carlos Muñoz trebeari zor zaizkio. Tartean dira inguru horretako faunaren irudi ikusgarriak.

La colección Euskal Herria publica un calendario de pared para 2026

Posted on by
2

La colección de libros Euskal Herria ha presentado una importante novedad: por vez primera, ha publicado un calendario de pared, en este caso para 2026. Protagonizan el calendario paisajes repartidos por nuestra geografía. El calendario ya se encuentra a la venta en librerías. Los suscriptores de la colección lo recibirán en casa, de forma gratuita.

El calendario tiene unas dimensiones de 33×24 cm y llega con cubierta de color azul. En su interior destacan las cuidadas fotografías repartidas por la geografía vasca. En concreto, cada mes presenta una imagen a gran tamaño y dos más pequeñas, todas de gran calidad. Entre otros parajes, nos encontraremos con los hayedos de Urbasa, la isla de Aketxe, el valle de Aramaio, los acantilados de Zumaia y Donibane Garazi. Una invitación a recorrer Euskal Herria sin salir de casa.

El calendario se publica íntegramente en euskera, tanto los nombres de los meses como los pies de foto. Sale a la venta al precio de 9 euros.

De cara al 2026, Sua Edizioak va a publicar tres calendarios: Euskal Herria, El Mundo de los Pirineos (con un formato similar, fotografías de los Pirineos y seis idiomas) y el calendario de mesa, que saldrá a la venta en diciembre.

Euskal Herriak hormako egutegia dakar 2026rako

Posted on by
Erantzun

Euskal Herria liburuak bildumak nobedadea dakar: 2026. urteko hormako egutegia kaleratu du. Egutegiak gure geografiako paisaiak ditu protagonista. Honez gero, liburu-dendetan dago salgai. Harpidedunek etxean jasoko dute, doan.

Egutegiak 33×24 cmko zabalera dauka eta azala urdina da. Barrualdean Euskal Herri osoko argazkiak dira protagonista, hilabeteko hiru, bat handia eta, txikiago, bi gehiago. Hori bai, denak kalitate handiko irudiak dira. Besteak beste, Urbasako pagadiak, Akatz uhartea, Aramaio ibarra, Zumaiako itsaslabarrak edo Donibane Garazi ageri dira. Euskal Herrian barrena ibiliko gara gure etxetik irten gabe.

Egutegia euskara hutsez dator, hala hilabeteen izenak nola argazki-oinak. Bere prezioa, 9 euro.

Datorren urteari begira, Sua Edizioak argitaletxeak hiru egutegi dakartza: Euskal Herria, El Mundo de los Pirineos (antzeko formatua baina Pirinioetako argazkiekin eta sei hizkuntzetan) eta mahaiko egutegia (abenduan plazaratuko da).