Urbasa eta Andiako igoera eta txangorik onenak, esku-eskura

Urbasa eta Andiako mendiguneetan ibili nahi duen mendizaleak Parque natural de Urbasa y Andia liburuan aurkituko du gidaririk onena. Bertan, Kike Zinkunegik 23 ibilbide eta igoera proposatu dizkigu mota guztietako planak egin ahal izateko.

Mendizaleek, esate baterako, gailur zerrenda polita egin dezakete. Hor da Beriain (1.492 m) mitikoa, Andiako branka, gure zain. Unanutik, Lizarragako mendatetik eta Uhartetik igo gaitezke. Andiatik irten gabe, Satrustegi, Txurregi eta Gaztelu Arakil aldetik, Mortxe Ollarandik,Trekua eta Leziza Goñibartik eta Elimendi Gesalatz ibarretik igotzeko proposamenak dakartza liburuak. Urbasako mendiak ere ez dira falta: Larregoiko, Legunbe, Bargagain, Baiza, Dulantz… Mendizaleak badu non aukeratu.

Larre eta pagadien arteko txangoak maite dituztenak ere ase egingo dira: artzainen bidea, iturriena, Arteako basoa, Eskiza eta Otsaportillo, Zaborrateko ibarra, Ameskoabarrenako itzulia… Urarekin jolastea maite dutenentzat er bada aukera sorta bikaina: Urederraren iturburua, Irantzu eta Arbioz haitzarteak, Artazulgo ur-jauzia eta Artetako iturburua…

Begiratokiak (Ubaba, San Adrian eta Santa Marina ermitak…), ondarea (Zalbideko galtzada zaharra, Irantzuko monasterioa, Ulibarrenaren museoa…), antzinako legendak eta kontuak… Urbasa eta Andiak makina bat edertasun gorde dute haien baitan eta liburu honek gure esku jarri ditu. Ikusi nahi badituzu, sakatu hemen:

Hauek dira mendian aurkituko ditugun Erdi Aroko gazteluak

Atentzioa eman du Rutas montañeras a castillos medievales liburu berriak, proposatzen duen gaia dela eta. Ba ote da Erdi Aroko gaztelurik Euskal Herriko mendietan? Bada, bai, badira, eta ez gutxi. Batzuk zutik aurkituko ditugu, harresiak eta dorreak tente amildegien ertzean. Beste batzuk, ostera, oharkabean igaro litezke jakin ezean hor gaztelua egon zenik. Beharbada haitzean landutako mailak, pasabideak edo ur-gordailua besterik ez dago. Eta azkenik, badira azken urteotan induskatu eta gero, harresiak eta gainerako atalak agerian utzi dituztenak.

Esther Merinok horietako 25 aukeratu ditu. Batzuk, muino apalen buru daude. Garaiena, berriz, 1.400 metrotan dago gure zain. Nahi baduzu jakin zeintzuk diren, klikatu beheko estekan. Liburuaren aurkidea (25 gaztelu eta ibilbideak) eta sarrera aurkituko dituzu. Ondo ibili!

Esther Merinok “Rutas montañeras a castillos medievales” liburua aurkeztu digu

Egunotan heldu da liburu-dendetara Rutas montañeras a castillos medievales liburua, Euskal Herria Liburuak bildumako ale berria. Hogeita bost ibilbide dira beste horrenbeste gaztelura, beti ere muino edo harkaitz baten buru. Historia eta mendia uztartzen dituen gonbidapen kitzikagarria. Beheko bideoan egileak, Esther Merinok alegia, liburua aurkeztu du.