Euskal Herria Liburuak bildumako ale berriak Nutrición, seguridad y salud en la montaña dakar izenburu (Elikadura, segurtasuna eta osasuna mendian). Gidaliburu bikaina da, bere baitan biltzen dituelako naturan egiten ditugun jarduerak osasungarriak eta seguruak direla bermatzeko jakingarri guztiak. Egileek eskarmentu handia daukate arlo honetan: Antxon Burcio mendizale adituak eta Joana García kirol elikaduran adituak idatzi dute.
Liburua, seguru gaude, laster izango da mendizale guztientzat ezinbesteko argia. Zati bitan banatuta dator. Lehenengoa Antxon Burciok idatzi du eta bertan jorratu ditu mendian gorde beharreko segurtasun neurriak, alegia, janzkera eta ekipo egokia zein den, istripu bat gertatuz gero zelan jokatu… eta hamaika kontu gehiago.
Liburuaren bigarren atalean Joana Garcíak elikadura eta osasun arloko gaiak landu ditu, azken aldiko ekarpen zientifikoen argitara. Elikagaien ezaugarriak aletu, hidratazioa, termoregulazioa, kirol elikagaiak eta gehigarri dietetikoak jorratu eta minik ez hartzeko gomendioak batu ditu.
Azken finean, naturan egiten ditugun jarduerekin gozatu baina minik edo kalterik hartu gabe. Horixe da liburu honek eskaintzen diguna.
Antxon Burcio legazpiarra goi-mendietako gidaria eta mendi-sorospen zein mendi-kiroletan tekniko-irakaslea da. Joana García, ostera, naturopata da, elikadura eta dietetikan goi-mailako teknikoa eta, gainera, mendizale porrokatua.
Euskal Herria liburuak 