“53 rutas por senderos PR” liburuak Bizkaia ezezagunean barrena garamatza

Ekarpen asko dakartza aldean “53 rutas por senderos PR de Bizkaia” liburuak. Ricardo Hernanik egindako lan horrek, ostera, badu oharkabean igaro litekeen bertute aipagarri bat: ibilbideetako asko Bizkaiko geografiaren bazter ezezagunetan murgiltzen dira, haien edertasuna gure esku jarriz.

Nahikoa da liburuko aurkibideari erreparatzea ikusteko mendizaleek gutxitan bisitatzen dituzten eremu asko ageri direla. Horra hor, esate baterako, Zeberio ibarra, edo Arrigorriagako ibilbide biak, edo Alonsotegi eta Sodupe inguruetan dabiltzan ibilbideak… Eta zer esan Otxandio inguruko baso sarrietatik tipi-tapa ibiltzeko proposamen kitzikagarriez edo Ea aldeko kresal usainez mela-mela eginda ibiltzeko planez? Itzelak direla, jakina.

Natur eremu ospetsuetan barrena dabilenean ere, liburuak ibilbide ezohikoak proposatzen ditu, hala nola Gautegiz Arteaga eta Muxikako txangoak Urdaibai aldean, edo Legarmendiko zeharkaldi bikaina Urkiolako parke naturalean.

Ibilbideotan, beraz, Bizkaiaren beste aurpegi bat ezagutuko dugu, gutxitan ageri dena baina sorpresaz eta edertasunaz mukuru beteta. Lerroon azpian, liburuaren ibilbideen aurkibidea utzi dugu, pdf formatuan. Ondo ibili!

Excelente acogida al libro “53 rutas por senderos PR de Bizkaia”

PRs_756x756

El libro “53 rutas por senderos PR de Bizkaia”, de Ricardo Hernani, lleva mes y medio en la lista de los más vendidos en las librerías de Elkar en la categoría de no ficción en castellano. Esta guía de todos los senderos de Pequeño Recorrido (PR) homologados de Bizkaia está obteniendo una excelente acogida tanto entre los aficionados al senderismo o simplemente quieren planes para fines de semana y vacaciones como entre los medios de comunicación y especialistas.

El libro describe los 53 senderos PR existentes en Bizkaia, descripciones que acompaña con mapas, fotografías y datos prácticos. Montañas, bosques, atalayas costeras, cascadas, ríos, puentes, caseríos y molinos conforman el paisaje por el que discurren estas rutas de media jornada o jornada completa. Bajo estas líneas, el listado completo de recorridos y su ubicación en el mapa de Bizkaia.

PRs BIZKAIAmapa

 

Harrera bikaina jaso du “53 rutas por senderos PR de Bizkaia” liburuak

PRs_756x756

Ricardo Hernaniren “53 rutas por senderos PR de Bizkaia” liburua ekainean argitaratu zenetik Elkar liburu-dendetako salduenen zerrendan dago, ez-fikzioa gaztelaniaz atalean. Bizkaiko PR (ibilbide laburrak) ibilbide homologatu guztiak batzen dituen gidaliburu honek harrera ezinhobea hartu du hala xedazaleen eta opor zein asteburuetarako natura-planak nahi dituztenen artean, nola hedabide eta adituen artean.

Liburuak Bizkaiko 53 PR ibilbideak deskribatzen ditu, mapaz, jakingarriz eta argazkiz egoki horniturik. Mendiak, basoak, kostaldeko talaiak, ur-jauziak, errekak, zubiak, baserriak eta errotak dira egun erdiko edo egun osoko txango eta igoera hauetako paisaiaren osagaiak. Lerroon azpian, ibilbide guztien zerrenda eta Bizkaiko mapan dagokien lekua. Ondo ibili!

PRs BIZKAIAmapa