Etxean gauden bitartean leku askorekin gomutatu gara, seguru. Nork bere kutunak izango ditu, jakina, baina asko gara, dudarik gabe, Nafarroako Pirinioaren oroimina sentitu dugunok. Gaur zati txiki bat dakarkizuegu. Leku berezia da, aparta, non naturak, kondairak eta legendak bat egin duten. Orreagaz mintzo gara, Orreaga esatean gauza asko esaten ditugula jakitun: Pirinioetako igarobidea, santutegia, erromesen eta mendizaleen ostatua, txorizaleentzako behatokia, errege-hilobia, altxor artistikoa eta historian jaio eta legendan betikotu zen guda baten balizko eszenatokia, besteak beste.

Helburu horrekin  “Roncesvalles / Orreaga. Historia, arte y excursiones” (Sua Edizioak, 2018) liburura jo dugu. Alberto Murorenak dira, hala testuak nola argazkiak. Denon begien aurrean jarri ditu Orreagak gorde dituen altxorrak, hala artean, nola naturan eta historian. Nahiko da Orreaga -n klik egitea eta txango eder honetan murgilduko zara. Ondo ibili!