Araban umeekin egiteko ibilbideak

Posted on 30/05/2024 by Euskal Herria bilduma

Araban umeekin egiteko moduko 35 ibilbide aukeratu, osatu eta aurkeztu ditu Gorka Lopez mendizale adituak. Herrialdeko eskualde guztietan barrena eramango gaitu, baso, tontor, ibai, arlo eta zelaiz zelai, beti ere zokondo zoragarrien bila. Txango eta igoera hauetan haurrek nahiz helduek hartuko dute gozatua. Hori da Umeekin egiteko ibilbideak. Araba liburuaren gakoa.

Horrelako liburua egiteak erronka handia du: etengabe aldatzen ari den eta eskakizun desberdinetako adinak dituzten umeen eta gazten mendi-beharrak asetzea. Hala ere, adina alde batera utzita, ohiturak eta menditik ibiltzeko abileziak izango dira erabakigarriak txikienek zer ibilbide mota egin ditzaketen argitzeko.

Arabako 35 txango hauek errazenetik zailenera daude antolatuta, eta helduon esku geratzen da asmatzea, denborak, altitudeak eta desnibelak ikusita, zein den aproposena etxeko txikienekin egiteko. Egileak beste faktore batzuk ere kontutan hartu ditu, hala nola, zoru-mota, zoru hori nola dagoen egoera meteorologikoaren arabera (hezetasuna, adibidez), pasabide zorabiagarriak, igoera gogorrak edo bestelako oztopoak…, ibilbiderik egokiena aukeratzeko ezaugarri lagungarriak, alegia.

Hori esanda, dena prest dago, beraz, natura ezagutzeko eta Arabako zenbait kobazulo, baseliza, belardi, aintzira eta gailurrez gozatzeko abenturarako. Ibilbide bakoitzak haurren jakin-mina piztuko duen informazio interesgarria duen laukitxoa darama.

Hiru dira, dagoeneko, umeekin egiteko proposamenak dakartzaten liburuak: Arabakoaz gain, Umeekin egiteko ibilbideak. Gipuzkoa eta, gaztelaniaz, Rutas con niños por Navarra.

“Ascensiones a las montañas más bellas”, una tentación irresistible

Posted on 23/05/2024 by Euskal Herria bilduma

Erantzun

El pico de Anboto, visto desde Udalatx. Así nos tienta la portada del libro Ascensiones a las montañas más bellas, el nuevo título de la colección Euskal Herria. Hay que reconocer que la foto cautiva, es una de esas imágenes que nos hacen saltar como resorte para calzarnos las botas y echarnos al monte. ¿Quién puede rechazar un plan así? Pues, sin duda, otro tanto nos va a ocurrir con las demás cimas de la lista que ha elaborado el experto montañero Txusma Pérez Azaceta.

El autor ha elegido una treintena de montañas de gran belleza y nos ha propuesto rutas para ascenderlas. Como no puede ser de otra manera, en el índice del libro encontraremos nombres imprescindibles como Orhi, Anboto, Aratz, Larrunarri/Txindoki o Iparla, pero también figuran otros mucho menos conocidos. Puede ser el caso, por ejemplo, de Soratxipi, Soila o Pagazelai. Nos esperan orgullosos dosmiles como Ezkaurre o Arlas, pero cotas de modesta altitud también tienen presencia, como nos demuestra el espectacular Ogoño, que hunde sus pies en el mar.

El libro se presenta bien surtido de grandes fotografías, además de numerosos datos prácticos. Además, el alpinista Ramon Portilla ha añadido un apartado con una selección de montañas del mundo que destacan, precisamente, por su belleza.

Txusma Pérez Azaceta es un experimentado montañero, autor de numerosos libros. En esta misma colección ha publicado títulos de gran éxito como Rutas circulares fáciles, Las otras cumbres o Cañadas y senderos de pastores.

“Ascensiones a las montañas más bellas”, mendi ederrenak zain ditugu

Posted on 23/05/2024 by Euskal Herria bilduma

Anbotoko erpina, Udalatxetik ikusita. Horrela tentatzen gaitu Ascensiones a las montañas más bellas liburuak, Euskal Herria bildumako ale berriak. Eta argazkia tentagarria izan bada, eder-ederra, botak jantzi eta aitaren batean bertara joateko gogoa pizten duen horietakoa. Nork esango dio ezetz paraje horietara igotzeari? Bada, zalantzarik gabe, beste horrenbeste gertatuko zaigu Txusma Pérez Azacetak osatu duen bildumako gainerako tontorrekin.

Izan ere, egileak bere mendi ederrenen zerrenda osatu du eta horietara igotzeko planak bilatu ditu. Zerrendan badira ezinbesteko mendiak, Orhi, Anboto, Aratz, Larrunarri/Txindoki edo Iparla kasu, baina baita hain ezagunak ez direnak ere. Horra hor, bestela, Soratxipi, Soila edo Pagazelai. Badira bimilako harroak, Ezkaurre eta Arlas esaterako, baina mendi apalak ere ez dira falta, oinak itsasoan dituen Ogoño ikusgarria kasu.

Argazki ederrez egokituta dator liburua, baita jakingarri ugariz hornituta ere. Eta Ramon Portilla alpinistak munduko mendi ederrenen bere aukeraketa erantsi dio, hango eta hemengoekin gozatua har dezagun.

Txusma Pérez Azaceta mendizale aditua da, zazpi libururen egile. Bilduma honetan arrakasta handiko liburuak plazaratu ditu, hala nola Rutas circulares fáciles, Las otras cumbres edo Cañadas y senderos de pastores.