Urbasa-Andiarako bidaiderik onena

Udaberria badoa eta uda ate joka daukagu. Eguraldi ona nagusitu da. Sasoi ederra, mendira joateko. Eta gure mendiguneen artean, Urbasa eta Andiako parke naturalak berezko distira dauka. Hogei milatik gora hektareako eremu joria da, naturaren altxorrez mukuru beteta.

Aukera hori egiten badugu, Parque natural de Urbasa y Andia liburua gure gidarik onena izango da. Kike Zinkunegik bertan mendigunea zertan den azaldu digu, historia eta istorio pilo kontatu eta, batez ere, 23 ibilbide proposatu dizkigu zokondorik ederrenak ezagutzeko eta naturaz gozatzeko: Beriain gisako tontor harroak, Ubaguaren moduko haitzarte bakartiak, Zalbideko galtzada zaharra, Urbasako pagadiak, Urederrako urdin sinesgaitza… eta hamaika harribitxi gehiago.

Bideoan ikusten den bezala, liburuan testu laburrak eta ibilbideen deskribapenak tartekatzen dira, mapaz, jakingarriz eta argazki ederrez egoki horniturik.

Ez dago dudarik. Urbasa edo Andian ibiltzeko, Parque natural de Urbasa y Andia bidaiderik onena da. Botak jantzi eta… mendira!

“Parque natural de Urbasa y Andia”, toda una tentación

Un espacio natural como Urbasa-Andia se merecía un gran libro y ya lo tiene: Parque natural de Urbasa y Andia, escrito y fotografiado por Kike Zinkunegi. En él encontraremos todas las claves de este extraordinario territorio, tanto sus grandes valores como las mejores rutas. Porque aquí no falta de nada: bosques interminables, pastizales serranos, cimas retadoras, ermitas solitarias, precipicios de infarto, estrechos cañones, bordas pastoriles con sus rediles, cascadas simplemente mágicas…

Para quien quiera realizar una pequeña degustación, en el enlace bajo estas líneas hemos dejado el índice, el prólogo y la introducción del libro. On egin!

“Parque natural de Urbasa y Andia” liburuaren tentazioa

Urbasa eta Andia mendilerroko parke naturalak liburu bikaina merezi zuen. Eta badu: Kike Zinkunegik ondu duen Parque natural de Urbasa y Andia. Bertan natura-eremu oparo horren nondik norakoak aurkituko ditugu, hala bertako gakoak nola ibilbiderik kitzikagarrienak. Oihan sarriak, larre zabalak, mendi tontor harroak, ermita bakartiak, labar ikusgarriak, haitzarte meharrak, artzain txabolak eta eskortak, ur-jauzi sorginduak… Ez da ezer falta inguru honetan.

Nahi baduzue dastaketa txiki bat egin, esteka honetan utzi dizuegu aurkibidea, hitzaurrea eta sarrera. Gustuko izango duzuelakoan, on egin!