Bada sasoia! Euskal Herriko zuhaitzen gida, euskaraz

EH_Zuhaitzak_azala

Bada sasoia! Udazkenarekin batera dator Euskal Herriko zuhaitzen gida. Zuhaitz askok jantzirik ederrenak erakusten dituzten aroan heldu zaigu espezie ezaugarrienen gidaliburu eder hau.

Euskal Herriko zuhaitzen gidaliburuak gurean hazten diren espezieak batu ditu, hala autoktonotzat jotzen ditugunak nola, kanpotik etorrita bertakotu egin direnak. Katalogo honetan ehun espezie aurkituko dituzue, zuhaitz eta zuhaixka, eta horiekin gure oihan, mendi, ibar, itsasertz eta ibaiertzetako arbolak ezagutu ahal izango dituzu.

Espezie bakoitzari dagokion informazio zehatza dago gidaliburuan: izen zientifikoa eta izen arruntak hala euskaraz nola gaztelaniaz, etimologia, espezie bakoitzeko atalen deskribapen botaniko zehatza identifikazioa errazteko, bizileku motak eta Euskal Herrian daukan hedadura, jarduera ekonomikoetarako eta medikuntzarako eduki dituen erabilerak ahaztu barik. Hiztegi botaniko txikia eta medikuntzari buruzko ohar sorta bat ere badakar.

Ilustrazio ederrak Calros Silvar marrazkigileari zor zaizkio. Testu orokorrak, aldiz, Henrique Niño Ricoik idatzi ditu. Euskal Herriari dagozkion datuak Sua Edizioetako erredakzioak osatu ditu.

This slideshow requires JavaScript.

“Rutas botánicas por parajes de ensueño”, ametsetako ibilbideak

EH 22 RUTAS BOTÁNICASonline

“Hogeita hamaika ibilbide botaniko, hogeita hamaika bidezidor lasai asko egiteko, loreen ikuskizunari erreparatzeko beste asmorik ez dugula. Esku artean daukazuna ez da gidaliburu botanikoa, ezta mendi gidaliburua ere, baina arlo bietatik edanez nahaste kitzikagarria osatu du”. Horrela aurkeztu du egileak, Jon Benito biologo eta argazkilariak, Euskal Herria bildumako liburu berria, “Rutas botánicas por parajes de ensueño”.

Proposamen bakoitzak xehetasun handiz deskribatzen du ibilbidearen nondik norakoak, beti ere natur eremu zoragarrietan barrena, eta osagarri gisa inguru horretako sei loreren fitxa dakar. Horrela, egileak Inglares ibaiko azafraiak ezagutzera eramango gaitu, Lamioxin aldeko haginak aurkeztuko dizkigu, Gorbeiako landare haragijaleak, Lokizko sakanetako estrepa eta ipuruak eta Iturraran (Pagoeta) edo Villa Arnaga (Kanbo) bezalako lorategi harrigarriak ahaztu gabe.

RutasBotanicas003

Egilea, Jon Benito, Euskal Herria Liburuak bilduman lehenengoz agertu da liburu propio batekin baina bildumako lehenengo aleko, “Ama Lurra”, egileetako bat izan zen. Horrez gain, sarritan kolaboratu du Sua Edizioak-ekin. Besteak beste, natura hizpide hartu dituzten artikulu ugari argitaratu ditu Euskal Herria, Nora eta El Mundo de los Pirineos aldizkarietan.

Hogeita hamaika ideia, beraz, Euskal Herria goitik behera ibiltzeko, lehenago egondako lekuekin gozatzeko eta inoiz egon gabekoekin harritzeko, alegia, gure herria sakonago ezagutzeko.

This slideshow requires JavaScript.