Aiako Harria parke naturala eta Jaizkibel, guztion eskura

Posted on 28/02/2023 by Euskal Herria bilduma

Zer esana ematen ari da Aiako Harria parke naturala eta Jaizkibel liburu berriak. Batetik, lehenengoz Euskal Herria bilduman euskaraz ere kaleratu delako. Are gehiago, jatorrizkoa euskarazko bertsioa da. Bestetik, gidaliburu bikain eta erakargarria delako, ezinbesteko laguna parke naturaleko eta Jaizkibelgo zokondorik ederrenak bertatik bertara ikusteko.

Orotara, Mikel Arrizabalagak ondu duen liburuan 26 ibilbide aurkituko ditugu, 15 Aiako Harria parke naturalaren baitan edo inguruetan, eta gainerakoak Jaizkibel aldekoak. Gutxi batzuk zeharkaldiak edo igoera maldatsuak dira. Gehienak, berriz, goizpasa polita egiteko moduko plan ederrak. Denak, seguru, asebeteko gaituzten mendi-irteera zoragarriak.

Tontorrak, oihanak, ur-jauziak, ibar esekiak, labarrak, zelaiak, errekak, urtegiak, isilpeko bidezidorrak, meatzeak eta milaka kontu zahar eta berria izango ditugu bidaide. Nahi baduzu gehiago jakin, sakatu lerro hauen azpiko lotura. Bertan daude liburuko lehenengo orrialdeak, aurkibidea barne. Ondo ibili!

eh55_aiakoharria_eusk Deskargatu

“Aiako Harria eta Jaizkibel”, Euskal Herria bildumako ale berri ikusgarria… eta euskaraz

Posted on 27/01/2023 by Euskal Herria bilduma

Erantzun

Euskal Herria Liburuak bildumako 2023ko lehenengo liburuak zer esana emango du. Batetik, edukia oso erakargarria delako, Aiako Harria parke naturala eta Jaizkibel baitira protagonista, Gipuzkoako ipar-ekialdeko harribitxiak alegia. Bestetik, lehenengoz, bildumako liburu bat euskaraz agertu da. Mikel Arrizabalagaren jatorrizko testuak Aiako Harria parke naturala eta Jaizkibel liburua osatu du. Gaztelaniara itzulita, erdaraz ere argitaratu da: Parque natural de Aiako Harria y Jaizkibel.

Liburu honek Mapas Pirenaicos sortako Aiako Harria y Jaizkibel (2018) liburukiko edukiak gaurkotu eta osatu ditu. Orotara, hogeita sei ibilbide proposatzen ditu baso, gailur, sakan eta itsaso gainean eskegitako haranetan barrena. Aiako Harria parke naturaleko atalean mendi igoerak eta zeharkaldiak bildu ditu, baita goiz-pasa egiteko moduko mendi-irteerak ere. Tipi tapa goazela, ur-jauzi ikusgarriak, pagadi paregabeak, mairu-baratzeak, meatze zaharrak eta natura paisaia bikainak aurkituko ditugu. Jaizkibelen, berriz, itsaslabar bakartietako altxorrak dira nagusi: malkarrak itsasora amiltzen, haran eskegiak, higadurak zizelkatutako artelanak, urruneko kalak…

Bestetik, esan legez, hau da Euskal Herria Liburuak bildumak euskaraz plazaratu duen lehenengo alea. Alde horretatik, mugarri txiki bat ere bada, etorkizunari begira urratu nahi dugun bidean aurrerapausoa. Datozen urteotan bildumako ale gehiago euskaraz argitaratuko dira.

Egilea Mikel Arrizabalaga Aizpurua da. Mendizale aditua, hamaika argitalpen sinatu ditu azken hamarkadetan, hala liburu moduan nola aldizkarietan (Pyrenaica, Nora…) eta egunkarietan (Berria).

“Aiako Harria y Jaizkibel”, un libro espectacular… y también en euskera

Posted on 27/01/2023 by Euskal Herria bilduma

Erantzun

El primer libro de la colección Euskal Herria Liburuak del año 2023, Parque natural de Aiako Harria y Jaizkibel, va a dar mucho que hablar. De una parte, por su contenido, ya que está dedicado al parque natural de Aiako Harria y al macizo de Jaizkibel, dos perlas del noreste de Gipuzkoa. Por otra, porque, por vez primera, un libro de la colección ha visto la luz en euskera. El texto original fue escrito en euskera por Mikel Arrizabalaga y se ha publicado con el título Aiako Harria parke naturala eta Jaizkibel.

Este libro actualiza y amplía los contenidos del Mapa Pirenaico Aiako Harria y Jaizkibel (2018). En total, propone veintiséis rutas por bosques, cimas, barrancos y valles colgados sobre el mar. En el apartado dedicado al parque natural de Aiako Harria incorpora ascensiones y travesías montañeras, combinadas con mañaneras y paseos más sencillos que nos permitirán disfrutar de hayedos espectaculares, cascadas, crómlech, minas abandonadas y grandes paisajes. En Jaizkibel, por contra, los solitarios acantilados marinos son los protagonistas: remotas calas, valles colgados sobre el mar, esculturas de colores talladas durante siglos por la erosión…

Además, como hemos adelantado, este es el primer título de la colección Euskal Herria Liburuak que, además de en castellano, se publica en euskera. Un paso pequeño pero significativo en el camino que deseamos realizar. En los próximo años la colección publicará nuevos títulos en euskera.

El autor del libro es Mikel Arrizabalaga Aizpurua. Experto montañero, lleva muchos años publicando rutas y temas de montaña tanto en formato libro como en colaboraciones en revistas (Pyrenaica, Nora…) como en periódicos (Berria).