Guía de Vías verdes, tipi-tapa trenbide zaharretatik

VIAS VERDES_EHDatorren ekainean kaleratuko da Euskal Herria Liburuak bildumako hirugarren titulua. ‘Ama Lurra’ eta ‘Rutas por los bosques más bellos’ arrakastatsuen ondoren, ‘Guía de Vías Verdes’ helduko da, bide berdeen gidaliburua alegia, Alberto Muro argazkilari eta idazlearen lana. Liburuko 216 orrialdeetan 38 proposamen aurkituko dituzue oinezkoentzat zein txirrindularientzat egokitu diren trenbide zaharrak ezagutzeko. Eta horiekin batera, baita bidegorri xarmagarri batzuk ere.

Egiari zor, harrigarria da antzina Euskal Herria zeharkatu zuten trenbideen kopurua, eta are harrigarriago, nondik nora ibili ziren ikusita, sarritan paraje malkartsu eta basatietan barrena atzera eta aurrera aritu ziren eta. Gu, ostera, tipi-tapa ibiliko gara leku liluragarri horietatik, Atxondoko ibar lasaitik esate baterako, edo Barbadun, Bidasoa, Irati eta Leitzaran ibaietako ertzetatik, edo Arabako Mendialdeko bihotzean barrena…