“Andres Espinosa”, libre eta bakarrik ibili zen aitzindariaren komikia

Bi urtean behin, Mendifilm jaialdiak eta Sua Edizioak-ek indarrak batzen dituzte euskal mendizaletasunaren gaineko komikia plazaratzeko. Aurtengoa hirugarrena da eta, zalantzarik gabe, zirrara eragingo du. Andres Espinosa. Bakarrik eta libre komikiak bere bizitza harrigarria islatu du. Aitzindaria izatea zer den erakutsiko digu!

Andres Espinosa Etxebarria (1903-1985) zornotzarrak balentria ikaragarriak egin zituen euskal mendizaletasuna abiatu berritan zegoenean. Euskal Herriko mendiak igo eta gero, atzerrira jo zuen abentura bila, baita aurkitu ere: Urriellu soka barik eskalatu zuen, Mulhacen, Veleta eta Teidera bakarrik igo zuen, Mont Blanc eta Cervino bakarrik eskalatu zituen lehenengoa izan zen, Afrika zeharkatu zuen Kilimanjaroko gailurrera heltzeko, Himalaiaraino joan zen bertako tontorren bila… 1936ko gerrak eten zion bidea, baina artean egindakoa edonor harri eta zur uzteko modukoa da.

Haren bizitza dakarren komikian Ramon Olasagastiri zor zaio testua. Ilustrazioak eta koloreak, berriz, César Llagunoren eta Felipe H. Navarroren eskutik etorri dira. Emaitza, zalantzarik gabe, bikaina da, Espinosak merezi zuen neurriko komiki ederra.

Aurretik beste komiki argitaratuta daude Sua Edizioak eta Mendifilm jaialdia elkarlanean. Lehenengoa, 2018an, Everest. Herri bat gailurrean izan zen. 2020an Iñurrategi anaiak. Mendiari bihotz emanak kaleratu zen. Zaletuek harrera ezin beroagoa eman zieten biei.

Vuelve, renovada y ampliada, la “Guía de montes de Bizkaia”

La Guía de montes de Bizkaia es un clásico del montañismo vasco desde su aparición en 1998. Ahora vuelve, completamente renovada y ampliada por dos de sus autores originales, Ane Otxoa de Alda y Alberto Muro. Recoge rutas de ascenso a 128 cumbres de la geografía vizcaína, 54 más que en su primera versión. Todas ellas están incluidas en el catálogo de cimas de Euskal Herria elaborado por la Federación vasca de montaña.

Desde la proa de Zalama, en el extremo occidental de Bizkaia, hasta Tontorramendi, en el linde con Gipuzkoa, y desde el cabo de Ogoño hasta Gorbeia, las 128 ascensiones recogidas en este libro constituyen una invitación a recorrer los principales hitos del paisaje natural vizcaino y disfrutar de sus cumbres más emblemáticas.

Cada ascensión cuenta con una completa y detallada descripción, mapa, datos prácticos y, en muchos casos, fotografía de un especialista de prestigio como Alberto Muro. El resultado es una completa y atractiva guía de 424 páginas, una compañera indispensable para visitar las cumbres de Bizkaia.

“Guía de montes de Bizkaia”, Bizkaiko mendietako giltza berriztuta dator

1998an argia ikusi zuenetik, Guía de montes de Bizkaia euskal mendizaletasunaren klasikoetako bat da. Orain hemen da berriro, baina zeharo berritua eta nabarmen zabalago. Horren arduradunak jatorrizko liburuaren egileetako bi izan dira, Ane Otxoa de Alda eta Alberto Muro hain zuzen. Liburu honetan Bizkaiko 128 tontorretara heltzeko igoerak bildu dituzte, lehengo liburuan baino 54 gehiago. Izan ere, 128 horiek dira Euskal Herriko mendi katalogorako Euskal Mendizale Federazioak aukeratu dituen Bizkaiko gailur guztiak.

Zalamako brankatik, Bizkaiko mendebaldeko muturrean,Gipuzkoa ukitzen duen Tontorramendiraino eta Ogoñoko lurmuturretik Gorbeiaraino, liburu honetako 128 igoerek Bizkaiko mendi nagusietara joatera gonbidatzen gaituzte. Horrela, herrialdeko paisaiako altxorrik preziatuenak ere bertatik bertara ikusiko ditugu.

Sua Edizioak-en gidetan ohi den bezala, igoera bakoitzak deskribapen zehatz eta osoa dakar, baita mapa, jakingarriak eta, mendi askoren kasuan, argazkia ere. Argazkiak Alberto Murok berak egin ditu, bere ohiko trebeziaz. Emaitza itzela da: 424 orrialdeko gida osatu eta erakargarria, Bizkaiko mendietara joateko ezinbesteko bidaidea.